عصير او ياغورت باللبن امممم

[حياة نور الدين]

السلام عليكم

اليوم جبتلكم وصفة ياغورت او عصير مخدوم باللبن اللي مرانت نشروه ومنستهلكوهش ويبقى في الثلاجة حتى يقراص او يحماض ونرموه
البارح للامانة شفت وصفة في سميرة تي في وجربتها وكانت النتيجة مليحة ومرضية خاصة انا مرضعة لازملي الكالسيوم ومنحبش الحليب وحدوا هكا قدرت نشربوا منطولش عليكم تفضلوا مقادير سهلة وبسيطة

نصف لتر لبن
كاس صغير سيرو الرمان
كاس ماء
كاس حليب بودرة
علبة ياغورت دةق لفاني

نحط كل المكونات في بلندر او بالميكسور ونخلي شوية لبن نفرغوه في بول كبير او طاس
نخلطوا كل المكونات ثم نفرغوها على اللبن اللي خليناه ونخلطها بالملعقة
ونحطوه يبرد
والله خفيف وفيه دوق بنين