Les Gougères au fromage

[أم عروة]

هذه مقبلات بيييينة بزاف وسهلة جدا من مطبخي
لكن الصورة من الأرشيف رمضان العام الماضي


نبدأ على بركة الله:

المقادير:
1/ عجينة الشو:
La pate à chou

250 غ فرينة مغربلة
5 حبات بيض متوسطين
م ص سكر عادي
م ص ملح
150 غ مارغارين
1/4 لتر ماء عادي

في قدرة على نار متوسطة نضع المارغالارين الملح والسكر الماء كي تبدا تغلي،ننزعها من النار ونزيدلها الفرينة دفعة واحدة ونخلط بواسطة ملعقة خشبية جيدا نرجعوها للنار ونخلطو حتى نتحصل على كرية تنفصل بسهولة من اطراف القدر
هنا ننزعوها من النار ونبداو نضيفو فالبيض واحدة تلو الاخرى ونخلط بالباتوغ
حتى نتحصل على عجينة لينة وسميكة وساطعة

ناخذ لابوش آدوي ونعمرها بالعجينة ونشكل كرات متوسطة ونبعد الواحدة على الاخرى طبعا في صينية فرن مغلفة بورق الطبخ

كي نكملو العجينة ديالنا
ندخلوها للفرن اللي كنا سخناه منقبل على درجة حرارة 180 لمدة 25 د

نخلوها تطهى جيدا حتى تكسب اللون الذهبي، نطفو الفرن ونترك لي كوجار دياولنا لداخل
ملاحظة:
لا تخرجي لي كوجار من الفرن والا ستهبط

بعدة مدة من 5 د الى 7 د
نخرجو لي كوجار ونخلوهم يبردو شوية، ونحلهم بالموس فالوسط ونطليهم بالجبن او بكريمة الجبن اللي تعتمديها اما مشرية او مصنوعة في البيت
وماشاء الله المنتدى راهو معمر بالوصفات الاخوات كفو ووفو

وتقدم :




بالهنا والشفاء
وصح فطووووووووركم