لمذا يتغير البشر

[آسيا 25]

السلام عليكم ورحمة الله وبركاته
يا خوتي راني شبه متأكدة بلي كاين بزاف قصص تتحط في القسم هذا ما كانش منها فالواقع و صاحب المشكلة قاعد يألف و يحط لربما باش يضحك و يعقب فالوقت تجيكم في بالكم وحدة تحط مشكلة كيما هادي و تشوف فيها عادية و تطلب في النصح بغية التقرب من رئيسها في العمل و كأنها تقول أبي غاضب مني إنصحوني!!!! باينة وش راح يعلقولها الناس ربي يهدي ما خلق.

[nihal159]

و الله ياختي تشوكيت فيك و في عقليتك و في حكايتك كاملة؛ أنتي رايحة تخدمي ولاّ تتوانسي مع الرجال و تضحكي و تخدمي لي طاغت و تمديلهم ياكلو؟؟؟؟؟؟؟؟؟؟؟ ديري قيمة لروحك ياختي؛ ثقّلي روحك شوية و خلي روحك عزيزة.
بتساهلك فالتعامل مع الرجال؛ ذخّلتي روحك في متاهات؛ أنتِ في غنى عنها.
لي يحب يضحك و يقصّر و ياكل القاطو قوليلو روح لمرتك تقلّشك؛ أنتِ راكي زميلتو فالعمل مش الجارية نتاعو لي يرفّه على نفسو معاها و ينعنش المورال نتاعو.

[fella111]

اقسم بالله غير شوكيتيني علابالك ارتبط لساني عن الكلام.........انتي مالك و مالو يجبد روحو او يتحرق بغاز اخدمي و روحي عليها كرهو الرجال جد المراة العاملة من الامثال هاذي ................واش هذا

[طالبة لها هدف]

هه والله موضوعك مضحك
اختي هذا راه اجنبي عليك و راه متزوج خافي ربي على روحك و عليه و ولاده و مرته
مالغري علبالي بلي اني صغيرة عليك
انا كون ندري بابا يخدم في منظقة و معاه وحدة كيما نتي نجبدوا
يا ختي خافي على عرضك و خلي الراجل في راحتو
وش حاطة روحك مرتو باش وين ما يقلق يجي يحكيلك
ولا نتي واش
والله ما فهمت العقلية لي راكم ماشيين بيها
تتحدثوا مع الرجال على اساس انهم ازواجكم ان لم نقل حبابكم
خافوا ربي اتقي الله يا ختي
الرجل يضيع فترة و يرجع هوا فاق لروحوا و رد روحوا لمرتو
نتي راكي ضايعة
فيقي لعمرك و اتقي الله

[توحيد الجزائرية]

ولماذا لا يتغير البشر ..
لديه زوجة اولى باهتمامه ...