حالة الثانوية - الصفحة 2

ghalia-46 · 2012-10-05, 23:03

و الله غير كارتة كبرى احنا تشاركي ما تشراكيش ما علابالهاش بيك المهم تدخل تكتب و تخرج
حسبي الله و نعم الوكيل هذا ما كان الله يوفقنا برك

GhaiHayet · 2012-10-05, 23:25

أحنا رانا نعانو من الضغط كل استاد يعطي تمارييين و حنا أغلبية نخرجو 17 و السوايع معمرين كامل الليسيس بعيد شوية و هذي مازال الفروض مابداوش

ssaa66 · 2012-10-06, 10:38

احنا الحمد الله الاساتدة كامل ملاح و يشرحوا ويفهموا و كون متجبيش الطابيلة ولا الكتاب يخرجك يقولك منسحقكش فالحصة تاعي وكون تغيب ومتجبيبش المبرر ولا ولي امرك ما يدخلوكش بصح الليسي تاعنا كبير بزاف وزيد لاكلايس تاع القصدير وكيما قلتوا كل زوج مع بعضاهم حتى تحس روحك ماشي فمدرسة وكل يوم يحكموا زوج فالكلاسة

karito · 2012-10-06, 11:43

كامل رانا كيف كيف،،

جابولنا اساتذة يستاجو فينا
ولا يحكيو على حياتهم

ميمي سمية · 2012-10-06, 11:51

لالا انا عكسك

حطوني في قسم نتاع القرايين فرات

يظلو يقراو مايضحكو مايتمسخرو

بصراحة انا ماهوش عاجبني الحال في وسطهم يعرفوا غير القراية

lamia.40 · 2012-10-06, 12:17

ana les profs ta3na mlah mé les élève maykhaliwnach ga3 na9raw nidhame makacho wach nahkilkom njib 30mn bach natl3o l les classe tellement elghachi bezef mé wach rah ndiro lazem nasbro w khlass mais cem khire b 10000 fois wlh :'( :'( :'(

الساعية لرضى الله · 2012-10-06, 15:25

الله يهدي كيما تسمع هم الناس تنسى همك

ghalia-46 · 2012-10-06, 22:45

رانا كامل كيف كيف و الله احنا باش نوصلوا للقسم اكتر من 30 دقيقة و احنا عادة في الدرج و زيد كاين لي ماشي مربيين يدفعوا و يقولو الكلام في الدرج الله يهدينا برك اما دوك الاساتذة ربي يجيب الخير هاذ العام معاهم
نهار الخميس استادة تقريني هي صغيرة في السن و ما عندهاش خبرة كامل و زيد في حصتها يتكلموا بزاف و الله ما تفهم والوا اما نهار الخميس جمعت و قعدت تبكي ما فهمنا والوا عاود قاللنا الظرس راه درها و الله غير انخلعت ربي يوفقنا هذا ماكان

اما هاذواك تاع بنت و ولد تتلاقاهم في كل بلاصة تقول قانون داخلي

Nour La Vie · 2012-10-07, 12:50

انا عكسك يا اختي

انا حبيت الليسي بزاااااااااف سيرتو الاساتذة يفهمو مليح وذات خبرة

اما عن الساحة كيما تقريبا ..بنت + ولد لكن هذه الظاهرة في الليسي نتاعنا قليلة ..قليل لي يقعدو بنت مع ولد

اتمنى مع الوقت ان تحبي ثانويتك

ghalia-46 · 2012-10-08, 22:35

انشاء الله اختي اتمنى ذلك
وفقنا الله

Girl night · 2012-10-08, 22:46

حنى التشويش تسمعيهم حتى للقسم الاخير
بزافسمطوا روحهم
كنت متشوقة للثاوية بصح ذوكا عفتها
ما شي قرايا
جاتنا استاذة رياضيات ملييخة
بذلوهنا البارح بواحد رااااااااااقد
ما عرش العملية حنى قعدنا نورولو
بلاك مازال جديد

cosaca · 2012-10-08, 23:05

رآنا كيف كيف مآلا

ايمان 97 · 2012-10-09, 12:09

meme moi j'ai le meme probleme mais wache ray7in ndirou
nous sommes forcés bache njibou el BAC lazem chwi soufrance

صَمْـتِـﮯ الـثرْثـﺂﺂرْ · 2012-10-09, 12:59

اقتباس:

المشاركة الأصلية كتبت بواسطة chaima 1996

رانا كيفكيف ختي متقلقي روحك ماوالو.......الثانويات كامل هكدا.....كون تشوفي حنايا كاتاستروف..
لا مراقبين و لا نظام و لا قوانين مدرسية

راني نعاني من مشكل عويييييييص هو اني مقدرتش نتأقلم معاهم...... الناس كامل متبدلين يشوفوا فروحم كبروا يديروا فحوايج كااااااااااااااااارثة

حسبي الله و نعم الوكيييييييل

أواااااااااافقك خ ـــاـأـأصة في هذي °°°°°° ||الناس كامل متبدلين يشوفوا فروحم كبروا يديروا فحوايج كااااااااااااااااارثة||

ghalia-46 · 2012-10-09, 13:36

رانا كامل كيف كيف ربي يوفقنا برك رايح نتعذبوا شوي هاذ العام مع الاساتذة تاع اخر زمان