خبز بكليل الجبل مع crono

[crono]

السلام عليكم

وش احوالكم عاشوراء مباركة إن شاء الله و كل عام و أنتن بألف خير

تلبيتا لطلب لاخوات لكل وحدة حاصلة واش الطيب

نحطلكم خبز بكليل الجبل

درت غير 2 قرصات باش نصورلكم الطريقة ، كان عندي كمية كبيرة نتاع خبز في الدار، درتو من أجل عيونكم فقط )

نحط 500غ فرينة . ملعقة طعام خميرة .. .. ملعقة صغيرة ملح .. ملعقة كبيرة سكر .. رشة صغيرة كليل الجبل نصف كوب زيت وحبة حلاوة
نخلط المكونات الجافة ثم نخلط المكونات السائلة وتضاف المكونات لبعض حتى تتكون عجينة طرية .نعجنها (بماء دافي )
لمي العجينة بالماء بلا ما تدلكي طبعا البركة في الكيس المبلل رفيقي الدائم ههههههههه

نستعمل طريقة الكيس المبلل للوهرانية : نبلل كيس نظيف و نحط العجين فيه و نغلق الكيس و نخلي العجين يختمر ( أنا خليتها خمرت 2 ساعات لأن المطبخ عندي بارد اليوم








بعد ما تخمر نزيد نعجنها شويا

وتترك لتخمر ثم نحطوها في صينية الفرن مدهونة بالزبدة خير من الزيت عن تجربة

بعد ما تتخمرنعمل فتحات في العجين باصابعنا أو بطرف ملعقة خشب و نرشg بكليل الجبل من اختياري ممكن اكليل الجبل ممكن ريحان ممكن زعتر (أو خليط بصل مقطع بالطول و نص كاس زيت زيتون مع كليل الجبل)







نرش علها قليل من فرينة








تترك مرة اخرى لتخمر ربع ساعة و بعدها توضع بفرن سخن حتى تتحمر


هنا سكبي كمية من زيت زيتون وهو سخون










و صحتين و هنا



هنا قطعتهم ، مدو يديكم ما تحشموش راهو الخير بزاف


هنا بنفس العجين :بلا اكليل

أتمنى جربوها و تعجبكم ، تحياتي