بوابة المدارس العليا للأساتيذ - الصفحة 2

nani2010 · 2013-06-19, 21:03

اقتباس:

المشاركة الأصلية كتبت بواسطة sirina_angel

حقا تنبيه اخر ....تدخلو نورمال متوسط و من بعد ديرو طرنسفار انتريور ...تبديل داخلي توليو ليسي فاسيلنو ...ما تتقلقوش منها انا بدلت و بزااااااااااااااااف نصنا

خوفتيني

.............................

sirina_angel · 2013-06-20, 19:16

السلام عليكم
انا نجحت في البكالوريا العام الماضي بمعدل 15.04 علوم تجريبية
و وجهوني الى المدرسة العليا للاساتذة بالقبة تخصص علوم طبيعية استاذ تعليم متوسط
في الدراسة عندنا les cours و les td و لي tp
لي كور نقراو في المدرج في 150 واحد....الاغلبية السااااااااااااااحقة بنات
و لي td نقراو ب group فيه 28 هكاك نحلو سلاسل تاع التمارين math chemie w fizik
و في tp اعمال تطبيقية ...يعني تلبسو طابليات و تخدمو بالمجهر
في السداسي الاول نقراو
علم الخلية
علم الانسجة
الكيمياء
الرياضيات
الفيزياء
الجيولوجيا..... عند كابوية ...لي يقرا في القبة يعرفها اكيد
علم التربية
informatique

في السداسي الثاني
علم الخلية ........تصبح .....علم النبات بيو نبات .....تدرسو البنية التشريحية للنبات
علم الانسجة ....تصبح ....... علم الاجنة

بخصوص العقد ولا الكونطرا ....توقعوها في جانفي ولا فيفري
يعني منصب عمل مضمون بعد التخرج .................هاذا هو العزاء الوحيد لينا في القبة
بخصوص التبديل من المتوسط الى الثانوي فهو متاح لكن في معدل محدود
مثلا حنا هاد العام لي حطو طلب تغيير كاااامل بدلوهم و هذا من 15.00 فما فوق ...يعني 14.99 ما يقبلوهمش
و لي دخلو ب طرنسفار تاني ما يقبلوهمش
في العام الاخير تاني ديرو تدريب ميداني يعني يبعثوكم تقريو
يعني العام الاخير عندكم فيه memoire + امتحان واحد في العام + تدرسو في الثانويا و متوسطات ثما في alger

القراية ماش صعيبة بزاااااف ...و لي يقرا يلقا اكيد

لكن العلوم دقيقة ربي يعينهم رايحين يهبلو ................ما يرقدوش و الله ما يرقدو ديما يقراااااااااااااو و العلامات واااااااااااالو

لكن ما تتخيلوش المدرسة العليا كيما الجامعة
راهي صغيييرة كيما lycee و ما فيها حتى مرافق للراحة ما عدا المكتبة و قاعة انترنت ما عندك وين دور و صامطة و منين دور تلقا الغاشي يقرا و راهي قديمة صح صح

اي اسئلة راني هنا

sousou nossa · 2013-06-20, 21:18

سلام
ربي يعينك اختي
مام انا حابتها ادا وصللي معدلي باه ندخللها
كي تخرج نتيجة الباك نعاود نرجعلك
موفقة اختي

csc_1898 · 2013-06-21, 11:38

خويا قضية الخدمة راهي مضمونة 100/100 انا راني عام سنة قريت علوم دقيقة في قسنطينة تشيب الراس خويا العزيز والله تمرميدة مي كي تتخرج تولي الاز إن شاء الله

****.Adel · 2013-06-21, 13:24

combien d'année te9raw

nani2010 · 2013-06-21, 13:27

.................................................. ..........

nani2010 · 2013-06-21, 13:35

نسيت
كيف هي الأسئلة في بداية المشوار ؟
قصدي أسئلة الاختبار الشفهي

sirina_angel · 2013-06-21, 17:23

علوم دقيقة مازالت كاينة ؟ ياك كانت في النظام القديم
ايه مازالت كاينة....السنة الاولى تقراو ميكانيك و ترموديناميك و كهرباء و بنية المادة و تاريخ العلوم و مزال دي موديل خلاف ..... و في السداسي الثاني تخيرو واش تتخصصو ...يعني السنة الثانية تقرا يا رياضيات يا فزياء يا كيمياء يا تكنولوجيا

و كي تتخرجي إن شاء الله يعطولك المكان اللي رايحة تقري فيه ؟ و ما تقدريش تغيريه ؟
ايه يعطيولك المكان لي تقري فيه ...يعني اذا ماجوريت و كنت من الاوائل انت تخير واينا مؤسسة تقري...و الباقي يعطيولك post في ولايتك ......و نورمالمو من بعد ما تقري تقدر تغير لكن قبل التخرج اذا غيرت مكان اقامتك يغيرولك مكان العمل ....هذا ما علابالي

و الامتحانات كيفاه ؟ و الدروس كيفاه يعني ؟ تقدري شوي تحكيلي عليها ؟
الامتحانات بالنسبة لينا حنا علوم طبيعية عادية sujet و اسئلة غااااااااالبا من الدرس يعني لي يقرا يجيب ... الدروس تاني ماش حاجة صعيبة صعيبة .....لكن في الاول رايحة تجيك صعيبة لانها اول مرة
بالنسبة للعلوم دقيقة كيما راني نسمع من زميلاتي يقرااااااااااااااااو و صعيبة و في الامتحانات يجيو يبكيو و في افيشاج 5 ولا 6 برك يديو فوق 10

الإقامة كيف هي ؟
الاقامة تاع الذكور كاينة في القبة بعد.....قريييييييييييييبة تنود 7.30 ... 5 دقائق تكون في المدرسة
و كاينة في بن عكنون بعيدة شوي 15 الى 20 دقيقة في حافلة الطلبة

الظروف و الأساتذة ؟؟
الظروف ...ما فهمتش واش تقصد بيها ...الاساتذة تاعنا cava ناس ملاح يضحكو يحكيو يعاونوك اذا ما فهمتش
لكن بطبيعة الحال ماش كامل

تحلو ثان تمارين و و كيما الليسي ؟
ايه نحلو تمارين و في الامتحانات يجيبونا تمارين ...في الفزياء 3 تمارين في الامتحان و في الرياضيات 4 و في الكيمياء اكثر من 4 + QCM الغالط يدي صحيح يعني اجابة غالطة + اجابة صحيحة = 0
و QCM يديروه في اغلب المواد
و في لي td نحلو سلاسل تاع التمارين

يعني كيما في الليسي ؟ و البرنامج طويل ؟
البرنامج يخلص سوا سوا مع نهاية العام ....و هو طويل شوي كيما في ال كيمياء ما خلصناش في الفوياء تاني و في الرياضيات تاني اما في المواد تاع البيولوجيا ..علم خلية + اجنة + نبات + انسجة + جيولوجيا.... لا زم يخلصوها خاطر نلقاو مشكل الاعوام القادمة
حقا بالنسبة لينا الرياضيات و الفزياء نقراوها السنة الاولى فقط اما الكيمياء في السنة الثانية تولي كيماء جزيئية + كيمياء عضوية ..كل موديل وحدو

و شحال عام تقراي ؟؟ المتوسط و الثانوي
متوسط 4 سنوات ..ثانوي 5 سنوات

اي اسئلة راني هنا
بالتوفيق للجميع

sirina_angel · 2013-06-21, 17:24

السنة الاولى رايحة تكون صعيبة للجميع مهما كان التخصص ...صعيبة في الدراسة و في لا سيتي

sirina_angel · 2013-06-21, 17:30

اقتباس:

المشاركة الأصلية كتبت بواسطة nani2010

نسيت
كيف هي الأسئلة في بداية المشوار ؟
قصدي أسئلة الاختبار الشفهي

اخي ما ديرهاش في حسابك ...راهي بالاسم برك teste ...بالنسبة لينا حنا مادارو والو يشوفك اذا تعرف تقرا ...يجيبلك جريدة و لا يكتبلك حاجة في السبورة بعيدة عليك و يقولك اقراها ...
كل استاذ و كيفاه
مثلا انا .قالتلي اول مرة تجي للعاصمة قلتلها ايه قالتلي عجبتك قلتلها ايه ..
و
عطاتلي بيت مكتوب في الصبورة و قالتلي اقرايه و هو ما يبانش مليح
و من بعد قالتلي نودي امشي ....يعني نمشي قدامها
و من بعد قالتلي تسمعي مليح تشوفي مليح
و من بعد قاتلي تحبي العلوم ....
و من بعد قاتلي مبروك عليك

و كل استاذ واش يجي في بالو يقول
هذا ما كان ماتتقلقوش ما فيه وااااااااااااااااااااالو

nani2010 · 2013-06-22, 12:49

.................................................. ....................

styliste · 2013-06-23, 10:25

stp khtita
wch ta3rfi 3l informatique
soi proff moyen ou lycée
la moyenne,les études,l’école.....
stp

****.Adel · 2013-06-23, 13:28

la moyen d'accès bac 2012
pes Infomatique
ـ إعلام آلي أستاذ التعليم الثانوي ( المدرسة العليا للأساتذة بقسنطينة ) 15.72
,( المدرسة العليا للأساتذة بالقبة ) 15.10
pem Informatique
, إعلام آلي أستاذ التعليم المتوسط ( المدرسة العليا للأساتذة بقسنطينة ) 15.07 ـ
المدرسة العليا للأساتذة بالقبة ) 14.38 ,

pou les étude j n'est pas encore u mon bac pour te conseiller

csc_1898 · 2013-06-23, 13:57

informatique tani fiha 9raya mais mach ldraja kbira ta9ra talga ya3ni normal

styliste · 2013-06-23, 14:21

اقتباس:

المشاركة الأصلية كتبت بواسطة ****.adel

la moyen d'accès bac 2012
pes infomatique
ـ إعلام آلي أستاذ التعليم الثانوي ( المدرسة العليا للأساتذة بقسنطينة ) 15.72
,( المدرسة العليا للأساتذة بالقبة ) 15.10
pem informatique
, إعلام آلي أستاذ التعليم المتوسط ( المدرسة العليا للأساتذة بقسنطينة ) 15.07 ـ
المدرسة العليا للأساتذة بالقبة ) 14.38 ,

pou les étude j n'est pas encore u mon bac pour te conseiller

اقتباس:

المشاركة الأصلية كتبت بواسطة csc_1898

informatique tani fiha 9raya mais mach ldraja kbira ta9ra talga ya3ni normal

بارك الله فيكما ونفع بكما