اختي ارواحي نفهمك راكي قلتي لاكثر من خمس سنوات سما صايي دات الجنسية ؟؟؟ شوفي ما لازمش تخرج صفر اليدين دركا راه عندها ولادها باش تخدم عليهم .. و تاني راها ف بلاد الحق شوفي نحكيلك اولا مشكل زوج نتاع الناس من العائلة و تبعي مليح صحا
الاولى وحدة ابنة صديقة ماما تزوجت صغييرة 18سنة و داها للغربة فرنسا سمحت ف دراستها مع انها كانت ناجحة في الباكالوريا بعدل في ذلك الوقت كان يخولها لدراسة الطب بالجزائر ... المهم ماعليناش شاءت الاقدار و تزوجت المغبوتة ما راكي تحكي شوفها المرار صبرت دات الجنسية و خرجت كطلقت بالصح قعدت تما عايشة راحو والديها قعدو تما معاها شوية بين ما سقدت الامور نتاعها و راها معيشة وليداتها غاييية خاطرش تخلصهم الدولة على الاولاد و حق الطلاق و تخلصهم مليح يعني تعيش غاية بدون عمل تقفز مع روحها اختك متبقاش عقونة و بهلولة واحد ما يضحك عليها و تزية سنيها
و كاين وحدة كيف كيف و دركا بنيتها كبرت و ما شاء الله الدين و الاخلاق و لكان بقات على باها لكان راها خرجت من الدين و اتبعت اولاد القور نظرا لصعوبته دركا عللامة حافظة لما تير من القران البنت ما شاء الله و الولد كيقف كيف ...
المهم حنا نقولو الطلاق ابغض الحلال تزير سنيها معاه و ما تخافش منه شا ماشي يدير يقتلها مثلا؟؟ و تهدده بالطلاق و ايلا ما تبدلش تروح تشكي بيه الله غالب ما عندها ما دير المهم سقصيو على القوانين و سلكو ختكم و ما تجيبوهاش للبلاد تقعد تم و ما تزيدش تحمل الذل