كيفية تعديل الصور في برنامج pic collage - الصفحة 2

قمر 77 · 2016-03-14, 07:51

[FONT="Comic Sans MS"]ام سراجو الغالية شكرا لمجهوداتك دائما تفكري في غيرك يا طيوبة ربي يجعلها في ميزان حسناتك
و اكيد كي تلحقني السيكولوجيا و نشري تابليت راح ينفعني الموضوع تسلمي يا غالية[/F ONT]

ام سراج وملاك · 2016-03-14, 08:31

اقتباس:

المشاركة الأصلية كتبت بواسطة ام سارة18

يعطيك الصحة ام سراج على الموضوع المبسط مع الشرح هاكدا لبنات يتعلمو ونشكرك على المجهود المبدول

اقتباس:

المشاركة الأصلية كتبت بواسطة wahibaazel

ربي يجازيك خير يافححححححلة يا طيييبة واسمحيلنا تعبك ان شاء الله في ميزان حسنااتك.

امين حبيباتي ام سارة ووهيبة والله فرحت بكلامك العسل تسلمولي من كل شر اسعدني ردكم كثيرااااااااااااااااااااااافي موضوعي

ام سراج وملاك · 2016-03-14, 08:41

اقتباس:

المشاركة الأصلية كتبت بواسطة القناعة كنز

شكرا انا كنت نخدم بتطبيق اخر بصح هذا اعجبني اكثر

بلا مزية اختي صح كاين برامج بزاف بصح هذا ساهل في الخدمة كنت شفت صورك لهيه في الكوزينة يعطيك الصحة الحمد الله انو عجبك

اقتباس:

المشاركة الأصلية كتبت بواسطة أم فاطيمة

شكرا لك ام سراج مش جديدة عليك ملات خير ربي يجازيك قوليلي نقدر نخدم بيه في الميكرو
و لالا و اذا نعم بنفس الطريقة ؟

مشكووورة اختي ام فاطيمة على كلامك الرائع هذا البرنامج يصلح غير في الهاتف او الطابلات في الكمبيوتر يخدم غير الصور العادية نتاع الاشخاص كيما برنامج photo finia مجربتش نحملو في الكمبيوتر
انا في الكمبيوتر نخدم ببرنامج واحد هايل وسهل ضك نصورلك المراحل ونحطهملك هنا ان شاء باش كامل تستافادو هو برنامج اسمو pizap

ام سراج وملاك · 2016-03-14, 08:46

اقتباس:

المشاركة الأصلية كتبت بواسطة قمر 77

[font="comic sans ms"]ام سراجو الغالية شكرا لمجهوداتك دائما تفكري في غيرك يا طيوبة ربي يجعلها في ميزان حسناتك
و اكيد كي تلحقني السيكولوجيا و نشري تابليت راح ينفعني الموضوع تسلمي يا غالية[/f ont]

حببتي الغالية قمووورة فرحت كي شفت ردك وكلامك العسل تسلميلي ياغالية من واجبي نعاون غيري حتى انا مكنتش نعرف وتعلمت دعوة خير تكفيني وان شاء الله تشري طابلات وتولي تخدمي بيها

khadidja50 · 2016-03-15, 07:07

جزاك الله خيرا حبيبتي في ميزان حسناتك

مياسم الصمت · 2016-03-15, 07:54

السلام عليكم ورحمة الله وبركاته
بارك الله فيك أم سراج وجعلها في ميزان حسناتك

من مدة فقط تعرفت على البرنامج وما لقيت الوقت اني نبحث عن الشرح ونطبق
سهلت علي المهمة
ان شاء الله نحمل البرنامج ونطبق
لكن سؤال
الا يوجد برنامج للحاسوب ؟

نور الإسلام26 · 2016-03-15, 08:17

سلام عليكم
اختي يعطيك الصحة وربي يحفظك
ويجعلها في ميزان حسناتكم

انا هي رزيقة · 2016-03-15, 12:58

ماشاء االله عليك ام سراج كفيتي و وفيتي بوركتي اختي ربي يجعلو في ميزان حسناتك حبيبتي

oum islem · 2016-03-15, 16:35

يعطيك الصحةام سراج الغالية الموضوع مفيد جدا
من بعد نراجع الدرس ونفهم مليح
بارك الله فيك وجزاك خيرا وأصلح ذريتك وأسعد قلبك

ام سراج وملاك · 2016-03-16, 09:15

شكراااال كم اختي خديجة انا هي رزيقة ام اسلام نور الاسلام اسعدني ردكم نورتوني
اختي مياسم نورتني ياغالية بردك كيما قلت للاخت فطيمة لازم تحملي برنامج في الجهاز نتاعك وكاين تعديل الصور عادي Photo Collage نفسو كيما برنامج photo finia ساهلة الخدمة فيه بصح الاغلبية يخدمو الصور العادية فيه
بصح انا البرنامج لي يعجبني في الخدمة في الكمبيوتر بلاما تحمليه هو برنامج pizap
https://www.pizap.com/

هنا صورتلكم المراحل محبيتش نكثرلكم الصو باش منخلطهالكمش بزاف

نلضو على وين السهم يتفتحلنا

يتفتحلنا نلقاو جهة فيها مربعات وين السهم ثم تخيري الاشكال دوائر او قلوب انا خليت شكل مربع

خيرت الايطار لي فيه اربعة

كي تلضي عليه يتفتحلك ثم لضي على كل ايطار بالوحدة وخيري تلقاي كمبيوتر بالفرنسية لضي عليه خيري الصورة من سطح المكتب ولضي على اوفرير بالفرنسية يتحطولك الصور داخل المربع الصور

هنا الصور حطيناهم زدت الثانية ملاحظة كي تلضي على سهم الفارة يجيك السهم على شكل + تقدري تسحبي الصورة وتهبطيها كيما حبيتي اذا معجباتكش الصورة لضي في علامة في * تتحذف وبدليها عادي

اذا كملتي الصور تقدري ديري save تحتافطي بالصور واسمك تكتبيهم عادي كيما تعرفي اذا حبيتي تعدليهم مباشرة في هذا البرنامج تعدليهم وتكتبي النص من العلامات لي فوق نحاول منشرحهمش كامل باش متتخلطلكش كي تكوني وحدك اخدمي بيهم ضك تعرفي وحدك

هنا الصورة هذي باش تضوي الصورة نتاعك لضي على هذيك الدائرة لي تحت خلاص وين السهم نتاع الفارة العلامات لي قتلك تعدلي بيهم راهم لفوق وين الصورة وين حرف t كتابة النص والباقي ثاني يعدلو الصورة مليح راهم في الصورة باينين

هنا حبيت نوريلكم مثلا كيفاه نديرو زخرفة في الصورة نلضو على المربع لي لفوق وتخيرو الزخرفة

هنا نديرو ايطار ثاني
نلضو على لي في الصورة ونخيرو انا خيرت لي فيه السهم

هنا نكتبو الاسم او الوصفة

هنا نكتبو الاسم لتحت نخيرو اللون ورقم ونوع الخط

هنا كي نحبو نحتافظو بالصورة

هنا الصورة لي خدمتها

ان شاء الله تكونو فمتوني اذا مفهمتوش اي سؤال انا في الخدمة

oum fadoua · 2016-03-16, 20:01

يعطيك الصحة ربي يعطيك ما تتمني

ام حمزة22 · 2016-03-17, 07:13

السلام عليكم
يعطيك الصحة ام سراج وملاك ربي يجازيك كل هير
في ميزان حسناتك ان شاء الله

ام سراج وملاك · 2016-03-17, 14:22

اقتباس:

المشاركة الأصلية كتبت بواسطة oum fadoua

يعطيك الصحة ربي يعطيك ما تتمني

امين اختي مشكووورة على دعاء ولك بالمثل نورتني

اقتباس:

المشاركة الأصلية كتبت بواسطة ام حمزة22

السلام عليكم
يعطيك الصحة ام سراج وملاك ربي يجازيك كل هير
في ميزان حسناتك ان شاء الله

امين اختي الغالية ام حمزة نورتني بردك

wala · 2016-03-18, 19:59

بارك الله فيك حملت ولكن خرجتلي لاتسطيعي تحميل لايوجد مكان

ام سراج وملاك · 2016-03-19, 11:17

اقتباس:

المشاركة الأصلية كتبت بواسطة wala

بارك الله فيك حملت ولكن خرجتلي لاتسطيعي تحميل لايوجد مكان

وفيك بارك الله اختي شوفي انا ثاني كان عندي نفس المشكل في الاول لازم تحذفي كشما دوسي متحتاجيهش او ديري كارت ميموار في الهاتف او الطابلات باش تجيك مساحة كبيرة وتقدري تحملي البرنامج عادي