انا قنوعة ولا اريد المهر

[محمد...عبد النور]

السلام عليكم أختي الكريمة كاميلا
تعددت طرق الصيد كما قلتي و في الاخير نفس المحصلة حين تحكم روحها و يجيبها للدار تبدى المشاكل و خاصة لما يكون ساكن مع الاهل كل يوم سيناريو حتى تسكن لوحدها واذا رضخ لها باتت فيه ههههههههههو اذا فاق بيها باتت فيها هي ههههههههههه
ربي يهدي ما خلق ، لما يجي الخاطب يقول ندي مرا و بنت ناس و والديها يقولوا احنا نبغوا الراجل وولد الاصل
هو يخطب يبدا الطلب و وراءه طلب آخر و هو لما توقف قدامه الطفلة تحط راسها في الارض يقول راني درت أفار مرا و مولاة خيمة و حشمة هو يتخالفوا رجليه تقول عليه مسكين حشام حطيت راسي قدامه حب يدخل في الارض ههههه و
تقول راه صيد سهل بعدها يبدى التخطيط و التدبير
كل ما يقول حاجة تقول ايييه و وااااااه كامل ما تنويهش و لما تجي عنده في الكار تشيب له راسه هههههههههه
مثلها كمثل الذي يعمل في فترة تجربة قبل العمل يوري شطارته و انه متفان في عمله و حتى يظهر ملكات و قدرات فذة و محمودة ، فقط يجي و يرسموه في العمل يسير سير من سبقه من المرسمين و يركن الى الروتين على الاقل او حتى يصبح يماثلهم في فسادهم و كسلهم
لا نعمم فهناك فتيات طيبات و الله لهن النية الصادقة في تكوين بيوت سعيدة و تجدينها صابرة و حتى انهم يظلمن لكن بنات اصل و تربيتهم عريقة و اصيلة و لا تؤثر فيها ملذات الدنيا و ما هو جار في وقتنا الحالي
ربي يوفق الجميع لكل خير و يرزق كل اخواننا و اخواتنا الازواج و الذرية الصالحة
بارك الله فيك اختي الكريمة و ربي يوفي لك ما تتمناي
ســــــــــــــــــــــــــــــــــلام

[sarl02]

الواحد يتقي الله في زوجته قبل اي شيء واقدرها ويكرمها في حدود امكانياته واذا قدر الله وانقلبت ولا طلعت ولا هبطت ولا طارت بعد الزواج فامساك بمعروف او تسريح باحسان ..كاين غيرها والحمد الله وهي الخاسرة اولا واخيرا.

[اريج16]

شوفي اختي انا منخدعههم ما والو هذا شرطي 20 مليون مهر بارير مايقلش عن 25 مليون 2قناطر صوف المصروف مع الكبش
الفاليزا نتاع الفيونساي يعني جهاز من كلش خاتم الخطبة خاتم الشوفا خاتم تاع الحنة وحجى ذهب نحني عليها لبسة تاع العقود العرس في لصال ويجبولي شاب عاقيل وطيب ويمينة يغنو في عرسي
شهر العسل في المانيا ودار وحدي منقولش فيلا برتما تكفي ايه ولكان يزيد يكمل حجى صغيرة بك يجبلي طاكسي كادو تاع العرس مش غاليا على اقل تاع 100 مليون







































هههههههههههههه ههههههههههههه امنتوني هههههههههههههه هذي شروط شكون لي يقدرلها بصح والله كاين لي يديرو هك ونعرف وحدة درلها هك مش كلش بصح صح 20 مليون مهر وبارير تاع 30 مليون ومش طفلة لي شرطت راجلها هو لي قالهم هك
بصح الاكيد الهناء هو كلش لكن اذا كاين لي يمد هك منقولش لا

[مناد بوفلجة]

الله يجعل الغفلة بين البائع و الشاري

[فتـ حييةـاة]

ماعليش :::::::::::يخليها تمثل على روحها
ونهار يتزوجها وتنحي القناع ثم يجي دور الزوج والنسا راهم بزاااف من حقو يزيد ثانية وثالثة ورابعة

[sara.info]

حولتم بهذا الموضوع و آرائكم من المرأة الى وحش كاسر و الرجل تلك القطة الضعيفة المسكينة التي لا حول لها و لا قوة

برأي أن النية السيئة تتواجد لدى الطرفين و الدليل على دلك قسم مشكلتي و ما خفي اعظم

ألا تؤمنون ان الرزق من عند الله تعالى و ليس له أدنى علاقة لا بالندرة او الكثرة ربي يهديكم

آسف أشد الأسف أن اول و أكثر من يهين المرأة هي المرأة نفسها لا حول و لا قوة إلا بالله العلي العظيم
لهذا ينعتون مجتمعاتنا بالتخلف و الرجعية ..تعرفون لما ...لأننا نتقن الدوران في الحلقات المفرغة التي لا فائدة ترجى منها

[شيء من رجاء !]

المشاركة الأصلية كتبت بواسطة فتـ حييةـاة

ماعليش :::::::::::يخليها تمثل على روحها
ونهار يتزوجها وتنحي القناع ثم يجي دور الزوج والنسا راهم بزاااف من حقو يزيد ثانية وثالثة ورابعة

من باب " اضرب المرا بالمرا ماشي بالعصا "
لو يأتي على سيرة التعدد أمامها ترجع حمل وديع

[ما فهمت والو]

شكرا على الموضوع انا عن نفسي التفاهم راح يكون قبل الزواج على كل شي ان شاء الله و بعد الزواج ما نحب حتى تغيير او انها تدور عليا بصريح العبارة خاصة في العمل تقول قبل الزواج ما نخدمش و بعد الزواج تصر على العمل هنا ممكن توصل بيناتنا لابغض الحلال لاني نحب كي نقول كلمة ما نرجعش فيها خاصة ادا كنا متفاهمين فيها من قبل

[مسلم سني]

المشاركة الأصلية كتبت بواسطة مريم الصابرة

السلام عليكم اختي
شوفي انا نزيد على كلامك وحدة هي قلبها سم وكحل وتلقايها عينيها ما تهزهمش من الارض وتبين للراجل باللي عاقلة ونهار يديها تكلاطي في وجه دارهم علاه تنوفيق كيما قلت الصيادة يصيدو فالرجال تقولي راحين يخلاصو انا حكيت مع وحدة مخطوبة فالدار ليسونس شاعل ونهار يجي هو واهلو تقولي هذا الطفلة ملاك قتلها علاه تولي هكذا كي يجي قاتلي خليه يديني ومن بعد تبان العقلية ما نكذبش عليك اختي انا نقولها ونعاودها انا صح قبيحة في واش نرد الهدرة فالوجه اللي عندو معايا حاجة نقولهالو ما نحكي في ظهرو ما ندي ذنوبو واللي نحبها نحبها واللي نكرها نكرها الله غالب يحطوني قبيحة ما نعرفش النفاق
المهر مفروض ثم لازم الوحدة تساعف خطيبها الله غالب الغلى والزواج ما راهش بيع وشرا واللي كاينة يطلبوها والرجال ايضا يشوف قدراتو ربي يهديهم شكرا

السلام عليكم
أختي مريم رزقك الله الزوج الصالح أنت وكل بنات المسلمين يارب
احترماتي لك

[النجمة القطبية]

النيات ربى اعلم بها وفى كل مكان كاين الصالح والطالح
اما فكرة ان فتاة معينة تفكر مثل هذا التفكير او تفعل مثل هذا الفعل فلا يعنى ذلك ان نبنى على فعلها موضوعا لانه يدخل الشك فى نفوس الجميع
ثم كيما كانت تقول جدتى رحمها الله مول النية هو اللى يربح بمعنى ان عاجلا او اجلا كل واحد يدلا على حساب النية ديالو برك
اما بالنسبة لمن يكذب فالكذب حبله قصير
موفقة

[mohamed160]

المشاركة الأصلية كتبت بواسطة اريج16

شوفي اختي انا منخدعههم ما والو :d هذا شرطي 20 مليون مهر بارير مايقلش عن 25 مليون 2قناطر صوف المصروف مع الكبش
الفاليزا نتاع الفيونساي يعني جهاز من كلش خاتم الخطبة خاتم الشوفا خاتم تاع الحنة وحجى ذهب نحني عليها لبسة تاع العقود العرس في لصال ويجبولي شاب عاقيل وطيب ويمينة يغنو في عرسي
شهر العسل في المانيا ودار وحدي منقولش فيلا برتما تكفي :d:dايه ولكان يزيد يكمل حجى صغيرة بك يجبلي طاكسي كادو تاع العرس مش غاليا على اقل تاع 100 مليون







































هههههههههههههه ههههههههههههه امنتوني :d:dهههههههههههههه هذي شروط شكون لي يقدرلها بصح والله كاين لي يديرو هك ونعرف وحدة درلها هك مش كلش بصح صح 20 مليون مهر وبارير تاع 30 مليون ومش طفلة لي شرطت راجلها هو لي قالهم هك
بصح الاكيد الهناء هو كلش لكن اذا كاين لي يمد هك منقولش لا

هههههههههههههههههههههههههههههههه ما شرطى بزاف الاخت

[aihemsara]

المشاركة الأصلية كتبت بواسطة مـجيد

الطيبات للطيبون و الخبيثات للخبيثون
مهما دير الخبث يجي نهار لي يكشفها ربي

ابحث انت ايضا عن معنى الاية
كان عندي نفس المفهوم و الحمد لله صححتهولي اخت هنا من المنتدى
و بالنسبة للموضوع,, ربي يجيب لي فيه الخير برك و يهدي العباد هادوك

[سامي العالم]

يمكن للجل إن استخدم دهاءه و فراسته أن يبين الفتاة المخادعة من الفاضلة و عموما اللي تنوض في العز مانخافش منها

[delpiero16]

المشاركة الأصلية كتبت بواسطة كاميلا

السلام عليكم ورحمة الله تعالى وبركاته
هي شائعة هاد العقلية وهاد اللئم الذي تجده بكثرة في هذا الزمان كم من حالة مجسدة ف يالواقع حدثت
الا وهي التمسكين يعني يتمسكنوا حتى يتمكنوا
من احدى عباراتها
-خلي نتمسكنوا حتى نتمكنوا قالتها احدى زميلاتي هي من ولاية سكيكدة تدرس معي في الكابا
-الراجل لازم ديما تبينيلوا باللي قنوعة وتقنعيه باللي رايوا هو اللي يمشي باش تمشي الامور وتتزوجي اليس هذا بخداع؟
الكثير من الفتيات ينتهجن هذا النهج لاصطياد العرسان وعفوا على العبارة لانها بالفعل حقيرة ومخزية ولي الشرف ان اكمل حياتي ان قدر لي الله بدون زواج وان لا افعل هذا
الكثير منهن يبداو بالتسهيلات التي يحبس معاها المخ وتحس انك راح تجيب ملاك ليس انسان ميعرفش ريحة النقود لانه اللي متهمهاش المادة اي متهدرش عليها والي تهمها تبداك انا قنوعة انا لست مادية الضيق في القلوب نهز والديك نحب والديك ومبعد نعتلك نيباني تاع الصح
بعد الزواج تبدا الطلبات من ذهب ومصاريف والي كانت تقول العمل حرام ولات تحوس عليه والدير في المشاكل واللي كانت تبوس راس عجوزتها ولات تضارب معاها
يعني حبيت نفهم علاش الخداع من هاد البنات لاذا؟؟؟؟؟؟ راهو حرام الخدع واغلبهن يقمن بهذا لا لشيء لانهن خايفين من العنوسة وتلقاها 20 22 وهي بهاد العقلية قاتلك الراجل غالي وقليل في هاد الزمان علاش راهو سلعة؟ والا محصول سينقرض ؟
انا واش نتنارفا كي وحدة تبدا تقولك منيش مادية وهل المادي سيقول على نفسه مادي ؟
ببساطة هي وسيلة حديثة لاصطياد العرسان لانها مشكلة وحدثت في عايلتنا من اللي كانت المادة لاتهم اصبحت اس المشاكل
لكني بموضوعي هذا لا اقصد المتدينات الخلوقات راهم مازاللوا والدليل من منتدانا خيرة البنات وزينة لعقل والتربية
اريد آراؤكم

والله أشكرك جزيل الشكر على الطرح الحسن للموضوع
لكن هذا كله يرجع الى حسن التربية في بيت العائلة
وكما يقال بنت أصل
والمعدن الأصيل لايتغير لونه مثل الحرباء
آنستي أوسيدتي
رغم كل شيئ يبقى الزواج أمرامقدسا ولن تجدي رجلا او بنتا يتزوج فقط من اجل الزواج
لكن من اجل بناء حياة
وكل واحد أو وحدة يبحث عن ابنة او ابن الأصل
ولكن فعلا سامحهن الله الكثير من الفتيات يصطادون في الماء العكر
انا عن نفسي لم أكن عاملا في مامضى ولكن اليوم اعمل وأطرق ابواب الثلاثين ولم أجد بنت الأصل
ولدي صديق تكلمت معه فقط البارحة
يسكن في العاصمة لديه عمل مرموق يعمل منذ 5سنوات قادر على الزواج
قال لي بالحرف والواحد والله ياأخي لم اجد بنت الأصل

وماذكرته في موضوعك بالضبط هو أسباب العنوسة عند النساء والعزوف عن الزواج عند الرجال
كيف لفتاة تتزين كل يوم لتخرج الى الشارع وتتعرض لمختلف المعاكسات وهذا واقع كيف لها ان تتزوج برجل محترم ذو أصل
الآية صريحة جدا (( .. وقرن في بيوتكن ...)) يعني لامجال للخروج
درست في العاصمة اين بالأمكان أخذ فكرة عامة عن جميع مكونات مجتمعنا من جميع المناطق
وصدقيني ان للبنت المحترمة ذات الأصل مكانة وهيبة ولاتتعرض لأي شكل من اشكال المعاكسات
لأن حفاظها على نفسها يكسبها مهابة ووقارا
حتى شر الرجال يقول لك (( هاذيك بنت فاميليا مانقدرش نظلمها)) و

المهم غلاء المهور أصبح كارثة خصوصا في مناطق الشرق
والأدهى ان تطلب سكنا خاصاااااا
الامة كلها تعاني من ازمة السكن وهي تطالب بسكن بمليار وتقول لك دبر راسك اشري ولا أكري المهم نخرج
من اين للرجل هذا
ثم هي نفسها لاترضى ان تقول زوجة أخيها هذا الكلام؟
هل أمها وأبوها اغلى من امه وأبيه؟

الله يهدينا
وبارك الله فيك على الموضوع

[wadoo89]

الله يصلح حالنا أمين يارب ،، الأخت كاميلا أريد أن أسألك سؤال خارج الموضوع سامحيني لكن الوقت يداهمني . يجب أن أسأل واحد من اهل الاختاص .
أنا درست كلاسيك ، المعدل تاع السنوات الأربعة 11.06 ضعيفة .
لكن لدي في مقايس التأمينات 17 /20 ، يعني هل أستطيع أن أدفع الملف في تخصص تأمينات الماستر؟؟ وهم ينظرون في الترتيب حسب علامة المقايس أو المعدل العام ؟ ممكن الملف وشكرا .