]السلام عليكم خياتي
وأخيرا قدرت نتغلب على العجز والكسل ونحضرلكم شربة الفريك المميزة البنينة طبعا أكيد لتجربها تنجحلها وتدمن عليها متأكدة هههه
المقادير أجنحة دجاج أو قطعة دجاح حبة بصل صغيرة حبة زرودية قطعة صغيرة كورجات قطعة بسباس حبة طماطم وملعقة طماطم مصبرة سنينات ثوم فلفل أكحل راس الحانوت ملح
نرابي البصل وكامل الخضر وثوم والفلفل الأكحل والملح وراس الحانوت نحطهم في القدرة مع الدجاج وزيت يتقلو مليح نزيد الطماطم الحب مرحية والمصبرة نخليهم يزيدو يتقلوا مليح وبعد نضيف الماء حتى تغلي هنا نشلل فنجان صغير فريك ونضيفوا للمرق نقص النار تكون ضعيفة خلاص نغطي ونخليها مدة ساعة
ثم نقدمها مع عصرة ليمون ومعدنوس أو قصبر أخضر حسب الرغبة
أن شاءالله تجربوها وتعجبكم صدقوني بنة لاتقاوم المهم تبعوا الخطوات
وطبعا نقدرو نديروها باللحم
ملاحضة أنا ديما نزيد فلفل حار بلا مانقسمو يجي هايل معاها
![](https://www.m5zn.com/newuploads/2017/10/04/jpg//131ce3946e13d67.jpg)
![](https://www14.0zz0.com/2017/10/02/23/738942228.jpg)
دعوة خير تكفيني