مشاركتي في مسابقة احسن تطبيق للركاب التركي امممممممممم

[زينب 83]

البسملة1

مشكلتي اني إنسانة نعشق جمع المعلومات لذلك حبيت نعرف شوي على هذه الأكلة قبل التطبيق و ، حبيبت نشاركم بهذه المعلومات البسيطة
الكريب التركي او gozlemeو هو اسمه الحقيقي هو أكلة تركية بامتياز يمتد تاريخها من وقت العصر العثماني ، أكلة لها أصل و تاريخ و منزلة خاصة عند كل الأتراك
في القديم كانت هذه العجينة تصنع من اللبن و الدقيق و الملح فقط و كانت تحشى بجبنة الفيتا ذات الأصل اليوناني و السلق او الجرجير ، و مع تقدم الوقت أضيفت الخميرة الى العجينة كما اختلفت الحشوات حسب المناطق المختلفة في تركيا
هذه الأكلة هي أكلة شعبية تباع على الأرصفة و الطرقات لها راءحة مميزة ، عند شمها تشم راءحة اسطنبول





نعود الان الى التطبيق ، بما انو العائلة الكريمة أذواقها مختلفة ، وعندها شروط بزاف في الاكل ، درت عجينة كبيرة و خضرتها بطريقة الكارب التركي لكن زدت شوي لبن أعطاها ليونة روعة تتحل بلا زيت، و حاولت نوع في الأشكال و الحشوات لإرضاء الأذواق



الحشوة الاولى هي حشوة الشاورما لزوجي

تبلت الشاورما بالثوم و الياوورت الطبيعي و البهارات و طيبتها و طيبت تاني صوص طماطم و حشيت بيهم قرصة العجين و أغلقتها بقرص ثاني و طيبتها فوق طاجين التيفال







الحشوة الثانية المخ جابتولي اختي

نقعت المخ في الماء و الليمون و مباعد طيبتو مع البصل و الثوم و الطماطم و البهارات و الملح و المعدنوس و حشيت به العجين و درتو شكل مثلث و طيبتو في الطاجين تيفال










الحشوة الثاثة هي حشوة اللحم المفروم للأولاد

طيبت اللحم بالبهارات و الملح و الدبشة و البصل و الطماطم وحشيت بيه أقراص العجين و زدت جبن احمر مبشور و طيبتو بنفس الطريقة و مباعد حطيتو في الة البانيني












الحشوة الرابعة هذه حشوتي انا

حضرت سلطة خضر مفورة مع التونة والجبن غرويار و حشيت بيها أكواب الكريب ، بعد ما قرصتهم و طيبتهم في الطاجين و حطيتهم في ليمول و دخلتهم غير شوي للفرن باه يديو شكل ليمول





الحشوة الرابعة و الخامسة درتهم لابني داهم معاه لمجة

الاولى حشيتها بقرض طماطم و تونة و جبن و طيبتها كأقراص صغار في الطاجين





و الثانية حشيتها بالتونج و جبن مثلثات و نرمدها في البيض و البقسماط و نقليها







الحشوة السادسة درتها بيتزا بالصوص تومات و التونة جات رووووعة خير من تاع برا و طيبتها في الطاجين نفسو





و درت شوربة مع الكريب التركي لكن مابقاليش الوقت باه ندير الخبز، لذا قرصت قرصة من عجينة الكريب و خليتها طلعت شوي و طيبتها في نفس الطاجين جات تحفة و خفيفة و تصلح للساندويشات



بقاتلي العجينة بزاف وفي نفس الوقت كان لازم ندير حاجة للقهوة لذا جاءتني فكرة

حشيت الأقراص بالنوتيلا و الموز مقطع و الجوز و درتهم على شكل رولي جاو





و قسم اخر من العجين أطرح تو قرصات صغار و قليتو في زيت سخون و عسلتو ، الصراحة فاجأني لذة لا تقاوم و خفييييييييف









وهذه درتها لابني لأنو من عشاق التفاح ، طيبت التفاح و البرتقال مع شوي ماء و سكر و فانيليا ، سقيت الكريب بالشاربات و الحشو حشيت بيه الكريب جات رهيبة







والله الأفكار كاينة بزاف لكن ما حبيتيش نغير طريقة الطهو باه نحافظ على النكهة تاع الوصفة

و هذه التطبيقات مجتمعة ان شاء الله تنال إعجابكم و نتمنى منكم التشجيع لآني جديدة في المنتدى و اول مرة نشارك في مسابقة لذا نتمنى تقييم الموضوع اذا كان يستحق ، و راني حاولت قدر الإمكان اني نلتزم بالعجينة و طريقة الطهي باه نحافظ على الطريقة الأصلية للكريب التركي



اذا كان تطبيقي في المستوى صوتولي

شكرًا للمنتدى الغالي و شكرًا للمشرفة ام كوثر على هذه الفرصة و شكرًا ليكم حباباتي لي قبلتوني بيناتكم، و شكرًا لصاحبة الوصفة. ،شكراااااااااااااااااا