{طلب}¤¤=¤¤ كيفية اعداد مشروع او مذكرة تخرج¤¤=¤¤

[yacine-08]

ننصحك عندما تحددين موعد الاستاد المشرف دائما اجلبي معك اشياء محضرتها له لكي يدرسها ويعطيك راي فيها

تاني حاجة الاستاد المشرف لديه دور كبير في المدكرة وحتى هولي يوجهك و سيساعدك لان فيما بعد ستكتب باسمه و تحت اشراف الااستاد كذا

يعني سمعته راهي في المحك .

[yacine-08]

انا متأكد ان مدكرتنا التي شهدت 100 صفحة ليس متل المشروع الصغير الدي ستقومون به

لدلك عليك ايجاد ايضا مشاريع سابقة اخرى منظمة ومعمولة بطريقة احترافية حتى لو لم تكن في نفس الموضوع لاخد فكرة على العمل .

نحن عملنا مدكرة حول marchè noir السوق السوادء و الفوضوية التي نراها في شوارعنا ، و كان عبارة عن سبق في دراسة الموضوع ايضا .

فقسمنا المدكرة الى تلاتة فصول
الفصل الاول *الاقتصاد الجزائري واهم ما يميزه ومتى ظهرت هده الظاهرة في الجزائر
الفصل التاني*الاقتصاد الخفي او ما يعرف بالسوق السوداء و الانتهاء بالاتار السلبية الي يعرفها
الفصل التالت و اهم فصل هي الحلول المقترحة للقضاء على الظاهرة او على الاقل تقليلها

فكرنا في البداية جمع معلومات حول الاشخاص الدي يعملون في الشوارع وعمل دراسة قياسية باحصائيات لكن دلك سياخد وقت طويل + الدولة لم تستطع احصائهم فكيف نحن سنستطيع دلك .. + لمادا سمي بالاقتصاد الخفي لانه يعمل في الخفااااء

[سطايفية بكل فخر]

شكرا ليك اخي ياسين البارح قريت جميع ردودك ومقدرتش نرد عليك لانو النت ضعيفة عندي
اليوم تلاقيت مع الاستاد المشرف وحكيت معله وطبقت نصايحك قتلو يقيديني ومعظم النقاط لي قلتهملي نت قالهملي شكرا ليك بزاف وخيرك ممنساهش طول مني حية
راهو عطاني على واش نركز البحث نتاعي في المراجع وان شاء الله لما نكمل الامتحانات نبدا
+
اي نصيحة اخرى متنسانيش بها وحتى انا ادا لصقت راني نرجع ليك
+
انا منيش خايفة من الموضوع لانو اول مرة نديرو ومنيش خايفة من طريقة العرص لي مخوقني كيفاش نظم روحي ونقيديها وندير حاجة مهمة
ان شاء الله نستفاد من نصايحكم وندير خدمة تصلح
شكرا ليكم جميعا فرد فرد وكل واحد باسمو

[yacine-08]

الله يعاونك اختي السطايفية ..

خيرك سبق كيما يقولوا

المدكرة ليس بالشي الصعب الا انها تستحق تلخيص العمل و ترتيبه في وقته لكي لا تتراكم الامور .

يكون فيه بعض القلق خاصة بعد عدم توضح الرؤية او عدم ايجاد الكلام المناسب او عدم التحرك فيها كتيرا .

لكنها عراقيل يمكن تجاوزها ان شاء الله

الله يسهلك الامور واي نصيحة اخرى ساتدكرها ساطرحها في الموضوع ...

لكن حبذا لو راينا نصائح من اشخاص اخرييييييييين من اجل تبادل المنفعة .

[سطايفية بكل فخر]

اخي ياسين راني بديت نخدم في النظري ولما كنت نكتب قالولي صحاباتي بلي منقدرش نحط الصورة قدام النص
وقالولي لازم نحطها تحت النص او فوقو هل هدا صحيح؟
+
ممكن تقولي شروط لي لازم نتقيد بيها كي نكون نكتب يعني نوع الخط الحجم الهامش
هادو لحوايج

[yacine-08]

عدرا على التأخر في الرد اختي العزيزة

من المفروض يوجد des normes تضعها الديبارتومون تاعكم ، يكون فيها كل المعلومات حول نوع الخط ، حجم الخط ، كم تترك من فراغ على جوانب الصفحة ....الخ حتى تكون المذكرات كلها متناسقة التي يضعها الطلبة .. وحتى طريق page de garde

بخصوص صور-جداول-اشكال من الافضل عدم حصرها ، ووضع بجانبها معلومات ، يمكن وضع المعلومات تحتها تشرح دلك الشكل او الصورة ، ليس هناك قاعدة معينة تحكم دلك لكن من الافضل وضعها لوحدها لكي تظهر جيدا ، + لا تنسي عنوان الصورة ومصدرها ، ويجب ان يكون المصدر تحتها من جانب اليسار بخط صغير نوعا ما مقارنة بالخط الدي تكتبيه الفقرات ، ويجب ان تحافظي على التناسق بين الصور و الاشكال على طول المذكرة يعني تضعيهم وتعالجيهم بنفس الطريقة ، ليس مرة تضعيها في الوسط و مرة تصعيه في الجنب الى غير دلك .

اتمنى ان تكوني فهمتي ما ارمي اليه ..

[سطايفية بكل فخر]

المشاركة الأصلية كتبت بواسطة yacine-08

عدرا على التأخر في الرد اختي العزيزة

من المفروض يوجد des normes تضعها الديبارتومون تاعكم ، يكون فيها كل المعلومات حول نوع الخط ، حجم الخط ، كم تترك من فراغ على جوانب الصفحة ....الخ حتى تكون المذكرات كلها متناسقة التي يضعها الطلبة .. وحتى طريق page de garde

بخصوص صور-جداول-اشكال من الافضل عدم حصرها ، ووضع بجانبها معلومات ، يمكن وضع المعلومات تحتها تشرح دلك الشكل او الصورة ، ليس هناك قاعدة معينة تحكم دلك لكن من الافضل وضعها لوحدها لكي تظهر جيدا ، + لا تنسي عنوان الصورة ومصدرها ، ويجب ان يكون المصدر تحتها من جانب اليسار بخط صغير نوعا ما مقارنة بالخط الدي تكتبيه الفقرات ، ويجب ان تحافظي على التناسق بين الصور و الاشكال على طول المذكرة يعني تضعيهم وتعالجيهم بنفس الطريقة ، ليس مرة تضعيها في الوسط و مرة تصعيه في الجنب الى غير دلك .

اتمنى ان تكوني فهمتي ما ارمي اليه ..

اييييه تلقا لي يرد عليا ويزيد يعتدر والله فلمنام متصراش
شكرا ليك اخي ياسين ربي يحفظك
+

هوما عطاونا وحد الاوراق تاع مدكرات ماستر مي الخط قالونا 12 وكيما تعرف 12 باللفرنسية صغير وانا مالفة نكتب ب14 مالا حرت واش ندير لدلك سالت اخي
+
حسن اخي سوف افعل دلك
شكرا لك ا
+
اي نصائح اخرى؟

[yacine-08]

ههههههههه ، امين والله يسلمك .

++

فعلا هدوك لي نورم يختلافوا بين العربية و الفرنسية وحتى بين التخصصات العلمية و الادبية ،، لدلك لم استطع ان اقول لك تلك المعلومات الخاصة بنوخ الخط والحجم لانها تضعها الديبارتومون ، و لديهم الحق في دلك لان لو تركوا الامور غير مرتبة كل واحد يكتب بخط وبطريقة لي تعجبه ولا يكون هناك تناسق بين المدكرات ،،،، يجب جلب نسخة من تلك الورقة من الديبارتومون .

++

نصائح اممممممممم ، حنا قرينا موديل في عام كامل حول كيفية معالجة المدكرة

انت اطرحي اسئلة لي تجي في بالك وانا نجاوبك

[سطايفية بكل فخر]

راهي عندي النسخة عطاوهالنا الاستادة
+
رايحة نكتب ب14 وخلاص 12 صغير بزاف جربت وانمبريميت بيه انا وقريب مقريتوش
+
بارك الله فيك ياخي والله معلاباليش كيفاش نشكرك كون مش نصايحك كون راني مبديتش نخدم خلاص
+
هداك الموديل حنا كاين في الماستر مكانش في الليسانس توالنا
+
اي سوال اخر رايحة نرجع ليك رايحة نهبلك هدا العام وجد روحك

تفكرت حاجة فلي شابيتر انا عندي زوج
لازم في زوج نديرلهم مقدمة خاصة بالشابيتر او لا
شفت بعض المدكرات الشابيتر الاول مفيهش مقدمة والباقيين فيهم

[yacine-08]

الخط 12 يبانلك صغير في الميكرو

بصح كي يتطبع يخرج ملييييح ،

اتدكر اننا نحن فرضنا علينا

العناوين خط 16 وتحتها سطر
الفقرات و النصوص 14
و اتدكر المصدر عند اسفل الصفحة كنا نفوم به بـ 12 او 11

++
اؤكد لك على التناسق و التناسق ، ربما انتم لديكم صفحات قليلة ، تخيلي نحن كانت لدينا 100 صفحة

كان صديق لي يعيد تفقد كل الصفحات في نوع الخط ، الحجم ن الاماكن ، mise en page وكل شيئ يجب ان يكون متناسق لكي تكون المدكرة اولا مقدمة بقالب واحد موحد مرتب وجميل
++

قبل العناوين هناك بعض الاشارات يمكن عملها ، توجد في الورد ، هي مسموحة لكي تزيد من جمال الكتابة و المدكرة على شرط ان تحترمي كل عنوان رئيسي عليك وضع قبله نفس دلك الرمز التي استعملتيه ، وهنا نعود لضرورة التناسق

اي حاجة اخرى راني هنااااااا

[سطايفية بكل فخر]

المشاركة الأصلية كتبت بواسطة yacine-08

الخط 12 يبانلك صغير في الميكرو

بصح كي يتطبع يخرج ملييييح ،

اتدكر اننا نحن فرضنا علينا

العناوين خط 16 وتحتها سطر
الفقرات و النصوص 14
و اتدكر المصدر عند اسفل الصفحة كنا نفوم به بـ 12 او 11

++
اؤكد لك على التناسق و التناسق ، ربما انتم لديكم صفحات قليلة ، تخيلي نحن كانت لدينا 100 صفحة

كان صديق لي يعيد تفقد كل الصفحات في نوع الخط ، الحجم ن الاماكن ، mise en page وكل شيئ يجب ان يكون متناسق لكي تكون المدكرة اولا مقدمة بقالب واحد موحد مرتب وجميل
++

قبل العناوين هناك بعض الاشارات يمكن عملها ، توجد في الورد ، هي مسموحة لكي تزيد من جمال الكتابة و المدكرة على شرط ان تحترمي كل عنوان رئيسي عليك وضع قبله نفس دلك الرمز التي استعملتيه ، وهنا نعود لضرورة التناسق

اي حاجة اخرى راني هنااااااا

شفت انتم عطاوكم 14 وهي عربية الفرنسية دوريجين صغيرة
+
المشكل لقيتني حاصلة ثما 20 متكفينيش حتى ندير شابيتر راهي عندي هدرة بزاف وليت نقص في حجم الصور باش نستفاد من سطر او زوج
+
الورود معنديش مشكل فيه راني مليحة وحتى برامج الخدمة الاخرين منيش خايفة لانو مليحة في لبيروتيك
والتنسيق جايني ساهل حتى 2010 فيه حوايج باهيين احسن من 2007
المشكل في الشروط لي مدوهملنا تاع 12 هداك مش خارجة عليا

[yacine-08]

المشاركة الأصلية كتبت بواسطة سطايفية بكل فخر

راهي عندي النسخة عطاوهالنا الاستادة
+
رايحة نكتب ب14 وخلاص 12 صغير بزاف جربت وانمبريميت بيه انا وقريب مقريتوش
+
بارك الله فيك ياخي والله معلاباليش كيفاش نشكرك كون مش نصايحك كون راني مبديتش نخدم خلاص
+
هداك الموديل حنا كاين في الماستر مكانش في الليسانس توالنا
+
اي سوال اخر رايحة نرجع ليك رايحة نهبلك هدا العام وجد روحك

تفكرت حاجة فلي شابيتر انا عندي زوج
لازم في زوج نديرلهم مقدمة خاصة بالشابيتر او لا
شفت بعض المدكرات الشابيتر الاول مفيهش مقدمة والباقيين فيهم

لا شكر على واجب اختي السطايفية

معليش كتبي بـ 14 لانه الاكتر تداولا في المدكرات ، فقط اردتك ان تلتزمي بما اعطي لك لكي لا تقولي ياسين غلطني ولا حاجة ههههه

++

من المفروض هناك
مقدمة عامة : فيها عدة عناصر يجب ان تحترمها وفيها تدكر الاشكالية و الخطة التي انتهجتها في دراستك للموضوع
في الاخير كليا خاتمة عامة : فيها ايضا بعض العناصر عليك اخترامها منها تقديم ملخصات لكل شابيتر واستنتاجات ..الخ

و يوجد لكل شابيتر مقدمة و خاتمة له ، في الحقيقة يدعى تمهيد ، يعني انك تمهد لدلك الفصل تتحدت قليلا عنه قبل ان تطرح العنواين التي هي تحت هدا الفصل ، وخاتمة ايضا في العادة لا يكون فيهم كلام كتير ، الخاتمة فقط لكي تختم الموضوع وتعطي الافكار التي استخلصتها من الفصل

++

بصح اؤكد لك مجددا نحن لدينا عقلية الكتبة و اللعب على الافكار ليس متلكم ربما انتم لديكم القوانين اكتر لا ، لان تخصصي هو علوم اجتماعية وانتم تخصص تقني و علمي .

[yacine-08]

المشاركة الأصلية كتبت بواسطة سطايفية بكل فخر

شفت انتم عطاوكم 14 وهي عربية الفرنسية دوريجين صغيرة
+
المشكل لقيتني حاصلة ثما 20 متكفينيش حتى ندير شابيتر راهي عندي هدرة بزاف وليت نقص في حجم الصور باش نستفاد من سطر او زوج
+
الورود معنديش مشكل فيه راني مليحة وحتى برامج الخدمة الاخرين منيش خايفة لانو مليحة في لبيروتيك
والتنسيق جايني ساهل حتى 2010 فيه حوايج باهيين احسن من 2007
المشكل في الشروط لي مدوهملنا تاع 12 هداك مش خارجة عليا

صح 12 شويا صغيرة ن زيدي تاكدي مع الاستاد المشرف تاعكم
+
نحن ايضا كنا نصغر من الجداول بعض الاحيان ، متلا كانت لدينا احصائيات لـ 15 سنة ، لكنها اخدت مكان كبير ، ارجعناها فقط لخمس سنوات يعني حدفنا بعض السنوات متلا تركناها احصائية لكل تلاتة سنوات .

ودلك لربح بعض الاسطر كما قلتي ، يمكنك تصغير الاشكال فقط تاكدي انها ستكون واضحة

+
الحمد لله كي تعرفي تخدمي بالورد ، دلك سيساعدك كتيراا

والخط كيما قتلك الان كتبي بـ 14 واتصلي بـ الاستاد المشرف لطرح عليه التساؤل .

[سطايفية بكل فخر]

المشاركة الأصلية كتبت بواسطة yacine-08

لا شكر على واجب اختي السطايفية

معليش كتبي بـ 14 لانه الاكتر تداولا في المدكرات ، فقط اردتك ان تلتزمي بما اعطي لك لكي لا تقولي ياسين غلطني ولا حاجة ههههه

++

من المفروض هناك
مقدمة عامة : فيها عدة عناصر يجب ان تحترمها وفيها تدكر الاشكالية و الخطة التي انتهجتها في دراستك للموضوع
في الاخير كليا خاتمة عامة : فيها ايضا بعض العناصر عليك اخترامها منها تقديم ملخصات لكل شابيتر واستنتاجات ..الخ

و يوجد لكل شابيتر مقدمة و خاتمة له ، في الحقيقة يدعى تمهيد ، يعني انك تمهد لدلك الفصل تتحدت قليلا عنه قبل ان تطرح العنواين التي هي تحت هدا الفصل ، وخاتمة ايضا في العادة لا يكون فيهم كلام كتير ، الخاتمة فقط لكي تختم الموضوع وتعطي الافكار التي استخلصتها من الفصل

++

بصح اؤكد لك مجددا نحن لدينا عقلية الكتبة و اللعب على الافكار ليس متلكم ربما انتم لديكم القوانين اكتر لا ، لان تخصصي هو علوم اجتماعية وانتم تخصص تقني و علمي .

متخافش منقولش لقيت لي يعاوني ونزيد نعاتب هكا نولي قليلة اصل
+
يعني ندير لكل شابيتر مقدمة وخاتمة خفاف اوك i ll do it inchallah
وبالنسبة للمقدمة والخاتمة العامين قلت نكمل قبل ومن بعد نديرهم هكا باش نعرف واش نكتب
+
ياخي نت تخصص علوم اقتصادية وراكم علميين ايضا
انا موضوعي مفيهش حسابات بزاف في خصائص وتعريفات وبراتيك
كون جات ليا ال20 صفحة هادوك كامل نخصصهم للبراتيك مي الله غالب

[شـــهاب]

أختي من ناحية الشكل التنظيمي للمذكرة من المفروض في كل جامعة تقدم للطلبة وثيقة مثل هذه أو يتم تعليقها في الجامعة ، بحيث يجب على جميع الطلبة الالتزام بطريقة واحدة في اعداد المذكرة من جميع الجوانب التنظيمية .