قلة احترام قبل الزواج

[○•ميسون•○]

السلـام عليكم...

رأي الـإخوة على حق، الحل الوحيد هو الـإنفصال،ماذا ستستفيدين إن أرضيْتِ أهلك و تكوني نتي في حياتك مش متهنية؟ لازم تسألي روحك قبل رأي أهلك فأنت من سيتزوج و هذه حياتك الخاصة..

إذا عايركم قبل الخطوبةفماذا سيفعل بعد الزواج؟ و ماذا ستستفيدين إن أصبحت مطلقة ؟ فماذا سيفعل لك أهلك بعدها؟ يجب أن تفكري في العواقب أختي قبل ما تفكري في أهلك

و ربي يصلحلك و يعوض عليك خير منو
و مكانش لـي ما يغلطش

الكمال لله سبحانه و ليس للبشر

[zahira2213]

حبيبتي حابة انصحك في سبيل الله لاني صراتلي كيفك .راجلي حكم عليا غلطة عذبني و بهدلني مين تزوجته حتى طلقت شوفي حبيبتي مدامك مازلتي ما تزوجتيش غير خليه يروح لحاله وعيشي حياتك مرتاحة خير ما تندمي وتعيشي مهمومة معاه

[leila ben]

الأعضاء الدين سبقوني كفوا ووفوا
راه في مرحلة الخطبة مقالكش حبيتي يقيلك بعد الزواج تزوجي بواحد ميعرفش خطأك أفضل من خطيبك أصلا رايحة تبقاي موسوسة وخايفة منو نقولها ونعاودها يلعن بو زواج الدل ماشي سترك يشريك ويدلك وقت مايحب
قولي لأهلك بكل بساطة أنك إقتنعت بأن كلامهم هو الصواب ومراكيش حابة تندمي اللي مخترتيش رايهم تعرفي لو كان يصرا بينك وبين خطيبك بعد الزواج مشكل الكل رايح يلومك

[hansali_33]

........ ٱنت من يضمن لك ٱنك لو فسخت الخطبة و إرتبطت بشخص آخر ما يعرفش بقصتك الأولى ويعاملك أسوء منه أنصحك بالحوار مع خطيبك مستحيل حب و عشرة سنتين يروح في لحظة غضب
*

[الدكتور سام]

هدا الخطيب تاعك ما عجبنيش لانه يعتقد انه دار فيك مزية كي خطبك و رايح يديرك عبدة عندو ما دام يعايرك ب خطئك.لو كان يحبك جامي يجبد الخطا تاعك
عجبا للناس.يرون عيوب الاخرين و ينسون عيوبهم
رب يهدي ما خلق
انا نقولك حاجة فكري مليح في هدا الزواج لانك قد تعانين.و كدلك لا تحتقري و تنقصي من شانك بسبب خطئك.فاستغفري الله و تب اليه فالله غفور رحيم و ادع رب ليلا و نهارا.و رب رايح يفرج عليك ان شاء
الله
سلام

[SABOBA]

خطيك منو هاذا قبل الزواج بعد زواج شا يدير

[sarl02]

ليس اي شخص مؤهل لكي يستر على فتاة واخطاؤها في الماضي خاصة اذا كان الخطا جسيم نوعاما ..ولو ان هذا الفعل حقيقة هو من شيم الرجال اصحاب الشخصيات والقلوب القوية ....لكن في حالتك انت يا صاحبة الموضوع فالامر واضح وتاكدي انك ستنالين مزيدا من الاهانات مستقبلا لان هذا الرجل لم يتقدم لك عن قناعة تامة ولم يدرس الموضوع من كل جوانبه والحل الوحيد في حالتك هو الانفصال عنه وربي اجيبلك نصيبك ونصيبه من جهة اخرى.