الجزء 63 من واش طيبتي اليوم تزامنا مع عيد المراة - الصفحة 2

أم ياسين الزهراء · 2014-03-08, 15:08

كنت نراجع في الملف اللي فات ولقيت احلى خبر مبروك ام اناس وام انس ربي يكمملكم على خير ويرزق كل محرومة الف مبروك الف مبروك

دائمة الحمد · 2014-03-08, 15:08

مبروك الكوزينة الجديدة عليك وعلينا ادراري
كوزينتك هايلة تتهني فيها مع المزيد من الطبخات الشهية

aphrodite16 · 2014-03-08, 15:09

عاشقة الجنة يعطيها الصحة ماماك و ربي يحفظهالك
المبرجة تهبببببل مالغري ما نحبهاش مي شهيتوني فيها هه

ام ياسين الزهراء بصحتكم الجلبااااانة

سميحة 01 · 2014-03-08, 15:10

مبروووووووووووووووك الكوزينة ادراري داركو كوزينتك يهبلووووووووو الله يبارك تتهناي فيهم حبيبتي

مساء الخيرات مبرووووووووك ام انس و ام اناس و الله غير فرحتلكم ان شاء الله ربي يكمل على خير و يرزقكم بذرية صالحة يا رب

Aya69 · 2014-03-08, 15:11

Aya69 · 2014-03-08, 15:14

ryhem 16 · 2014-03-08, 15:17

مساء الورد لأحلى الوردات
عيد ميلاد سعيد و كل عام و أنتن بصحة و سلام
ألف مبروك افتتاح كوزينتك أختي أدراري و كلشي اهبل في دارك من الكوزينة.للقعدة الزينة في صالونك المرتب وصولا الى أطباقك الرائعة ما شاء الله عليك أختي ربي ابارك
جيت أنهني الأخوات في كوزينة نهال بالمناسبة السعيدة لقيت الأخوات اهنيو أم أنس و حبيبتي أم اناس مع افتتاح كوزينة أختي أدراري قولت يا رب سمعنا ديما الأخبار الصارة
ربي يرزق الأختين أم اناس و أم أنس بالذرية الصالحة و يكمللكم على خير بالصحة و السلامة و ارزق كل محرومة أمينننننن

باروكي اليومة ما لقيت واش نحط من فرحتي و راني عديت الصبحة مع ماما و خواتاتي و كي تغدينا في بارا رانا دخلنا لدار

أختي أدراري جبتلك حلوة السكندرانيات

وجبت ورود للكل الفحلات من عند حانوت تاع جارنا

و هذه ورود شكلناها في عرس وليد خالتي و قدمنا بيهم مناديل للمشروبات الباردة

و هدو ورود جابوهملنا كهدية

الله يجعل كل أيامكم ورود و أعياد حبيباتي مع تحياتي

aphrodite16 · 2014-03-08, 15:23

دائمة الحمد مرسيييييي على وصفة الكروكي
و شفتك خطرة عطيتي وحد الوصفة تاع الكسرة جديدة ما لقيتهاش راني حابة نديرها دوكا يتقهواو بيها علبالي العرايش ما يوجدولهمش للقهوى

Aya69 · 2014-03-08, 15:23

من فضلكم حبيباتي 500غ زبدة التوريق قداه لزملها فرينة كيلوا ولا800غ جاوبوني راني نستنى

ام ايمان16 · 2014-03-08, 15:26

يعطيك الصحة كلش هايل الله ابارك

كي تحطو اطباق هنا حطو ككيفاش خدمتوهم او روابط موضوعاتهم للافادة
لااننا نشوفو صور اطباق يعجبونا ببالصح مانلقاوش كيفاش درتوهم
كيماها الطبق عجبني بالصح ماكانش الطريقة
https://up.hawahome.com/uploads/13942872031.jpg

azhar15 · 2014-03-08, 15:32

t3ichi ryhem koulina kifech chekelto hadouk les fleurs w koulchi mabrouk lwlid khalték

دائمة الحمد · 2014-03-08, 15:44

ام اناس وام انوس الف مبروك عزيزاتي وربي يكمل ليكم على خير
ريهام اهلا بيك وبابداعاتك الرائعة وضحي وصفة السكندرانيات حنونة
افروديت راهي النت تجنن وين نكتب رد يتمحى
انا الوصفة هذيك تاع الكسرة ما عملتهاش بحذافيرها عملتها اليوم مع تحريفات اذاتحبي نحطهالك

omomnia15 · 2014-03-08, 15:45

مساء النور انتوما هنا وانا نغيط ملهيك ههههههههه مبروك ادراري الكوزينة ويجعلها مربوحة عليك وعلينا ودارك شابة تهبل تتهناي بيها الباروك مكاش خطرش راني نرحل وسخفتوني ابحثولي شوية وااااااااااااااااااع

aphrodite16 · 2014-03-08, 15:48

وييييي دائمة الحمد تعيشي تعملي فيا مزية

aphrodite16 · 2014-03-08, 15:56

دائمة الحمد راني لقيتها في وصفات الحراير و درتها و حطيتها فالساشي مي انا في بلاصة السكر درت العسل و زدت شوية سمن