les canapés salés

[أم ضياء عبد الرحيم]

كنت وضعت من قبل موضوع لبوفيه عملتو و طلبوا البنات الوصفات
اليوم درت لي كانبي مقبلة ساهلة و مليحة
لازم تتحضر في نفس يوم التقديم
المقادير
خبز التوست
جبن ساندويتش و جبن مثلثات
سلامي او باتي اي نوع المهم يكون مقطع شرائح رقيقة
زيتون او طماطم سوريز

كاتشب موتارد او مايوناز انا مادرتش


نخلط جبن المثلثات مع نص مغرفة صغيرة تاع الكاتشوب او اقل اذا ما تحبوش طعم الكاتشوب شوية موتارد و مايوناز الكل بكميات صغيرة جدا الغرض من استعمالهم هو ان الجبن يصبح ناعم و قابل للدهن اذا عندك جبن طري تقدري تستغناي عنهم


نقطع السلامي و الجبن ساندويتش و الخبز بقطاعة حلويات emporte piece

ندهن قطعتين من الخبز بخليط الجبن

نحط على واحدة قطعة تاع الجبن و من بعد السلامي و قطعة تاع الجبن و نغلق بالثانية و نزيد نحط جبن او سلامي نزينها بزيتون او طماطم سوريز





نسيت نقوللكم الخبز الي يبقى كي تقصي تقدري تحمصيه و اديريه شابلير
و الجبن و السلامي اديري بيهم كيش او بيتزا
إن شاء الله تعجبكم و تجربوها
في امان الله