ديوان ابن مسايب

[عبد العزيز الرستمي]

مرثية في مدينة تِلِمسان ينعى ما أصابها من تدهور تحت الحكم التركي ..

ربّي اكْتَب اعْليها و الوَقت ادْعاها ** في السّابق المْقَدَّر كان اللي كان
سَعْد السّْعود دارَت الاِيّام امْعاها ** و تْناكَس الزّْمان اعْليها و اشْيان
عُدْمَت امْشات فَسدَت و الظُّلم اخْلاها ** مْدينة اَلجدار بْلاد اتْلِمسان
بَعد الهنا و بَعد الزّهو اِتلِمسان
...
مْدينَة الجدار أصلها ** كانت مْنَ المْدُن السَّبعة
و النّاس كلّْ مَن يَدخُلْها ** يَستَحسن الوطَن و البُقعة
بالعِلم مَرفوع اَكْمَلْها **باشْغال مَن اتْقَن الصَّنعة
خَلف الخْنادَق نَزَّلْها ** بِين البْعَل أو بِين القَلعة
...
في مْواسط الجْبَل وَعَّرْها و بْناها ** وَ عْمَلْها ابْراج و اَسْوار أو بِيبان
وَ عْمَلها قْواعد بِهم وطّاها ** وَ عْمَلها فْنار من البُعد اِيبان
بَعد الهنا و بَعد الزّهو اِتلِمسان
...
كانت بْلاد يا حَسْرَتْها ** مَطبوعة بالباس و الهِمّة
مُلوك عارْفة قِيمَتْها ** بَني مرين أهل الحِكمة
جَوّْزَت مْعَ العْرَب دُنيَتْها ** غَنْمَت مْعاهُم وقار أو هِمّة
ما كان مَن بلغ رُتبَتْها ** عند الملوك شان و عُظمة
...
كانوا الملوك يَستغناو اِبْمَلقاها ** مَن لا خْذات بِيدُه ما را سُلوان
جلس عْلى البْساط و سْقاتُه وسقاها ** بين الملوك ما يِتسَمّى سُلطان
بَعد الهنا و بَعد الزّهو اِتلِمسان
...
كانت بلاد مَجد و رِفعة ** و مقامْها مْشَرَّف عالي
فيها أهل الفَضل مُجتَمْعة ** سادات كُل سِيد أو والي
مُنتَفْعة اَرباب الصَّنعة ** من مالْها مال حْلالي
اَسواقْها اَسواق السِّلعة ** و اَسعارْها رْخيس أو غالي
...
كُل الناس ربْحت أوَّل مَبداها ** لا غِشّ لا خْداع فيها لا نُقصان
و اليوم ضَرّْها الفَقْر و زاد اَعماها ** بالهَول و النّكَد و الهَم أو الاَحزان
بَعد الهنا و بَعد الزّهو اِتلِمسان
...
كانت بلاد حَسب و شِدَّة ** و جْيوشْها جْيوش اِتْرَهّب
و اليوم ولاّت في ذي المُدَّة ** بِها يَستحي مَن يُنسَب
اِشْتفاوها الحسود و الأعدا ** و بْقات فَامرها تَتْعَجَّب
القَلب رَكباتُه الغُدّة ** و الرُّوح في الصدر تَتْقَلَّبْ
...
لَبْسَت من الحُزن ثَوب الذُّل كْساها ** و تْناكَر عسَلها وَلّى قَطران
زادْها النكس و عْطيب مساها** كَثْروا انْكادْها من عيشة الاغْبان
بَعد الهنا و بَعد الزّهو اِتلِمسان
...
كانت بلاد مُلك أو وُزْرا ** و جنود قاهْرة و مْوالي
اللَّبدا مْحَزّمَة مُشْتَمْرة ** و خْيُولْها اِتْظَل اِتْشالي
و اليوم ولاّت في ذي العَبرة ** لا يَد لا رجل لا والي
غابوا لْها رجال النَّعرة ** و امْسى وَطْنها وكرُه خالي
...
زمانْها اَنْكَرْها و السَّعد جفاها ** حبايب المْشاور وَلاّو طُلبان
ذا الحال ما عْزَم بِها ما هَنّاها ** و بْقات كَالجْران في شدَق ثُعبان
بَعد الهنا و بَعد الزّهو اِتلِمسان
...
بَعد الهْنا و بَعد السلوى ** و الزَّهو والفْرايِج ذَلَّت
بين المْدُن عادَت تَسوى ** دِرهَم إذا غلات أو نَفْذَت
لا بيع لا شرى ذي الغلوى ** فيها كُل حاجة كَسْدَت
لا زاد عَندْها لا قُوَّة ** لا باش تَحْسَر إذا اِنْشَدَّت
...
خَلاّوْها مْحَيطَم من الشّك سداها ** بين اللصُوص تَتْلاطَم للطُّغيان
إذا بْكات ماجاهُم فاش بْكاها ** و اِذا شْكات قالوا هذا بُهتان
بَعد الهنا و بَعد الزّهو اِتلِمسان
...
ربي الكْريم راد و قَدَّر ** مُنشي العْوالِم الكُلِّيَة
و المُبتلي بْحُكمُه يَصبُر ** حتى تْفوت كُل قضية
و تْمام فايدَة كل خْبَر ** ذا القَوم ما مْعاهم نِيَّة
كبارْها بوادي و حْضَر ** مُتَفْقين عْلى الدُّونية
...
هُما اَسباب كُل فْساد و خُفناها ** تَهوى و لا قرا فيها حَد آمان
طَلقوا البْلاد سابَت حتى عفناها ** و بْقات لا حُكم مَجرِي لا ديوان
بَعد الهنا و بَعد الزّهو اِتلِمسان
...
هما اَسباب كُل مشقة ** و الخَلق صابْرة لبلاهم
طَلقوا البْلاد هذي الطَّلقة ** سابت و هَمّْها يَرجاهُم
و اِذا انْكَسْرَت واش بقى ** غَرقوا اَولادْهُم و نْساهُم
ذا القَوم ما مْعاهُم شَفْقة ** مايَرْفقوا فيمن وَلاّهُم
...
...الاِيّام ساعْدَتْهم و الوَقت خْلاها ** و تْناصرو على الإثم و العُدوان
خَربوا البلاد و المَخْزَن زاد عماها ** الاسْواق خالْيَة و الباطل رنّان
بَعد الهنا و بَعد الزّهو اِتلِمسان
...
ربي بجاه حَوّا و آدَم ** اسْألتَك بْحُرمة الأنبيا
تُلطُف بذي المْدينة و اعزم ** بجْميع ناسْها الكُلِّية
بجاه كُل من هُو مُسلِم ** و الصّالْحين و اَهل النّية
تَعفو على مسايِب و ارحَم ** روحُه إذا فْنات أو حَيّا
...
للوالْدين والأمة الكُل سواها** تعفو عليهم و ارحَمهم يا رحمان
بجاه سورة الملك أو سورة طه ** و أم الكتاب و السجدة و الفرقان
بَعد الهنا و بَعد الزّهو اِتلِمسان
...

[عبد العزيز الرستمي]

اعْيِيت وانا انْذمّم ..

قصيدة ثرية بجانبها التصويري الكبير و فنيتها الراقية،
يصف فيها الشاعر زيارة خيالية إلى محبوبته .. من البديع أن هذا الحلم يستغرق الليل كاملا
فتتنوع مقاطع القصيدة و تتدرج تدرج قطع الليل حتى يستفيق الصباح،
مما يُعاب على ابن مسايب، رغم الرقي الهائل لشعره، إفراطه في ذكر الخمر وإن مجازيا .. وهذا الداء كما أشرت سابقا صاحب التراث الأندلسي الذي امتزج بدوره بالموروث الصوفي في هذا المجال

ما شَفَّك شي حالي سايِر الـدّْوامهكْذا نتلاطم ما جبْت لي خْبَـر

دْخيل عَرضَك بَلّغ لِلجافْيَة السّْلامقُل لْها يا هِبة بركاي مْنَ الهْجَـر

كِيف نَنهى من حَرّ البُعد وُالغْرامكُل يُوم مْلِيَّع مَكوِي بْلا جْمَـر

قُل لْها يـا هَيفـابَركاي مْنَ الجْفـا

ما لِيك كلْمة بُوفامِن بَعْد الحْلـوف

نارك مِن غِير جْفـايـا نِسبَـةْ العْفـا

ما تْـروف بْروفَـةأدرَكْنـي الخُـوف

ما جْبَرْت أن نَشفىبالنَّظـرة كْـفـى

نار قَلبـي تطْفـايا كامْلَ الحْـروف

خُفت عُمري يصْفىوُ الوَعد ما وْفـى

بَعْد حَمْر الشّفّـةفيمَن بْقى نْشـوف

طار وُ رْباب وُ عُود يِطلَع بالنْغاماَلفْحَل وُ القَصْبَة يِحْيِيوْ مَن سْكَر

الشّْمَع في الحَسكَة وُ الكاس بالمْدامكَالسّْواقي تَجري بِيناتْنـا الخْمَـر

الشّْمَع في الحَسْكـةمِن لِيعْتُـة بْكـى

دَمْعْتُـه مشْتَـكـةتجْري عْلى السّْلوك

الشّْمَع فـي هَتْكـةمن بَعد ما شْكـى

قام كَـم حَرْكـةنُورُه عْلى المْلـوك

والمْليـح يتْزَكّـىبمْحاسْنُـه ذْكـى

بيه قُمنـا الحَركـةيسْقي لْـذا وُ ذوك

عَن صْحاب الشّركةنُريك مـا حْكـى

جا لْعَندي اِتَّكـىوُ عَبْقَت بالمْسـوك

كُلّ واحد عنده عَدرا مْنَ الرّْيامْقاعْدَة قُدّامُه كَصِفْـةْ القْمَـر

مْعَلّْمَة حَربِية مَرخوفَة الحْـزاميَدّْها بالحنَّة وُ الخَـدّ بالعْكَـر

ما مْلَح السَّلوىمْعَ أهل الهْـوى

والرّْيام في خَلوةبالكاس يِنْسْقـاو

حْبيبي مَن نهْـوىيَشرُب ما قْـوى

كُلّْ كاس بْنَشوةحَتّى يْصِيـر وَاوْ

مْنَ المْليحة نرْوىيا مِيـرْ الهْـوى

يا مْلِيح في سَطْوةيا عَزّْ مَن زْهـاو

ألرّْقيب آش سْوىخَلِّيـه ينْكـوى

ما مْعـاه مْـرُوَةما فيه ما نْـراوْ

مَن رْماك اِرْمِيه لْهَمُّه بْلا مْلامقالو النّاس الله يْغُر مَـنِ يْغُـر

العْرَب تطّافَح بالعِيس وُ الخْياموالحْضَر بالجَوهَر وُ سْياغَة التْبَر

ما حْسَن الفرجـةعُقْب لِيل في الدّْجى

بالرّيام فـي بَهجـةوُمْحاسن الدِّيبـاجْ

كمْلَت بيها الحاجةوُ كُلّْ شي سْجـى

عَند زين الدَّرْجـةنُريك شي غْنـاج

عينْها كحلة دَعْجةتفْـهـم الهْـجـا

مَن يْراها ما يِنجىقُلت مْنَ العْـلاجْ

ما باقي ما نرجـىمَن هْوِيـت جـا

وُ الخَمر مَمْزوجـةفي قْطيع مِن زْجاج

لِيَّه لِيّام اَعْطـات وُ سَعْـدُه اِسْتقـاملِيلَة اللّيلَـة مَسروقـة مْـنَ العْمُـر

باتْ بين صْهاريج وُ خْصُص مْنَ الرّْخاموُ الطّْرَنْج الباهي وُ الـوَرد وُ الزّْهَـر

ما مْلَح الحَضـرةطُول الليل لَو تْرى

تَحْت نَجْم الزَّهـرافي مْنازل القْصـور

لا رْقيبـا يَــرىلا قَـوم مُنْكْـرَة

غِير كْيُوس الخَمْرةبِيناتْنـا تْــدُور

والعْشيق حِين سَرىما قِيمْتُـه كْـرى

حلّْ ذيك البُشرىلِلفَرح وُ السّْـرورْ

مَبْسْمُه يا حَضْـرةخاتـم مْــدَوّْرَة

و الشّْفيفة الحَمـرابكْنُوزهـا تْنـور

بَدر فايق مَكْمول خارج مْنَ الغْياملِيلة اثناعش وُ ثلاتاعَش مْنَ الشّْهَر

العْيُون نْشاشب و الشّْفَر كَالسّْهاممنهم عَقلي طار وُ خاطْري اِنْسْحَر

ما حْسَـن المَلقـىبَعد التَّعب وُ الشّْقا

طَوّْلت ذي الفُرقـةبَعد النيران وُ الحْريق

ما يعْرَف لي طَرْقـةمَن هَكْـذا بْقـى

من كْيوسُه نُسْقـىخَمْر الهْوى عْتيـق

الكْـلام بْـرِّقـةوُ مْـدام دافْـقـة

وُ كُلّ مَن في الحَلْقةيشْرُب بْلا طْريـق

وُ الرّْيام في طَبقـةبالجْمـال فايْـقَـة

زاد بهْواها حُرقَـةخاطْري العْشيـق

نْطَق الطَّير في وَكرُه بَعد لِحْتِكـامفاق مِن شِدّةْ الهْوى وُ نْغايم الوْتَـر

كيف نعْمل هذا جَهْدُه يِحلى المْدامضُمّ حْبيبَك جِيبُه لِيك و اسْتْقَـرْ

ما مْلَـح المَحبـوبْحِين جا مْنَ الغْيوب

يِنقضى لُه المَرغـوبوُ كُلّ مـا طْلَـب

بِتّ فارح مَطـروببْراحَـةْ القْـلـوب

نِلْت بَعد المَطلـوبجْميع مـا نْحـب

بَعد ما كُنت مَنصوبعْلى الجْمار نْـذوب

هذا جْزا المَغلـوبيِقول مَـن غْلَـب

لَو صْبَر صْبَر أيّـوبأو طالَـعْ الكْتـوب

لَعْرَف ذا المَنصـوبْعْـلاش يِنْتـصَـب

مَن شْكَر عُمرُه يكذِب وُ الكَذْب حْراملا تْزَّكّـي نَفسَـك شـوف واعْتْبَـر

في المْجالِس تَظهر الأبطـال وُ العْـوامو الشّجِيع في ميدان الحَـرْب ينْتْصَـر

رُدّ بالَك وُ تْهَـلّايا مَغـروم تبْتلـى

مَن عْشَق شي طُفلةبغْرامهـا يْصـول

فَيِّض الكاس اِمـلاوُ اسقي المْزَعْبْلَـة

ما بْقـات الغَفلـةعَن راحَةْ العْقـول

قُل لِلضَّيف اَهـلابالـخَـمْـر أوْلا

خاطْـرُه يتْسَّلّـىوُ نْغايصُه تْـزول

عند كَحْل النَّجلةعايْشَـة المْزَعْبْلَـة

رُحت ذيك الليلَةمَن صابْها تْطـول

بَن مْسايِب مِن صُغْرُه يَعشَق الرّيامكِيف يهنا قَلبُه وُ يَملِـك الصْبَـر

ما يهْنا لُه عَيش وُ لا يْطيب لُه مْنامبَعْد كَحْلَ السّالف وُ العَين وُ الشّْفَر

اعْيِيت و انا نْذَمّم ما نْفَع تِذمـامدَمعْتي عَن خَدّي تجْـري كَالمْطَـر

[عبد العزيز الرستمي]

" ما أزين نهار اليوم "
ما أزين نهار اليوم ~~~ ما أزين نهار اليوم
لقيت فيه كحل الحاجب ~~~ و تفاجوا لي الهموم
لقيت فيه كحل الحاجب ~~~ مولى العيون زينه عاذب
بهواه راه جسمي ذايب ~~~ بالهجر و الجفا و اللوم
يا عاشقين واش يقرب ~~~ لي وصالها محتوم
يا عاشقين نلقى الاجدال ~~~ عنده شفار بهم يقتل
نفنى إذا تجي تزعبل ~~~ تمثيل بدر بين نجوم
الخدواش فيه مكلل ~~~ نغنيه ورد في مشموم
سبحان ربنا اللي يخلق ~~~ ذاك الغزال اللي نعشق
بالصوت حين لي ينطق ~~~ مايا حسين مع المزموم
أنا هويت و القلب عشق ~~~ من حبها شفت هموم
من حبها شغفت كثير ~~~ يا ناس مايلي تدبير
التيت غير غمر حرير ~~~ من أشغال وطن الروم
ولفي في النسا لا غير ~~~ نهواها بلا محروم
بدري في النسا نهواها~~~ و البعد ما جبرت دواها
عمره القليب ما ينساها ~~~ بوصالها تجي محزوم
وجميع من يرى صفتها ~~~ يمشي بخاطره مهموم
حدمها نظر بعيني ~~~ يا منيتي شبيه الصيني
من قدها مثيله نعني ~~~ صاري في البحر يعوم
والريح ساكنه براني ~~~ رايسه حكيم ذا مفهوم
رايسه حكيم فاهم شاطر ~~~ عارف الطريق ليس يعبر
القدر غير علام العسكر ~~~ منصوب في نهار الشوم
راه العشيق منه ساهر ~~~ عينه ما يجيها النوم
نوريك الأسم يا من تعرف ~~~ أبجد كون مساعف
العين حطها زد الف ~~~ هذا إسمها مرسوم
ذكرتها وراني خايف ~~~ من ناسها يجيبو طموم
من ناسها يجيبو غزيا ~~~ حتا نموت و لا نحيا
الموت في يد عالي العليا ~~~ الرزق و الأجل معلوم
لو كان مت ما لي ديا ~~~ نرجى رحمة القيوم
لو كان مت راني خايف ~~~ روحي تحاسبك في الوقوف
عقلي راه مني تالف ~~~ بالهجر و الجفا و اللوم
أعلاش يا كحيل السالف ~~~ ما ترحم العشيق اليوم

[عبد العزيز الرستمي]

يا ناس أنا اليوم هاني

يا ناس اليوم أنا هاني الخليل ألقاني

***أنجلو أحــــــــزاني

لابــد كيف اليوم كيف جــاني
*** نعمل سلوانـــــــــــي

واجــــــــــــــــب لي نزيـد أمغاني

***نزهى ما بين أقراني

أوعدي مجــــــــــاني هذي عامين

***و أنا نرجا في الحبيب أنساني

واجب لي نعمل بشارة

*** للي هو باي بينهم

زارتني عين الحبارة

*** اللي بقيت علاش نخمم

الرقبة زادتها العمارة

*** مبسم ضريف خاتم

مبسم ضريف ياصاحبي خاتم سليماني

*** أحمر عقياني

بالله يا ناس و أعذروني

*** شعلت نيراني

صبري ما قواني هذي عامين

*** و أنا نرجا فالحبيب أجفاني

../..تابع

[عبد العزيز الرستمي]

ياضي البصر لو تنساني
ياضي البصر لو تنساني *** خـــــاطري ما ينســـاك
ياضي البصر لو تنساني *** مانستيكشي كي راني
هايم و قلــبي فاني *** ما نصــــــبرشي لجفاك
مد بالعفو ياسلطاني *** بادر أعزم بلقــــــــاك
ياضي البصر اليك نراعي*** قم غيثني قبل ضياعي
اليك جيت مقتصد ساعي *** واقف في باب أعطاك
مغروم و دعاني الداعي *** شايق بغيت نراك
ياضي البصر اليك أخلاقي *** مالت و قلبي باقي
بالمثل أسقاه الساقي *** كاس من ودود صفاك
و أنـــــا نقول أش يلاقي *** بين داي و دواك

../.. تابع

[اسماعيل تنس]

مشكوور اخي على هذه القصائد التي لطالما بحثت عنها ..لكن يا حبذا لو تكمل القصائد الغير مكتملة مثل قصيدة الوحداني من فضلك

[عبد العزيز الرستمي]

المشاركة الأصلية كتبت بواسطة اسماعيل تنس

مشكوور اخي على هذه القصائد التي لطالما بحثت عنها ..لكن يا حبذا لو تكمل القصائد الغير مكتملة مثل قصيدة الوحداني من فضلك

جزاكم الله كل خير
أما من ناحية الديوان فقط لم يكن لي الوقت الكافي
أما بالنسبة سوف أنقها في هذا الموضوع
تحيتي

[عبد العزيز الرستمي]

ياضي البصر لو تنساني *** خـــــاطري ما ينســـاك
ياضي البصر لو تنساني *** مانستيكشي كي راني
هايم و قلــبي فاني *** ما نصــــــبرشي لجفاك

[zamorano1967]

مشكورين على المجهودات

[kamel mach]

حبذا لو تتكرم على أخيك بديوان سواء pdf أو كتاب لقد بحثت عنه كثيرا
و بارك الله فيك أخي