سؤال محير ما وجدت له جواب موجه خاصة للعاملات

[slimane111]

المشاركة الأصلية كتبت بواسطة سماحة الاسلام

السلام عليكم
ماعيب المراة العاملة؟؟؟؟؟؟
لماذا اصلا يتقدم لها الرافض لعملها و يطالبها بتركه؟؟؟؟
تريد امراة لا تعمل تزوج من الماكثة بالبيت تريح و تستريح

هاهو الحل الصائب اخي ............

[موسى عبد الله]

المشاركة الأصلية كتبت بواسطة alchamkha

و انا السؤال اللي يحيرني هو لماذا من يرغب في امراة ماكثه في البيت يتقدم لفتاة عامله

ماكانش منها إلا اذا كان يقول نرفض كون خدامة و ممبعد دار في حالو

[موسى عبد الله]

المشاركة الأصلية كتبت بواسطة أبو عبود";3991964840][b][size=&quot

فكرة حتى إذا طلقها تجد عملها وكانها تضمن ذلك. ماذا لو اصابها شلل نصفي؟ ماذا لو طردت من العمل؟ الزاوج من الاول هو على نية وبدون تفكير في الطلاق. وإذا كانت تحتاط للطلاق فلم تتزوج أصلا؟
المراة العاملة هي كما يقول المثل الشعبي " كي النملة لي يعذبها ربي يدرلها الجنحين". اصبح الرجل يتزوجها ويأكل راتبها مباشرة بعد ان يسحبه هو شخصيا أو عندما " يطفي الضو" على مصاريف البيت وهكذا يجبرها على الانفاق وهو " عايش على ظهرها" وهذا ه الواقع في نسبة 99% من حالات زواج العاملات.
والنتيجة تفني عمرها في العمل لكي ييستغلها ووقجد يتزوج بمالها من غيرها.
الزواج مبنيى على حسن النية وليس على تامين أو تخطيط او حيلة. ومن يمكر يمكر الله به[/size][/b]

السلام عليكم الله يحفظك يا خويا
اللي يرضى بها خدامة إما:
1- طامع في دراهمها
2- مغلوب على االامر نتاعو
الحالة الاولى غير ينسى باش تعطيلو الدراهم
الحالة الثانية الله ينجي منها كل مؤمن له غيرة على زوجته أقولها أحب من احب و كره من كره

[موسى عبد الله]

المشاركة الأصلية كتبت بواسطة mimily

لان معظم الرجال يحقرو المراة الماكثة بالبيت و ما يلبيوش احتياجاتها لان الزمن غلا

لم لم تسأل عن حال الرجل قبل الزواج لكنه ليس بحجة ظاهرة

[life is life]

ولماذا لا يبحث الاخ عن إمرأة ماكثة بالبيت
لماذا يبحث عن عاملة و يبطلها من عملها
او فتاة تدرس و يبطلها من دراستها
هل هذا لكي يشعر بأنه قد فرض نفسه و الاحساس بقوته و رجولته
ام انها نشوة و فقط ، أعرف أشخاص يقومون بهذا فقط للتفاخر

برأيي عطى الله لبنات و كل واحد يلقى واش حاب سواء عاملة او ماكثة دارسة او لا صغيرة او كبيرة الخ الخ

دعونا من هذا كله فكل شخص حر في نفسه و كل واحد يعرف صلاحو

اعتذر اذا كان ردي مزعجا سلام ,,

[موسى عبد الله]

المشاركة الأصلية كتبت بواسطة life is life

ولماذا لا يبحث الاخ عن إمرأة ماكثة بالبيت
لماذا يبحث عن عاملة و يبطلها من عملها
او فتاة تدرس و يبطلها من دراستها
هل هذا لكي يشعر بأنه قد فرض نفسه و الاحساس بقوته و رجولته
ام انها نشوة و فقط ، أعرف أشخاص يقومون بهذا فقط للتفاخر

برأيي عطى الله لبنات و كل واحد يلقى واش حاب سواء عاملة او ماكثة دارسة او لا صغيرة او كبيرة الخ الخ

دعونا من هذا كله فكل شخص حر في نفسه و كل واحد يعرف صلاحو

اعتذر اذا كان ردي مزعجا سلام ,,

المراة مسكينة و متعرفش صلاحها ، و هو راه حاب يوريلها الطريق،ياختي كلمة كل واحد حر هي التي و صلتنا للشي الذي وصلنا إليه لكن العت كله على الآباء فلهم السلطة على البنات ، الله يجيب الخير

[oum imane83]

وحتى لو كانت هناك نية مليحة مند البداية لكن ربما خوفا مما تراه في المجتمع من تهرب بعض الازواج من مسؤولياتهم .. عدم الوفاء الانفصال و التخلي هم الزوجة لاتفه الاسباب ...

والله مجتمعنا اصبح يخوف الى اين نحن داهبون ..ربي يستر

[anissa90]

المشاركة الأصلية كتبت بواسطة alchamkha

و انا السؤال اللي يحيرني هو لماذا من يرغب في امراة ماكثه في البيت يتقدم لفتاة عامله

بارك الله فيك اختي و الله جواب في محليه

[أم احمد3]

لالا
المراءة على مر الدهر عاملة................
وابلرجل يستغلها دائما ...تعمل 24 ساعة في اليوم وهو يعمل 8 ساعات ويبقى الساعات الاخرى للمرح واللهو والهاتف مع البنات اما المراءة من العمل الوظيفي لعمل البيت لتربية الاولاد

وزمان ايضا ...من الحقل لعمل البيت وتربية الاولاد كل سنة بولد حتىاصبحن يجهظن ..............

[anissa90]

المشاركة الأصلية كتبت بواسطة موسى عبد الله;3991970355[color="red"

]المراة مسكينة و متعرفش صلاحها[/color] ، و هو راه حاب يوريلها الطريق،ياختي كلمة كل واحد حر هي التي و صلتنا للشي الذي وصلنا إليه لكن العت كله على الآباء فلهم السلطة على البنات ، الله يجيب الخير

[size="5"]الباركة في رجال اليوم ليعرفوا بزززززاف صلاحهم منقوشة و سروال طايح و تبهليل [/size]وفوق هذا شئ تلقى اخته خدامة احبوا يفرضوا راييهم السلطة برك على بنات الناس
و لكن الله غالب كثرة هذه الظاهرة ماشي غير في العمل اشوف وحدة ماشي دايرا حجاب اصلا كي يتقدم للخطبة يطالبها بالجلباب و يقولك حاب نسترها

[life is life]

المشاركة الأصلية كتبت بواسطة موسى عبد الله

المراة مسكينة و متعرفش صلاحها صح مسكينة و كاين لي ما تعرفش صلاحها واش ما يقولولها على الراس و العين و بينها و بين روحها تقعد تبكي ! ، و هو راه حاب يوريلها الطريق يروح لوحدة طريقها كيما طريقو ،ياختي كلمة كل واحد حر هي التي و صلتنا للشي الذي وصلنا إليه و الله يا اخي انا ارى أنو كل واحد حر في نفسو و لكن في حدود التي ترضي الله عز و جل لكن العت كله على الآباء فلهم السلطة على البنات اوافقك الرأي و لكن هذا فيما يخص الاباء عديمين المسؤولية و الذين لا يضعون حدود لبناتهم و لا يرونهم الصح و الغلط و تقولو هذا مون أأمي ووو هذو و مع احتراماتي للجميع ديوثين و يسمحون بشيء يسمونه علاقات عمل ؟؟!! علاقات العملتبقى في العمل الحديث عن العمل لا في الخارج و كلام عن حياة شخصية ووو بفففففف الله يهدي ولا يدي ، الله يجيب الخير اللهم آميــــــــن يا رب

نحن يا اخي نتفق في بعض النقاط و لكن لا ارى ان عملالمرأة مشكلة اذا كان عمل يلائم المرأة في سلك التعليم أو الصحة فيما يخص بالنسائية

و انا يا اخي اقول انه كاين بزاااااااااف بنات الله يبارك خيّر و ختار
و الانسان موش مضطر يتناقش في هذه الامور

كاين ناس تسقسيو تشوف بعينك و تعرف اذاعاملة او ماكثة و اذا كانت عاملة اذا كانت منضبطة و ملتزمة او ... الله يهدي

و لا ارى انه ترك المرأة لعملها في صالحها إلا اذا كان الزوج قادرا على تحمل المسؤولية كاملة و توفير حاجيات بيته و هي بالتالي اذا كانت موافقة على ترك العمل أي انها كانت تعمل فقط لإعانة أهلها ووو """

هنا فقط يمكن للمرأة التخلي عن عملها

اما ان يكون مستقبل مجهول و ان تكون رغبة الزوج في ترك زوجته العمل فقط ليتفاخر و يقول انا ديتها خدامة و بطلتها ووو "" فهذا أمر تافه انا يحيرني هاد التخمام

و كأن كل النساء الجزائريات عاملات !!

[موسى عبد الله]

المشاركة الأصلية كتبت بواسطة سلواان

أجب عن السؤال اولا ..
لماذا تختار من بين النساء امرأة تريد العمل وأنت تريدها ماكثة ؟
يبدو أنها اعجبتك فصرعتك ..
شوفلك وحدة بطالة واتهنى .وإذا كان الإعجاب بها عظيما فتحمل رغبتها .وانس مبادئك أم أنك تريد كما يقال بالمثل الدارج ( سمينة وما تعلفش )..أخشى أن الموضوع سيتحول الى عمل المرأة حرام أم حلال ..

أقول لك ، فكرة الزواج من امرأة عاملة هي بالنسبة لي مستحيلة ، حتى لو اني لم اجد الا العاملة فلن اتزوجها اتعلم لماذا
غيرة عمر بن الخطاب رضي الله عنه:
- كان عمر بن الخطاب رضي الله عنه من أعظم الصحابة غيرة على النساء، وقد ذكر النبي صلى الله عليه وسلم غيرته في الرؤيا التي رأى فيها قصر عمر بن الخطاب في الجنة، فعن أبي هريرة رضي الله عنه، قال: بينا نحن عند رسول الله صلى الله عليه وسلم إذ قال: بينا أنا نائم رأيتني في الجنة، فإذا امرأة تتوضأ إلى جانب قصر، فقلت: لمن هذا القصر؟ قالوا: لعمر، فذكرت غيرته، فوليت مدبرًا . فبكى عمر، وقال: أعليك أغار يا رسول الله؟!)) .
- وعن ابن عمر قال: ((كانت امرأة لعمر تشهد صلاة الصبح والعشاء في الجماعة في المسجد، فقيل لها: لم تخرجين وقد تعلمين أن عمر يكره ذلك ويغار؟ قالت: وما يمنعه أن ينهاني؟ قال: يمنعه قول رسول الله صلى الله عليه وسلم: لا تمنعوا إماء الله مساجد الله)) .

[في وجه المبتدعة]

المشاركة الأصلية كتبت بواسطة موسى عبد الله

المراة مسكينة و متعرفش صلاحها ، و هو راه حاب يوريلها الطريق،ياختي كلمة كل واحد حر هي التي و صلتنا للشي الذي وصلنا إليه لكن العتب كله على الآباء فلهم السلطة على البنات ، الله يجيب الخير

حجتكم ضعيفة يا اخ ثم انت لست مكلفا انك توري للمراة مصلحتها ، عندها ابوها اخوها راه مسؤول عليها، شخص مثل هذا ما عليه الا ان يبحث عن ماكثة بالبيت وراهم كاينين بنات الفاميليا ثم هذه المسكينة تقول في قرارة نفسها تعبت و درست ثم ياتي احدهم و يقول لي اتركي العمل ؟؟؟
عذرا عن صراحتي حتى وان كنت ضد عمل المراة

[سيرين 5]

المشاركة الأصلية كتبت بواسطة موسى عبد الله

السلام عليكم و رحمة الله و بركاته يا جماعة ما هو الداعي لرفض الفتاة الزواج و تفريطها في الزواج ، خاصة إذا كا من تقدم لها رافض لفكرة عملها سؤال و الله ما لقيت له جواب أفيدونا يرحمكم الله أقنعوني ربما اقتنعت

ممكن جوابي ما يقنعكش ؟ أو أكيد ما يقنعكش ، راح نحكي عن نفسي فقط
لما كنت أدرس في السنة الثالثة ابتدائي و بالتحديد في الفصل الأول تطلقت أمي مباشرة بعد وفاة جدي الله يرحمو ؟ لأنو الوالد رفض ذهابها للجنازة ، قالها تروحي راكي مطلقة هي راحت و ما ولاتش لأنو كانت القطرة التي أفظت الكأس، حملت سنين القهر الضرب الشتم لأنو كان يشرب لا يصلي لا يصوم ....
بعد شهور يعني في نفس السنة توفات والدتها الله يرحمها ، بعدها طردنا والدنا من البيت قالنا ديغاج، أتذكر الحادثة و كأنها اليوم رغم مرور سنوات عديدة عليها كنا كل جمعة نذب عند أمي و في المساء نعود و في احدى المرات عدنا فتح لنا الباب و قال لنا ديغاج روحو عند يماكم ؟؟؟
حنا عدنا عند يمانا و تصور كم كنا ؟؟؟ الصغيرة كانت رضيعة حديثة الولادة كانت من الأول مع أمي ، بعدها أنا كنت سنة ثالثة ابتدائي و أخت تكبرني سنة رابعة ابتدائي و أخ فوقها سنة خامسة ابتدائي و أخ آخر سنة ثانية ثانوي علمي و أخ آخر سنة ثانية ثانوي أدبي و أخت أكبر سنة أولى جامعي والأخت الكبرى جالسة بالبيت توقفت عن الدراسة و الأخ ال:بر أيضا لم يكن يدرس كان تكوين ميكانيك، كان هو الأول من خرج من المنزل بسبب الضرب و المشاكل و كان مستقر في بيت جدي و جدتي الله يرحمهم
رجعنا لعند الوالدة بثيابنا دون أوراق دون ملابس دون أي شيء ؟؟؟؟ جلسنا عدة شهور و الناس تتصدق علينا لا نملك حتى فرن نطيبو عليه ؟؟؟ توقفنا عن الدراسة جرينا باش جبنا أوراقنا الرسمية و بدلنا المدارس حتى 2 أخوالي الكبير ما كانش يحوس علينا يجمع مع أولادو ياكلو حنا نتفرجو والله باكي مقرون ما مدهولنا ؟ و خالي الأصغر ما عندوش الأولاد كان مع مرتو هجمو علينا سبان وعايرة و ظلم و حقرة .... قالنا جيتو تروثو و حنا ربي لي عالم بحالتنا ؟؟؟ أمي عادت عنيفة منهارة نفسيا ولات تعيط و تضارب و تدرب .... عشنا الجحيم حتى الناس كي تحقرنا ما نقدروش نرجعو إذا رجعنا ما تحوش تفهم تجري تضربنا حنا ؟؟؟
مستوانا الدراسي نزل كثبرا كنت من الخمسة الأوائل وليت ما قبل الأخيرة و اختي كانت الأولى تراجعت بزاف و أخي أيضا ما عادش يحب يروح يقرا، لي كانو في الليسي حبسو رغم أنو مستواهم كان جيد لي كان علمي كان عندو معدل 12 ولاو يخدمو عساسين في الليل و يقراو في النهار ما قدروش حبسو عيات معاهم يما قاتلهم أنا نخدم ما حبوش ولاو وين يلقو خدمة يخدمو يجبو مصروف للدار
بقينا بشويا وشيوا حتى هدنت الأوضاع و بدينا نوالفو حياتنا الجديدة
ماديا بدينا نتحسنو و بداو الخاوة يديرو مشاريع صغيرة بداو بجيسانك يخدمو بيه الطرونسبور رهنت يما ذهبها و سلفو شويا دراهم و شراوه و بداو يخدمو بيه موراها شراو ج 9 من بعد كارزان من بعد فورغون كبير مرسوداس شدو خويا تحت الكبير يخدم بيه الطرونسبور تاع السلعة و الكبير شد كارزان تاع صاحبو خلاهولو يخدم بيه و يخلصو و أخي الثالث لي كان علمي شرا طونوبيل و ولا يخدم مع لي قروسيست يليفري السلعة
حنا دراسيا بدينا نتحسنو شويا شويا مي ما وليناش من الأوائل كيما كنا ؟ أخي لي كان سنة خامسة كمل حتى للثامنة و حبس ما قدرش ، بعدها دار ستاج باتيسري و بدا يخدم
و أختي الجامعية كملت دراستها و سوتنات و بدات تخدم، تقري أدب عربي في الليسي، و عاونت أختي الأكبر و دارت ستاج تاع خياطة و ولات تخدم مرة على مرة ؟
أنا و اختي لي كنا في البريمار كملنا حتى جبنا الباك حنا الاثنين في العام لي تزوجت فيه اختي لي تقري كانت أول فرحة تدخل للدار تاع الصح
أحوالنا الآن الحمد لله ما لا نهاية مرة تحسنت بزاااااااااااااااااااااف الحمد لله
نبدا بيما راحت عمرة مرة ليها و مرة لماني الله يرحمها و راهي ناوية تزيد تروح لجدي الله يرحمو ، الله يرحمهم و يوسع عليهم سترونا و هوما حيين و سترونا حتى و هوما ميتين
أخي الكبير كان طايش شويا و ويدارب بزاف ز يدير المشاكل ليما بصح ملي تزوج استعقل الحمد لله ولا انسان وحداخر راه متزوج و عندو طفل و مرتو راهي أونسانت بالثاني الله يبارك راه دركا شريك بفي كافيتيريا الحمد لله و عندو دار بنا الطابق تاعو بعد ما كان كاري كي تزوج.
أختي الكبيرة مازال ما تزوجتش ربي يبعتلها وليد الحلال ان شاء الله و يرزقها بالذرية الصالحة ان شاء الله راهي تخدم في الدار البراج، المقروط، الكسرة ..... تخدم و تبيع لخاوتي راهي الله يبارك مدخولها أحسن منا حنا لي قرينا هههههههه ربي يزيدلها ان شاء الله
أختي لي تحتها لي ولات تقري في الليسي ترسمت و دارت بلاصتها و ولات أستاذة معروفة يقولو عليها واعرة و مزيرة ههههههه دارت كتب و نجحولها راهي الآن متزوجة و عندها ولدين و بنت ربي يحفظهوملها
أخي لي تحتها راه قدام خويا الكبير شريك في بيتزيريا متزوج و عندو ولدين و بنت و مرتو راهي أونسانت و باني الطابق تاعو بعد ما كان كاري هو أيضا الحمد لله
و أخي لي تحتو دركا عندو محل تاع مطلوع و متزوج و عندو ولدين و بالطابق تاعو لي بناه بعد ما كان كاري أيضا الحمد لله
و أخي لي تحتو لي دار ستاج باتيسري أيضا بمحلو تاع المطلوع و راه يبني في الطابق تاعو باش يتزوج قريبا ان شاء الله
و أختي لي تحتو كملت دارت تخصص علم النفس التربوي و راهي تقري في الابتدائي مازال ما جاهاش مكتوبها ربي يبعتلها وليد فاميليا و يرزقها ربي بالذرية الصالحة ان شاء الله
و بعدها أنا كملت أيضا دراستي ليسانس في إدارة أعمال و راني نخدم في شركة خاصة و تزوجت العام لي فات و راني قريب نزيد ان شاء الله
و آخر العنقود دارت كملت أيضا و تحصلت على ماستر في العلوم السياسية تخصص علاقات دولية و راهي تخدم في النهار ههههه ما عندهاش بزاف ملي بدات ربي ينجحها و يرزقها بالزوج الصالح و الذرية الصالحة ان شاء الله
الوالد في الأعوام الأخيرة حب يعاود يردنا بشتى الطرق في الأول كان رفض قاطع دون نقاش الآن رانا نزوروه مرة على مرة عاود تزوج و عندو 3 أولاد و بنت وليدو الكبير فيهم تحصل هاذ العام على شهادة الباكالوريا كي رحت في العيد لعندهم قالي الوالد أنتوما البنات نجحتو في القرايا بصح الذكورة ما نجحوش عندي غير هاذا نجحلي أنا زعفت بزاف من الهدرة هاذي و قلتلو هوما كانو يخدمو علينا و يقراو ما قدروش يكملو حبسو علاجال الظروف و قلتلو لوكان ما هوما ما نجحو حنا علاجال هوما لي كانو يخدمو علينا
كان النفقة بسيف لا يبعتها كل شخص يبعت 1000 دج و الذكورة غير يلحقو سن 18 ينقص هذيك 1000 دج و ما كانش يبعثها كل شهر ؟؟؟ ما كانش مخصوص كان لاباس بيه ماديا و كان ربي سبحانو يزيد يغرقو في الدراهم حتى عاد غني عندو فيلا ب4 طوابق كل طابق قاسمو ل 2 و كاريه بلا الخدمة تاعو لي كان يجيب منها الله يبارك وليدو الكبير من مرتو الثانية قبل ما يقفل 18 سنة شرالو طونوبيل بولو ؟؟؟
المهم الانسان ما يقدرش يينسى بالاك يتناسى و يسامح باش يقدر يعيش مرتاح نفسيا
عن نفسي نشجع اي امرأة تكون متعلمة و تعرف تسلك خيوطها علاجال هذي دنيا غدارة ما تعرفش بين ليلة و ضحاها واش يقدر يصرالك ؟ و عن الاختلاط و الحلال و الحرام بخصوص عمل المرأة ، كل شخص يعرف نفسو و يعمل حدود لنفسو في التعامل مع الناس على حساب الحلال و الحرام أنا عن نفسي الحمد لله عمري ما لحقت واحد من خاوتي يقولي غلطتي نعرف حدودي مليح و حتى خياتي الناس كامل تشهد بتربيتنا و أخلاقنا سواء الذكور أو الاناث الحمد لله رغم الظروف القاسية و واحد أو وحدة خرجو طريق أو جبنا العار ليمانا بالعكس رفعنالها راسها و نجحنا كامل كيما رانا الحمد لله يا ربي

[لحن الحياة.]

ايه صح سؤال محير ...

بصح في النهاية انت رح تتزوج امراة وحدة و مش خدامة خلي الاخرين يعومو بحرهم


متابعة الموضوع شيق