اقتباس:
المشاركة الأصلية كتبت بواسطة toulay
السلام عليكم
يا اختي فالجزائر الدراسة باطل مشي كيما الخارج يلزمك budget
ماكان لا مصروف ولا هم يحزنون حتى دراهم النقل روح فالنقل تاع الطلبة باش تقتصد شويا مصروف وخبيهم مشي تروح تبذرهم في fast food والبيتزا
طبق سياسة التقشف والدورو بلحساب لازم هكذا
رد بالك تبطل قرايتك راهي هي السلاح والمفتاح
بالتوفيق وربي يرزقك ويرزق الجميع ان شاء الله
|
حسستيني يا أختي أني راح ندرس في Cambridge الجزائر ، للأسف شبعة بلا شيعة ، تعليم مجاني و في الأخير ماستر 2 ما تقدر حتى تلقى بيها خدمة تاع 3 ملايين على الأقل فالشهر ، تبا لها بلاد لي تقريني باطل و مبعد تحطملي مستقبلي ،
فالخارج لي راكي تقولي عليهم عندهم المصاريف الجامعية متناسبة مع الدخل الفردي للوالدين ، يعني كي تخلص الجامعة ب10 آلاف دولار ، تلقى الأب يخلص مثلا 3 آلاف دولار ، ياكل 2 فالشهر و يدس ألف ، يعني 10 أشهر و هو جاب مصاريف إبنه بدون أن يحس ،
تخيلي جا هاذ السيستام عندنا و بنفس المستوى المعيشي و بنفس الدخل الفردي ،
تخيلي نخلصو الجامعة ب100 مليون ،
و نديرو بلي الشخص يخلص 5 ملايين ، ينزع مليون كل شهر ، يعني 8 سنين و نص و هو يدخر و ياكل البسيط و ربما يحرم نفسه و عائلته من أشياء كثيرة جدا ،
لهذا لا يجب أن نقارن هاته المقارنات العمياء ، فكل شيئ في الدول مربوط بالدخل الفردي و المستوى المعيشي ،
و ياااااليت كانت الجامعات مدفوعة باش على الأقل تولي جامعاتنا معترف بيها و يولي الطالب يعرف قيمة الدراسة و ما يستهترش لأنه راح يتتوشا في جيبو ، ليت كل شيئ يولي مدفوع فالجزائر باش الشعب يعرف القيم تاع الأشياء لأنها راح تخربلو في جيبو
شكرا