الجزء الثالث من وصفات حراير واش طيبتي اليوم

[حياة نور الدين]

السلام عليكم

وصفة اللوبيا البضاء بالبصل والطماطم والدوارةم

[زينب 83]

ميني بيتزا بصوص الجبن زينب 83




دفيت الحليب تقريبا كاس ودرت ملعقة خميرة خبز ر ملعقة سكر و كي طلعو زدت الفرينة حتى ولات عندي عجينة طرية و تلصق لازم تلصق بدلتها قطعة زبدة صغييييرة و الملح و عجبتها و خليتها تخمر مليح
مباعد عادي قصيتها دوائر
الحشور
سخنت شوي حليب يعني عدة ملاعق فقط و ذوبت فيه حبات جبن مثلثات حتى ولات كريمة و زتلو زعتر بري و ثوم مرحي شوي فيونداشي طلبي و تونة و زيتون مقطع
جبت ملعقة طماطم مصبرة زدتلها شوي ماء و دهنت الميني بيتزا بالبانسو و حطيت الخليط و زدت فوقو شوي جبن مبشور و زعتر
و دخلتهم فرن سخووووووووون و شغلت المروحة و البنة مانحكيش رووووعة

فكرة الطماطم المصبرة دايما نديرها كي يكون ماعنديش طماطم و تاني مليحة لي الفرن تاعها ما يحمرش الحاشية تاع البيتزا راح تتحمر فور بصح لازم تكون الطماطم جارية و تدهني غير بالبانسو

[idron0]

قلب الوز بلا ليدام ام سوهيل

نحتاجو 3كيلات سميد خشين
+
2كيلات سكر +1 كيلة ماء الزهر

مقادير الشربات
2كيلات ونصف ماء + نصف كيلة ماء الزهر +1 كيلت سكر

الطريقةنخلطو السميد مع السكر + ماء الزهر ونخلطو بي يدينا حتى يتلم الخليط فرغيه في صنية مدهونة بي الزبدة وخليه يبات او خلطيه في الصباح وطيبيه في المساء

و ومن بعد موري المربعات او معيتات وزينيه بي اللوز او الكاوكا وطيبيه

وفي هاد الاتناء نكونو طيبنا الشربات وخلينها تبرد

وكي نطيبو قلب الوز نخرجوه ونسقوه بي الشربات ونخرجوه من الفرن يعني منعودوش نردوه للفرن سخون

وبصحتكم


إضغط هنا لرؤية الصورة بحجمها الطبيعي.

[idron0]

كيكة الجزر ام سوهيل

نحتاجو 2 حبات او 3 جزر مرابين +كاس وربع سكر +كاس حليب +كاس زيت +4بيض +2خمارة +عصير حبة برتقال وزازت البرتقال +كاس سميد رقيق +الفرينة حسب الحاجة

نخلطو الجزر مع الزازت والعصير ونخلطوهم في الميكسار حتى يتقطع الجزر مليح ومن بعد نضيف كل المكوينات بي التدريج ونخلطو ونفرغوها في مول تع الفرن يكون مدهون ونطيبوها في فرن ساخن

وكي نخرجوها نخلوها ترتاح ونزينوها كما حبينا للامنا انا سقيتها بي الشربات ومن بعد زينتها .

[idron0]

عجينة لاكوكوت wahibaazel

السلام عليكم
هذي فكرة جديدة لعجينة المحاجب او المسمن او الشخشوخة باش جيك مدلوكة بلا تعب بلا بتران اي العجان الكهريائي*

ماعليك غير ديري السميد شوية فرينة شوية ملح وتعجني بالماء حت تتحصلي على عجينة طرية في نفس الوقت تكوني حطيتي الكوكوطة نتاعك فوق النار فيها ماء خليها حتى يغلي مليح ثم طفي النار و فتحيها و فرغي الماء كامل و عطي فيها العجينة نتاعك و سكري عليها وديري السفارة و خالها حوالي 4 ساعاتو بعد دري بيها واش تحبي رايحا تلقايها مدلوكة و طرية تشهي كيما انا نديرها في الصباح و لعشية نقطعها دوائر يرتاحو شوية ونبدا نخدم محاجب او مسمن او شخشوخة كيما تحبي*
نشاء الله تحجبكم وتكون صح فكرة جديدة.

[idron0]

السوفلي بالسميد ام سراج و ملاك

كيلي باط لابال 500 غ فارغ سميد مغرف صغيرة خميرة الكسرة مغرف كبيرة سكر عادي ملح فنجال زيت وادلكي بالماء الدافي مليح كي لمطلوع خليه يخمر وجدي الحشو نتاعك الحشو اختياري تحبي ديري الحشو لحم مرحي او بالدجاج مقلين مع شوي بصل وثوم وشوي توابل فلفل اسود وكمون بطاطا مشرشمة حبات فرماج وتكسري حبة بيض عليهم وشوي معدنوس او ديري اي حشو يساعدك انا كل مرة كيفا ندير الحشو ساعات كي ميكونش لحم ندير حشو عادي بالفرماج ولبطاطا وفلفل حلو مقلي وطماطم وثوم وشوي كمون ويجي هايل كي تخمر لعجين شدي حلي دوائر صغار نتاع لعجين وحطي الحشو واقفلي لعجين على شكل نصف دائرة او حلي دائرة حطي الحشو في الوسط وزيدي دائرة اخرى حطيها فوقها واضغطي عليها بالمول واقليهم في الزيت وكي تقليهم حطيهم فوق ورق ماص متخافوش ميشربوش الزيت بزاف ويجيو خفاف .

[idron0]

باركات السميد و الجاج om wassim
100غ سميد متوسط،1/2 ل حليب، ملح 2 صفار بيض،فلفل اسود
الحشو : نقلي بصلة متوسطة حتي تتكرمل ثم نضيفولها صدر دجاج مقطع و ملح فلفل اسود و قرفة كي يطيب نمرسوه و نضيفولو جبن قطع و جبن مبشور و كمية من المعدنوس المقطع
العجين: نحطو السميد و الحليب و الملح و الفلفل اسود في كاسرونة نخلط مليح و نديرهم فوق النار و نخلط حتى تثقال ثم نضيفو صفار البيض و نخلطو العجينة ما جيش جارية بزاف
التشكيل: تاخذي المول تاع لي باركات تدهنيهم و تاخذي العجين تفرشي منو طبقة رقيقة و تحطي الحشو و تغلقي بطبقة من العجين رقيقة و باه مايلصقش فيديك شمخيهم بالماء
منبعد هاذوك البركات حطيهم فالمجمد حتى تلقيهم جمدو نحيهم من لي مول و ديريهم فبياض البيض و الشابلير و قليهم فزيت سخون و نقصي النار باه يطيبو مالداخل
البنة روعة و انا نعمل كمية كبيرة و كي يجمدو نحيهم مالمول و نديرهم في ساشي فالمجمد كي نحب نطيب نجبد
و الحشو كيما تحبي مي انا هذا لي يعجبني المذاق تاعو
بصحتكم .

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

البريوش رولي بالشوكولا اسيا 27

هو ساهل
العجينة :
حبة بيض -نص كاس كبير سكر -نص كاس كبير زيت -كاس كبير ونص حليب دافئ -كيس خميرة الحلوة -مغرفة كبيرة خميرة الخبز -فاني -قشر الليمون او البرتقال -فرينة مغرفة كبيرة مارغرين طرية
100غرام شوكولا سودا مقطعة قطع صغيرة
حبة بيض مع مغرفة ماء زهر وجلجلان
في الاول ديري خميرة الخبز مع الحليب الدافئ و نص كمية السكر خلطيهم وخليهم حتي تشوفيه دار رغوة
خلطي نص كمية السكر اللي بقات مع البيضة وقشر البرتقال الزيت الفاني من بعد زيدي عليه خليط الحليب و السكر و الخميرة
نشفي بالفرينة مع خميرة الحلوة العجينة لازم تكون تلصق شوية ماشي يابسة
غطيها وخليها شوية تخمر من بعد زيدي لها المارغرين واعجنيها شوية وخليها تعاود تخمر
بعد ما تخمر المرة الثانية اقسميها على 2 رشي عليها الفرينة وحلي كل وحدة علي شكل مستطيل كبير ادهنيه بالزيت او مارغرين ذائبة
حطي الشوكولا فوقها بشكل عشوائي في الوصفة الأصلية دايرين فيها كمشة زبيب منقوع في ما زهر انا ما نديروش ما نبغيهش
لويه كيما البسكوي رولي قطعيه قطع ما تكونش كبيرة بزاف حطيهم في قالب مدهون بالزيت متباعدين كي يخمرو يتللاصقو
خليه يخمر
ادهنيه بالبيض و ماء الزهر و ديريلو الجلجلان و دخليه للفرن حامي من قبل بعد ما يطيب ديريلو الناباج او العسل من الفوق
ان شاء الله تجربيه وينجح لك

إضغط هنا لرؤية الصورة بحجمها الطبيعي.

[/IMG]
[IMG]
إضغط هنا لرؤية الصورة بحجمها الطبيعي.
[/IMG]
[IMG]
إضغط هنا لرؤية الصورة بحجمها الطبيعي.
[/IMG]

[idron0]

مايوناز بي الجبن ام سوهيل

او لا نخدو كاس صغير او متوسط تع زيت +حبة او تنين بيض حسب الحجم تع البيضة +4قطع فرماج المثلاثات

وايدا كان نوعية مليحة يكون افضل

+ملح وخل ومغرف زيت الزيتون حطيهم كامل في اناء يكون عميق وضربي بي البرا ميكسار تتحصلي على اشهة ميوناز في ظرف 2دقيقة.

إضغط هنا لرؤية الصورة بحجمها الطبيعي.

[idron0]

موسكوتشو 2 بيضات oum ibrahim

[idron0]

موس الشوكولا السوداء و البيضاء oum ibrahim

[أمة الله]

كل الوصفات روعة يعطيكم الصحة

[هند11]

امممممممم اطباق رائعة يعطكم الصحة

[idron0]

وصفة كيش بالسلق maria mima 02

عجينة بريزي انا نشريها ضعيها قالب للكيش ونثقبها بالفرشيطة
اما الحشو نقلي بصلة مع سلق (مغلي ومعصور) +ملح و فلفل نحطو فوق العجينة
في خلاط نضع 3 بيض و لكخام فراش و 4 فرماج مثلثات او لعندك و فرماج رابي ملح و فلفل خلطي ووضعيه فوق السلق
و رشيها بقليل من فرماج ربي والى الفرن ان شاء الله تعجبك.

[idron0]

عجيجات با السلق رزيقة 16

وصفة رائعة من جدتي رحمها الله
نفورو السلق بعد منكونو نقيناه نخلوه يبرد من بعد اعصريه مليح بيديك باش يخرجلو كامل الما لي يكون فيه من بعد ديريلو الثوم كتريلو شوية كما نقولو ديري درسة ثوم ملح كمون زيديلو شوية فلفلل اسود مع فلفل عكري ملعقة كبيرة او اكثر هريسة لانو البنة كي يكون حار منحكيلكش زيديلو شوية دقيق خشين عينك هي ميزانك ديري نورمال يعطيلو بنة و قرمشة خلطي كلش مع بعض مليح با اليد خليه يتشرب 20 و لا 25 دقيقة من بعد ديري زيت تسخن و قليهم ميخدوش الوقت بزاف تم تم اطيبو صدقيني وحد البنة.


إضغط هنا لرؤية الصورة بحجمها الطبيعي.