بطاطا بشكل جديد !! En crèpes

[amina nourhanne]

مساء النور لكل حبيباتي عضوات المنتدى الغالي

اليوم جبتلكم طبق بنين،يحبوه كبار و صغار،إقتصادى،و بزااااااااف خفيف

بسم الله نبداو : نحتاجو :

500غ بطاطا
1 حبة بصل أخضر او بصلة صغيرة عادية
3 حبات طماطم
ملعقة صغيرة طماطم مصبرة
3 فصوص ثوم
100غ فرينة
50غ زبدة
100غ فرماج مرحي fromage rapé
4 حبات بيض
1 كأس حليب
1 فرماج le chèf *يمكن الإستغناء عنه*
شوية فطر champignon *يمكن الإستغناء عنه*


أولا قشري البطاطا،أغسليها و قطعيها مربعات تم حطيها تغلي مع شوية ملح





من جهة أخرى نحضرو صلصة طماطم عادية :

في طنجرة نقطعو البصل رقيق؛نضيفولو الثوم المدروس نحمرو الكل في شوية زيت،نضيفو الملح و الفلفل الأسود،كي يتحمرو نضيفو الفطر،نقليو الكل.
نرحو الطماطم،و نضيفولها ملعقة صغيرة طماطم مصبرة و كاس ماء و نضيفوه للطنجرة نغطوه و نخلو la sauce تعقد وتثقال نطفوها ونرشو عليها شوية قصبر مرحي.



كي تطيب البطاطا نحيها،قطريها ثم ارحيها و هي سخونة



ضيفيلها الفرينة شوية شوية و انت تحركي



ثم البيض حبة بحبة



ضيفي الحليب شوية شوية



حتي تولي بهاد الشكل




تبليها بالملح و الفلفل الأسود و شوية قصبر و زعتر إدا كاين و إلا ملح و الفلفل الأسود يكفى



سخني مقلة صغيرة امسحيها بشوية زبدة



ثم فرغي غراف من الخليط مثلما نديرو les crèpes



كي تتحمر من جهة اقلبيها للجهة الأخرى،



كرري نفس العملية حتي يخلاص خليط البطاطا.

كي تكملى كامل les crèpes ادهنى un plat تاع four بالزبدة ستفي طبقة كريب crèpes



و طبقة صلصة الطماطم و شوية فرماج شيف



غطيها بطبقة من الكريب



و طبقة الكريب الأخيرة اسقيها بالla sauce المتبقية و رابيلها الفرماج المرحي.



دخليها le four مدة 15د ثم حمريها شوية من الفوق





أنا قدمتو مع اسكالوب طايب في كيس شواء في الفرن.



من كل قلبي نتمنى تجربوه و الله بزاف خفيف و من باب التنويع

فى أمان الله أخواتي.