عاجل..ملتقى الملتحقين بعد غلق التجنيد سبتمبر 201420 - الصفحة 2

zohir02 · 2015-01-05, 23:02

اقتباس:

المشاركة الأصلية كتبت بواسطة safir taider

انا تابع للناحية الاولى

و بعتوني في سبتمبر الى بجاية

و التحقت 28 سبتمبر بعد الغلق

و انت

و حبيت نسقسيك هل قالولك جيب التصاور

لا ماقالوليش جيب تصاور نسخة من الديبلوم او الشهادة المدرسية انت الاحسن ليك تدي معاك لوردبال لي كاشاولك فيها معاك و زيد الديبلوم و ز يد باه ميديروكش عاصي و الله اعلم

safir taider · 2015-01-05, 23:08

و الله يا اخي انا راني حاب نكون عاصي على الاقل نجوز للمحكمة و نحط الملف الطبي

ذاحسن ما نبقى نستنى للماي و ما نعرف

zohir02 · 2015-01-05, 23:10

الله يسهل اخي

omaro87 · 2015-01-05, 23:47

والله ياخاوتي انا في نفس المشكل روحت في سبتمبر للحراش كاشولي في لوردابال و كي رحت لعنابة قالولي معندنا مانديرولك درك تترجع فروشارش
الحاجة لي حيرتني واحنا واش الذنب انتاعنا الكازيرنة معمرة المهم رحنا على الاقل يبعتونا في جانفي لوردابال يخليو فينا معلقين ولا يعفيو علينا ورحمتك ياربي
اللي فيكم ياجماعة الخير يسمع حاجة جديدة مايخبيش علينا و جازاكم الله خيرا.

أحمد زابانة · 2015-01-05, 23:57

كنت أضن أنني وحدي لكن أنا أيضا مثل حالتكم ، ذهبت كمتطوع الى بجاية وصلت صبيحة 28 سبتمبر كاشاولي فاللوردابال التحق بعد اغلاق أبواب التجنيد ، لكن لم أذهب الى المكتب التابع له لأنه قيل لي أنه لا يتم مسك الاستدعاء عندهم و كل ما يقال لك أنه سيأتيك استدعاء في الدفعة القادمة .
لكن كما هو الحال عندكم لم يصلني الاستدعاء و قد ذهبت الى الدرك الوطني و قالوا لي أنه لم يخرج لك استدعاء ، و الله أمر محير كرهت كلمة الخدمة الوطنية .
سبتمبر الماضي العقيد بعنابة قال لنا أن الأبواب ستغلق بعد 15 يوم .... لكن للأسف تم غلق التجنيد بعد 13 يوم فلماذا يتلاعبون بأعصابنا هكذا ؟؟؟؟
حسبنا الله نعم الوكيل . بعدها يأتيك اليوم و يقول لك لا استدعاء و لا هم يحزنون . علما أنني لم أكن عاصيا و قد استخرجت الاستدعاء الأخير أمر استدعاء غير مرفق بأمر الالتحاق .... يعني باعتقادي لم أستنزف العدد الكافي و لم أتلقى أمر الالتحاق أي منطقيا لست عاصيا ، و ان اعتبروني عاصيا فلن أذهب الى الخدمة الوطنية ما حييت .... أي ليهم البلاد يلعبوا فيها كيما يحبو ماش كيما تحب العدالة و الديمقراطية و المساواة بين أفراد البلد الواحد .

safir taider · 2015-01-06, 00:03

و الله رانا كامل كيف كيف

خلاونا معلقين

على الاقل عاصي تقدر تحت ملف طبي او كفالة في المحكة

لكن حنا لا عصاة و لا استدعاء

أحمد زابانة · 2015-01-06, 00:06

هههههههه
و الله غريبة جدا هم يضحك و هم يبكي ، لكن أحنا همنا كما يقال شر البريئة ما يضحك ....
ما فهمت والو و ما لقيت كيفاه نفسرها . رحنالهم متطوعين و من حقنا نديرو الروطار لي يسمح به القانون و هو 15 يوم ، يعني أحنا مشينا على القانون لي يقول لديك 15 يوم للالتحاق بالثكنة من تاريخ الالتحاق المعلن عنه في الاستددعاء . لكن ؟؟؟؟؟؟؟؟؟؟؟؟؟؟؟؟؟؟

safir taider · 2015-01-06, 00:13

خاوتي مش ممكن ان يكون الاعفاء

لي عودة غذا في هذا الموضوع ان شاء الله

omaro87 · 2015-01-06, 00:14

شكون لي يجيبنا الرسمي لحالتنا ربي يجيب الخير انشاء الله لكان خلاونا ندخلو لكازيرنة في سبتمبر العبد قريب يخلصهم لكن هكا رايحيين يجيبو بينا مونديال قطر 2022