قولولي كفاش نوفرو المصروف - الصفحة 2

وصال سلام · 2014-11-24, 21:47

ايه عند الحق اختي كلشي غلا والعبد يا ربي لا لحق ربي يعيننا

شوفي حنا كيفاش رانا مدايرين في الدار حنا في 4

مدايرين مليون واربع مئة حق الحانوت نشري قرو قيمة شهر يعني 5 طماطم , 2زيت تاع خمسة لتر و' 4جافيل و4 صانيبو ووووووو تطلعلي خمس مية او اكثر قليلا الباقي نخليه حق خبز بيض هادو اللي منقدروش نشروهم قرو

وثمانية مئة حق الخضرة. كل اسبوع نصرف ميتين الف

وفي هادي الحالة انتي راح تبقالك ثلاث مئة فقط لازم تعرفي كيفا تتصرفي فيهم

انا عاونتك بالشي اللي قدرت عليه وانت ربي يقدرلك الخير ويباركلك في عائلتك وحياتك يااارب

المعيشة غلاااات والله يجيب الخير

ام محمد امير · 2014-11-25, 04:00

اقتباس:

المشاركة الأصلية كتبت بواسطة وصال سلام

ايه عند الحق اختي كلشي غلا والعبد يا ربي لا لحق ربي يعيننا

شوفي حنا كيفاش رانا مدايرين في الدار حنا في 4

مدايرين مليون واربع مئة حق الحانوت نشري قرو قيمة شهر يعني 5 طماطم , 2زيت تاع خمسة لتر و' 4جافيل و4 صانيبو ووووووو تطلعلي خمس مية او اكثر قليلا الباقي نخليه حق خبز بيض هادو اللي منقدروش نشروهم قرو

وثمانية مئة حق الخضرة. كل اسبوع نصرف ميتين الف

وفي هادي الحالة انتي راح تبقالك ثلاث مئة فقط لازم تعرفي كيفا تتصرفي فيهم

انا عاونتك بالشي اللي قدرت عليه وانت ربي يقدرلك الخير ويباركلك في عائلتك وحياتك يااارب

المعيشة غلاااات والله يجيب الخير

ربي يحفظك ويصونك شكرا

ام محمد اسلام الله · 2014-11-25, 07:50

والله ياختي لا حل سوف التقشف الله غالب مدخول الزوج قليل والمعيشة غالة بزاف بزاف الله يكون في العون اختي والله ولا ميجي يكمل الشهر حتى واحد يتخنق

نبض الفؤاد · 2014-11-25, 08:09

الله المستعان......

ام البنوتة · 2014-11-25, 08:16

اختي ام محمد امير.. ماشكيتش تقدري تدخري من شهرية زوجك كيما تسلفوش راكم ملاح و هذا سيكون هدفك كل شهر..حاولي تشوفي مصدر اخر للدخل حتى و لو ماشي ثابت لكن يساعدكم في سد التكاليف الاستثنائية..
و فعلا الصدقة تجعل البركة في الشهرية

الجزائرية المحبوبة · 2014-11-25, 08:20

اهم شيئ هو اخراج صدقة ولو قليلة

نقلك لازم استغناء على حاجات

يعنى لما تاخذي مصروفك تشتري غير المهم
استغلي فاتورة ماء وغاز
يعنى هي كل 3اشهر اما شهرين باقيين خبيهم وكانك رايحة تسلكي كل شهر

وربي يوفقك

نارينا · 2014-11-25, 20:03

انا صراحة شهريتي تذهب بسرعة فائقة من بين يدي......سبحان الله كلش عاد غالي بصح الحمد لله على اي حال

ام محمد امير · 2014-11-26, 22:14

شكرا عالنصائح ربي يقدرنا ان شاء الله

life is life · 2014-11-26, 23:01

لست متزوجة و لكن لي بعض النصائح لك اختي الفاضلة

اولا شكر الله على نعمه و انا اعلم حاشا و لله اعلم ان كل المتزوجات يدعين بان يديم الله عليهم النعم

ثانيا التصدق و لو بمبلغ زهيــــــــــد جدا

ثالثا شراء مصروف الشهر كاملا منذ الحصول على الأجرة من بقوليات و معجنات سكر ملح توابل بعدم افراط ما تحتاجونه للشهر

الاقتصاد و الصحة ! كيف ذلك نعم اختي بان لا تكثري من الزيت في الطعام و التوابل و البسمله في كل عمل يطرح البركة كيما نقولو

شراء مستلزمات الاطفال

اقتصدو في الكهرباء و لا داعي لانارة الاضواء لغير الضرورة
و هذا فيه اقتصاد و صحة كذلك """ اطفاء الضوء باكرا = النوم باكرا = صحة

رابعا اختي تجنبي شراء الاشياء الغير لازمة مثل الحلويات الشوكولاه الخ الخ
و ان تكرمي نفسك و تدلليها فدعي لك "" مرة في الزمان ""

و دائما دائما الدعاء عند بداية الاكل و عند النهاية اللهم ديمها نعمة و حفظها من الزوال
و الدعاء في كل حين

و طبعا اذا قبل زوجك بان تعملي فلا تترددي في مساعدة زوجك و لو بالقليل

لو كنت عاملة اقول لك "" صرف اجرة و الاحتفاظ بالاخرى

يعني شهرية تروح للدار و شهرية تخبوها

اختي و الله ربي سبحانه يفاجأنا بكرمه و بركاته اولا نحي مبالك الفكرة تاع شهرية ما تكفيش راح تشوفي

حنا عندنا مثل يقولك لي حسب يشيطله ،، ننصحك برك بالاقتصاد

مي ما تظليش تحسبي شحال بقى من الشهرية و ما تتحسري على والو

و راح تشوفي النتيجة

عذرا على الاطالة و على الازعاج و لكن حبيت نفيدك بما اعرف من تجارب الغير التي مرت على مسامعي و على ناظري

وفقك الله و رزقكم الله الخير كله