موضوع مميز كل وحدة تدخل و تحط سر من اسرار الطبخ ولها جزيل الشكر - الصفحة 2

amouna.sem · 2012-12-24, 09:21

merci bcppp pr le sujet

ريان 7 · 2012-12-27, 09:30

وين رحتو ؟؟؟؟؟؟؟؟؟؟

amiramirna · 2012-12-28, 09:49

سلام عليكم
سر اليوم المخبز و مقروط اللوز نرحيو السكر مع اللوز و ضروري يكون سكر التسكار (كريستال ماشي الناعم)
باش يجي مفركت و معسل

ساندي 28 · 2012-12-28, 13:45

سلام اخواتي حببت نزيد نشارك هنا بفكرة او بسر راح يفيدكم اكيد كيتطيبي الموسكوتشو نتاعك وتخافي تلصقلك في المول ضعيهفوق منشفة مبللة بماء ساخن وخليها 10 د ومبعد نحيه بكل سهولة تحياتي

fella food art · 2012-12-28, 14:06

باش ماتلسقلكم لاكرام باتيسياغ و لا البيشامال في الكسرونة شلوها بالماء بارد قبل الاستعمال

fella food art · 2012-12-28, 14:10

باش العرايش يقعد الشكل ديالهم على حالو و مينحلوش كي يطيبو شكليهم في الليل و غد من داك طيبيهم ولا ماعندكش الوقت شكليهم و خليهم 2 سوايع في الثلاجة قبل ماطيبيهم الشكل يقعد علا حالو

ريان 7 · 2012-12-29, 10:26

مشكورات حبيباتي لمشركتكم باسراركم المطبخية
ربي يوفقكم

samouna88 · 2013-01-31, 15:22

السلام عليكم
حابه نقولكم باه تجي الماكله بنينه زياده لازم يتقلي لاصوص مليح سيرتو الشخشوخه

nounoutoto · 2013-02-02, 09:30

السلام عليكم.شكرا على الموضوع ومشاركتي في اسرار الطبخ اضافة قطرات الخل الابيض او قطرات عصير الليمون الى الماء الذي يغلي فيه الشفلور و لا تغلقي عليه فيصبح ابيض ناصع و رائحتحه رائعة المجربة تدعي لي.

فرح وفرح · 2016-01-16, 16:00

مشكورى حبيبتى

نور اليقين 66 · 2013-03-21, 14:45

أول معلومة :

عجينة البيتزا

متقطعوهاش باليد متتنفخش مع بعض

قطعوها بالموس

ان شاء الله تفيدكم

lîlyôûnîtâ · 2013-06-10, 16:17

BâCh tnâhî zfôûriyat lhâm kî twâlî tghSlî fîh âdâ3kîh b Zânjâbîl mâis ykôûn tzîj & nChallah nkoun fdtk b Chi haja

wissal79 · 2013-08-23, 17:19

مساء الخير انا نقولكم على الزيتون الاخضر كيما تعرفو مالح وباش تستعمليه نساء اخرين يغلوه في الماء + بطاطا صغير ة
انا نقولكم ديريه في صحن مع الماء البارد والخل . واحيانا نشريو اللحم الخروف يكون قاسح كبير وميطيبش يطول اغسليه باماء والخل قبل ما طيبة انشاء الله نكون فدتكم بحاجة .

كوثرنيل · 2013-10-28, 09:34

ادا كان الطاجين نتاعك لما تطيبي لغرايف ما تطيبهوملكش مليح اي غير مثقبين من كل الجوانب ضعي كمية من الملح في الطاجين وتركيها تسخن ثم حكيها بطرف قماش وارجعيها جانبا كل ماتلاحظي ان لغرايف ماشي مثقوتين مليح عاودي حكي الملح الموضوع جانب الطاجين

سندريلا16 · 2014-01-15, 13:03

بالنسبة للدجاج قبل ما تغسليه حكيه مليح بالملح مخلط بشوية فرينة و مبعد اغسليه و رايحا تشوفي الجاجة تاعك تولي تبرق