مشاركتي في كيكتي الاجمل

[لمسة حنية]

السلام عليكم ورحمة الله

صلاة وسلام على حبيبنا وسيدنا محمد عليه افضل صلاة وسلام اولا احب ان اشكر الاختان ام رامي وام كوثر على المبادرة الجميلة التى خلتنا نتفنن و نطيب أحسن الكيك
اعرف نحن مش شافات كبارو باذن الله نتمنى للكل المشاركات الرااااااااااائعات والمميزت ان ينجحنا في صنع الكيكة المهم يلا على المطبخ
اولا كيكة الشكولاطة الاكثر ممن رااائعه اهلي ذقوها عجبتهم 4 بيضات 150غ سكر 150 غ فرينة + مغرفة ككبيرة نشاء مغرفة فاني باكي خميرة الحلوة والصو ر توضح طريقة نخلط البيض وسكروالفانيليا جييييييييييييييدا حتى يصير لونه ابيض ونضيف الفرينة نشاء والخميرة في الاخير منخولتييين مرتين او ثلاث



ندخله لفرن سخون طبعا من قبل لما طابت نحطها على شباك
كتبرد مليح نغلفها بلاسيك ونحطها تبات لاني انا طيبتها في ليل وزينتها في صباح


]

مقادير صلصة شيكولاطة وحشو شيكولاطه او لا نبدا مع الحشو انا حطيت 100غ كرام فراش مع كاس ياورت طبيعي وباكي فلان شيكولاطه ومغرفة تاع نسكافي وخلطهم ملييح وتركتهم يبردوو وصلصة عبارة على كاس من كرام فراش و3 علب شيكولاطه نذوب على نار هدائة كرام فراش ونحط قطع شيكولاطه حتى يدوبو نتحصل
نقطع الكيكة على زوج نضيف ليها الكريمة لذيذة اولاد اختى قعدو يلحسو فيها هبلوني ههههههه

إضغط هنا لرؤية الصورة بحجمها الطبيعي. نطلي كل الجوانب ونخليها في ثلاجة ترتاح على اقل نصف ساعه

مبعد نخرجها من الثلاجة ونحطها فوق شباك ونفرغ عليها صلصة الشكولاطه إضغط هنا لرؤية الصورة بحجمها الطبيعي.

نفرغ عليها زوج مرات حتى نغطيها كاملة نتركها في ثلاجة ترتاااح مليييح ومبعد نبدو في تزيين صلصة الشكولاطه لهبطت نحتجوها نزيد ليها قطعه او زوج من الشيكولاطه ونحطها في كيس حلواني ونزينها من الجوانب وبعجينة التزيين نعمل ورود

في دار مصبروش لازم بعد تزيين ترتاح جيدا قاولي ليلا قصيها باش ياكلو قسيتها طبعا وهجوووووووووووووم

دانية بنت اختى قاتلكم راهي هايلة

وااااع وانا مخلوليش لحست لي في صحن فقط ههههههه وخلونيش نصور ونعاود المهم بعد هاذي قاولي زيدي ديرنا اخرى ههههه جاتني فكره وعلاش لا قلت نديرها بلا شيكولاطه يلا بلا منطول نخليكم مع التفصيل سميتها كيكة لمسة حنية هههههههه لان زدتلها بعض الحجات من عندي المقادير 4 بيضات كاس سكر مش معمر باكي خميرة الحلوة مغرف فانيليا ملعقة كبيرة حليب
ملعقة كبيرة زيت كاس فرينة 2 ملاعق كبار نشاء مغرفة عصير الليمون

والطريقة كيما موالفين



شوفو لما طيب كيفاش تجي هاايلة وخفيفة
تركتها تبرد ملييييييييح ونزيد نعمل كيكى صغيرة بشكولاطه 3 بيض نصف كاس سكر نصف كاس فرنية 2 ملاعق كبار كاكاو فانيليا ونصف باكي خميرة احلوة نتحصل على هذا بعد مطيب نبردها ونقسمها على زوج

نحضر للكريمة 20 حبة كابريس مذوبه مع نصف كاس كرام فراش عندما تبرد نحطها في خلاط مع 100 غ شانتي ونخليها تبرد
إضغط هنا
نحضر الكريمة بعد مبردت ملييييح ومربى الفرولة باش ندهنو بيها الطبقات و الكيكة نقسموها على ربيع قبسي وقصي باش يجو متساويات
ونقص المدورة على زوج وندهنا بلكريمة مثل صورة

وهنا ندهن بي المربى ناخدها ونروليها على سطح الكيكة البنية شاهدو ملييح صورة

انا هنا حجم جاني كبير وزدت صينية صغيرة باش كملت روليتها كل واحد وصينية تاعو والحجم وبعد دهنتها بلكيرمة كلها إضغط وتخليها ترتاح في ثلاجة وتحضري عجينة تزيين انا زدتهلها ملون ابيض وفتحتها ووضعتها فوق الكيكة لما بردت وبعد زينتها كما في صورة

خليتها باتت لان مقصتهاش هاذي المره درت كل شيء في ليل ومخلتهمش ياكلوها حتى جاء المساء باش نصورها بعقلي مش كيما الاوله ههههههه ومبعد جاء وقت القص شوفو الطبقات اممممممممممممممم

اتمنا اني وفقت في شرح ومنسيت والو لاني عيييييييييييييييييييييت بزاف والله كنت مشغولة لو كانت عندي امكانيات ووقت كنت خدمت مافي خير منها لكن مبيدي حيلة المهم يعجبوكم ولو عجبوكم صوتولي وحتى لو معجبكمش صوتلي هههههههههههههههه
ان شاء الله تعجبكم مشاركتي في كيكتي الاجمل اتمنا الدعاء لي وفي مسابقه اخرى باذن الله دمت في رعاية الله وحفظه