موضوع مميز جيبي مشينتك و ارواحي .....سطايفيه - الصفحة 2

ابداع جزائرية · 2014-01-10, 20:22

يعطيك الصحة ماشاء الله

موضوع تححححفة
ربي ينفع بيك اختي
والله البارح نظن نشوف في اخت دارت موضوع
حابة شكون يوريلها كفاه تستعمل الماشينة وكفاه تخيط
والله غاضتني وقلت نفتح موضوع بماشينتي المتواضعة
ونوريلها الخطوات البسيطة اللي نعرفهم
لقيتك اليوم فتحتِ هذا
يعطيك الصحة وان شاء الله بعد غدوة نصور ماشينتي ونوريهالك

sarra5 · 2014-01-10, 20:54

ya3tik lsaha stayfia raw3aa wlh mawdo3ek moufid bzeeef

ana ta3i brother men l genre lakdim mais mazalet tahfouna hhhhh

بنت سعدان الجزائر · 2014-01-10, 20:54

السلام عليكم
بصراحة فرحت واول يوم ادخل لانك غادرت ولم ارى اي موضوع السبب ان ابنتى لم يقبل منها اظافة موضوع فى قسم اخر فدخلت باسمى فوجدت رسالة عرفت من عندك وبانك رجعت اكثر خير بنتى
فرحت لعودتك كرهت الدخول لهدا المنتدى لانى ارى وكانما اسطايفية فقط الموجودة يعلم الله كم انت غالية
الحمد لله على العودة لايمكن الكتابة لك حتى يصل عدد المشاركات الف حتى نموت والله بزاف نقص شوي يامدير المنتدى اجعلها 500 يرحم والديك اما الف رانى نحبى معاتش نلحق المهم انت بخير

ياسمين1990 · 2014-01-10, 22:18

السلام عليكم ورحمة الله وبركاته
اهلا اختي السطا يفية كل مرة تجئ في الوقت المناسب بارك الله فيك لأنك فتحت هذا الموضوع
المشينة نتاعي طويوطة تشبه نتاع الجيجلية يعني الصورة موجودة كانت تخيط عادي وتطرز ( الزقزاق) أيضاً عادي ولكن في الفترة الاخيرة عادت مديرش الزقزاق ولا ديرو ضيق مثل الخيا طة العادية يعني منقدرش نطرز قندورة او رشمة معينة
اذا ممكن الحل وشكرا مسبقا

tiramisu · 2014-01-10, 23:08

الله يبارك و الله عجبوني بزاف قداش و انا ساخفة نشري ماشينة
منعرفش ترن فالخياطة 0000000000000000000000000000
لكن نحبها و نتمنى نتعلم
نحب هاد الحوايج لكن اليدين خانوني
وشحال تتباع ماشينة معقولة مليحة و ساهلة للتعلام
نضال نتع فيكم"بعضويتي السابقة"
ما شاء الله سطايفية
قلتيلي الجبة الوهراني خاطيك"يعني العراس ف الصيف ننسى الوهراني"
ضرك لازم تعلميني بينوار سطايفي الله الله"صدقت و الا لا يا الحبيبة"
راكي لاكلاص

OM AYA · 2014-01-10, 23:14

OM AYA · 2014-01-10, 23:25

حكيت حكيت حكيت حكيت حكيت قصة الماشينة بصح كي بعثت قالولي المحتوى طويل بزااااف بصح انا زعما كنت عارفتهم و درت حسابي

كوبي بصح قلت بلا ما نقص فالهدرة نقص في لاتاي الصورة طبعااا المصايب لازم ندير كوبي اخرى تاع الرابط الجديد و راح كوبي لقديم

واااااع وزيد ماشي حاطينلي راس يبكي يعني نكتبها واااااااااع
وزيد كي نولي للور ما كانش حكايتي

يعني وعلاااااه تفتحو منتدى كيما هك و بينا و بالاعضاء درتو اسم وكي جي بااااه تطوروه تقنيااا ما ديرو والو

كاين منتديات راهم في الفضاء الخارجي تهدر تخرج كتيبة "هههه "ضحكة الهم

وانتوما زيدو ارقددو

حرااااام عليكم وين راه المسؤوووول

الشعب يريد تطوير المنتدى

راني نكتب بكلافي فيزويال ويدي ثقيلة فالعربية حراااااام عليكم حراااااام احرام

OM AYA · 2014-01-10, 23:44

الله يبارك في ما شينتك BIBA04سوغتو الاخيرة

ما لا راحت عليا القش لقديم كامل راح تتطرزيه بيها صايييي راني برااا

بصح قوليلي الماشينات حاطتهم فالدار ولا اتولييي

هههه تقرعجة صغيرة من لي وليتت ندور مع جماعة وش طيبتي ليوم وليت نقرج مليار

باسكو انا ماشينة وحدة رانيي حايرة فيها مع لقماشات و الكواغط و و و لميت كلش و حطيتهم في دويرة وحدها راه عندها كلش موفر كوزينة وحدها حمام صالون بيت ليها و لولادها ااووول بالكون خصها غير الراجل كاش ماشينة سورجي
وشنو البرد ما كانش شوفاج والفت حرارة المطبخ كي نروح ليها نزورها ما نطولش و نهرب

قلت نجيبها عندي و نرجعها بصح جيناتني نحب كي نخدم و نحبس نخلي كلش في بلاصتو راكي تعرفي مع التربية ما تقدريش تسخني بلاصتك خمس دقايق ما كاش

simsim0 · 2014-01-11, 00:20

موضوع مليح انا اصلا مبتدئة في الخياطة هاذ الساعة راني نخيط غير لروحي ولدارنا و البراكة عندي ماشينة Brother شريتها من فرنسا تخيط هايلة و دير سورجي وكلش بصح عيني على وحدة تطرز ان شاء الله نديرها

كوكا بنت الحاج · 2014-01-11, 09:10

صباح الخير شكرا ليك موضوعك مميز ربي يعطيك متتمناي هذي هي ماشنتي حبيت نعرف كيفاش نخدم بالبياس الي معاها

ايمان2009 · 2014-01-11, 10:59

صباح الخير حباباتي واش السطايفية دورتيها ريباراسيو ههههههههههه عجبتني الكلمة ماظهرت فرنسي ماظهرت شينوية شكرا عزيزتي على الموضوع نصورلك ماشينتي ونجي

أم ياسين الزهراء · 2014-01-11, 11:56

ماشينتي كيما تاع جيجلية غير زرقاء شراهالي زوجي عندها 22 سنة والحمد لله تخيط مليح منبعد نصورهالكم

يعطيك الصحة على الموضوع

لآلئ · 2014-01-11, 19:47

الله الله الله يحفظك يا سطايفية ويعطيك من نعيمه
هي نفس مشينتي ولكني ما نعرفش نخدم ببياساتها كاملين
ضرك نشوف الفيديو واذا ما فهمتش حاجة نرجعلك

nadia19 · 2014-01-11, 20:59

اختي سطايفية علاش الكتان تع القطيفة يتكمش على الجانب كي نخيطو

لميس اميرة · 2014-01-11, 22:36

من فضلكن اخواتي

شكون عندها ماكنة مثل هاذي تشرحلنا كيفاش نعملو الخيط لأني دخلتو يهربلي لداخل وين كاين المصباح و يتخبل او يتقطع ما عرفتش الطريقة الصحيحة باش نركبو من البوبينة

و كيفاش نريقلو طول الغرزة و كيفاش نديروها مرخية او مشبوحة كاين فوق الماكنة حاجة فيها زائد و ناقص ما فهمتش واش هي وضيفتها

و كاين 3 عجلات مرقمة واش فايدت كل وحدة

و كيفاش نيتعملوها للطرز الحواشي

و واش فائدة باقي المكونات

لي عندها مثليها يا ريت تنورني ربي ينور دنيتها ان شاء الله
تسمحلي صاحبة الصور لاني نقل صورها