|
قسم يومياتي يهتم بالحياة اليومية للعضو : تجارب .. حوادث .. فضفضة ... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
[ حكايتي مع الزمان... ] أسمحولي حاب نفرغ قلبي
|
أدوات الموضوع | انواع عرض الموضوع |
2014-12-22, 15:14 | رقم المشاركة : 16 | ||||
|
ربي يفرج عليك ان شاء الله
|
||||
2014-12-22, 19:02 | رقم المشاركة : 17 | |||
|
.................
|
|||
2014-12-22, 19:05 | رقم المشاركة : 18 | |||
|
السلام عليكم
ويفرّج على جميع المومنين آمين يا رب العالمين شكرا على التشجيع ختي لكريمة سلام |
|||
2014-12-22, 19:26 | رقم المشاركة : 19 | |||
|
السلام عليكم |
|||
2014-12-22, 19:53 | رقم المشاركة : 20 | ||||
|
اقتباس:
وعليكم السلام ورحمة الله وبركاته
أنا فرحان أنك قريتي الجزء الثاني وخذيتي فكرة على بعض الظروف اللي نمرْ بيها. أنا محال نقدر نتخلا على يمّا مهما كان السبب. même راني محتاج للخدمة ولكن تبقى اللي ولدتني وكبرتني فوق كل اعتبار. نطلب من ربي أنه يتقبل منّي ومن كل من يخدم والديه ويسهر على رعايتهم. بالنسبة لمهنتي (راقدة وتمونجي) راني حطّيتها بالعاني لأني ماكذبتش أنا بطال وماعندي حتى مدخولK كثر خير البونسيون اللي تديها يوم منذ وفاة الوالد رحة الله عليه. مشاركاتك ترد فيّ الروح وتبعث فيّ الأمل فبارك الله فيك ختي لقاضلة ............ سلام |
||||
2014-12-22, 19:56 | رقم المشاركة : 21 | |||
|
السلام عليكم |
|||
2014-12-22, 20:26 | رقم المشاركة : 22 | ||||
|
اقتباس:
السلام عليكم
حكايتي أمام حكايتك ختي مريم لاشيء وحياتي أمام حياتك بلا معاناة والله راني نقرا في موضوعك ونخمم عليك لأن معاناة مثل هذه يطيحو منها الرجالة فما بالك ببنت وزيدلها المرض. سامحيني ختي مريم نرفعلك القبعة بعدما عرفت ظروفك ومعاناتك والله نقدّر فيك نشاطك رغم مرضك ونحيي فيك أملك الكبير في ربي ويعجبني فيك تقديرك لمجهودات والدتك -ربي يخلّيهالك- ربي يشفيك ختي مريم ويهنيك بيمّاك، وماتنسايش تحطّيها في عينيك بارك الله فيك على المشاركة في موضوعي وعلى كل كلمة كتبتيها هنا. ................. سلام |
||||
2014-12-22, 20:34 | رقم المشاركة : 23 | ||||
|
اقتباس:
نحب تعرف إنو ربي خلقنا اخي وحنا ملكو واش يصرانا لازم نتقبلو اي نعم نقنطو ونبكو ونخمو فأمور بزاف ما نكذبش نقولك ما قنطتش وما بكيتش ولحد الساعة مازال بلاك ندخل هنا نكتب ونضحك ونمازح الاعضاء في وقت انا موجوعة ومريضة ومرات مشلولة وما نمشيش عانيت وشفت المر ومازال وامي هي نور عينيا حابة نبرا على جالها حتى نعوضها انا على جال نفسي خلاص كرهت فالدينا وما نخممش فيها لكن لما نلقى امي قدامي تتعب من الخدمة عند الناس تغيضني روحي ولكن نفخر بيها لانو ماكانش اسهل من الحرام والحمد لله عمرنا ولا خممنا فيه لا انا ولا هي رباتني احسن تربية وحجابي شرعي ومحترمة الحمد لله ونقدر جيراني الله غالب الصحة خاينة وكمل معاها الفقر دار معاها عقد ولكن عمرو الفقر ولا عيب العيب اني نكون مكروهة عند الناس او سارقة عندي ملاير وانا سراقة وناكل حق اليتيم او نتكبر على الناس صدقنتي خويا عندي عموم عندهم ملاير النار ما تاكلش دراهمهم عمي لاخر فالبرلمان وولادو يقراو فالماريكان وانا عندي مرض لو ما نعالجش راح يرجع سرطان او يبترولي رجلي صدقني من مات بابا ما شفتش وجوهم وكلهم عارفين بوضعي ونورمال عندهم لكن راني خير منهم الحمد لله ربي كل ما ندعيه يستجيب لي والله وندعي لغيري نلقى ربي فرج ونفرخح بزاف نحس ربي قريب مني ويشوف فيا ويعرف وضعي وينجيني من امور بزاف نسافر وحدي بحكم علاجي وعمل امي وما عنديش شكون يجري معايا للطبيب لكن ديما ربي حاميني وراعيني اخي حبيتك دير الكوراج ولازم تشد فربي خمم دايما فالحلال وراح تخدم وتتزوج وتولي هذي مجرد تجربة المهم امك بها تربح وبيها تخسر إما ترضى عليك وتربح طول عمرك إما والله وتكسب مال قارون راح تخسرو لو سمحت فيها خويا ربي يفرج عليك وعليا ويعطيلك كل الخير ويشدلك فالوالدة سلامي ليها شكرا |
||||
2014-12-22, 20:54 | رقم المشاركة : 24 | ||||
|
اقتباس:
السلام عليكم
سامحيني مريم ماقدرتش نعلّق على كلامك خليتيني نحس أني كنت في غيبوبة بعدما قريت ردك الآن حسيت أني مارانيش وحدي في الدنيا اللي قاستو الحيوط الحمد لله كاين ناس ومنهم انتي قدرو يتغلبو على ظروفهم بصبرهم وبإيمانهم وبأملهم في ربي. الحمد لله أنك معانا نسمعو وناخذو منك ربي يعطيك صحتك ويسهل عليك وعلى والدتك ويجعل الجنة مثواكما. بارك الله فيك. ......... سلام |
||||
2014-12-22, 21:09 | رقم المشاركة : 25 | ||||
|
اقتباس:
خويا كثر الدعاء والإستغفار والله عن تجربتي فيه فرج كبير بزاف وين تقعد ضيع وقتك فالإستغفار وتعاونك سبحة صغيرة إشريها نتاع اليد توالف بيها صدقني فيه فرج كبير ربي معاك ويوفقك واعتبرني اختك هنا ننصحك وقت مانقدر لو كنت اهل ليها ربي يفرج على كل مومن موفق وشكرا |
||||
2014-12-22, 22:11 | رقم المشاركة : 26 | |||
|
لا تحزن يا ابني فكيف ياتيك الحزن ومعك امك وتخدم فيها هذه نعمة يتمناها الكثير ناتخافش ستفرج ان شاء الله اقرا القران تصفح اوراقه صلي اكثر من ذكر الله واخدم امك بالصفا والنية وخلي الرزق على الرزاق فوالله لا يخزيك الله ابدا فبشرى وبشرى لك |
|||
2014-12-22, 22:12 | رقم المشاركة : 27 | ||||
|
اقتباس:
كي قريت حكايتك تفكرت وحدة قرات معايا ماستر فالجامعة معلاباليش وش هي الاسباب اللي خلاتها تحبس قرايتها فالتارمينال المهم فاتت اكتر من 15 سنة ظهرلها تعاود الباك عاودت عقبت دات الباك قرات ليسانس ومباعد ماستر ودرك راهي سنة اولى دوكتوراه شوف ناس كانو فالمستويات تاع الابتدائي المتوسط التانوي احسن منها فالدراسة درك مكملوش الدوكتوراه كما هي يعني بالارادة اللي عندها تحدات سنها وتحدات كل الظروف المحيطة بها وهاي الدنيا ابتسمتلها نشالله متياسش برك وخود قصتها عبرة ليك بش تبدا من جديد |
||||
2014-12-22, 22:51 | رقم المشاركة : 28 | ||||
|
اقتباس:
السلام عليكم
والله ختي مريم كلامك كيف الدوا ريّحني وخلاني نشوف الدنيا بعين أخرى. صدقيني كنت مهموم بزاف، أما الآن الحمد لله ارتحت قليلا d'ailleurs صحابي هم اللي شجعوني باه نسجل في المنتدى بعدما حكاولي حاجات مليحة عليكم تبقاي دايما أختي ودايما نصايحك على العين والراس ربي يخلّيك لينا ختي .......... سلام |
||||
2014-12-22, 22:53 | رقم المشاركة : 29 | ||||
|
اقتباس:
السلام عليكم
معاك حق ختي لكريمة مادام والدتي معاي ماعندي مانخاف منه رايح نعمل بنصايحك نشالله بارك الله فيك على التشجيع ........... سلام |
||||
2014-12-22, 22:56 | رقم المشاركة : 30 | ||||
|
اقتباس:
ماشاء الله
والله قصة صاحبتك هذه عجيبة تاع الصّح صح، بالإرادة نقدرو نحققو المستحيل. نتمنى أن حياتي تتبدّل للأحسن في أقرب وقت. يعطيك الصّحة على التشجيع ............ سلام |
||||
الكلمات الدلالية (Tags) |
الزمان...أسمحولي, حكايتي, نفرغ, قلبي |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc