pain au lait بريوش وصفة أصلية راااااائع بالخطوات المصورة من مطبخي - الصفحة 2

nabila222 · 2013-09-30, 18:56

يا عمري عليك ام انس ربي يعطيك الصحة ويشافيلك والديك ويحفظلك ولادك وزوجك، راكي درتي فيا حالة نموت على طيابك توب ،نشالله نجربو ويصدقلي سخفتيني ونا نتوحم واااااااااااااااااااع ذك نبكي ،حنونتي حبيت نسقسيك على وحدل الفور وريتيه طيبتي فيه البقلاوة عجبني انتاع حديد وكبير جابلي ربي يهز سنيوة كبيرة حبيت نسقسيك على السعر انتاعو ويمشي بالغاز ولاالتريسيتي ومشكورة مرة اخرى

الأمنيات · 2013-09-30, 18:58

دروك ام انس فهميني قائمة الوصفات الي راح نطبقها راها تطوال ههههههههههههه والعيد راه قريب
نجرب ولا نشري العيد ؟؟؟؟؟؟؟؟؟؟؟؟؟
يهبل البريوش تبارك الله هو مجرباته اكيد الوقت لا اعلم ممكن قبل وممكن بعد طبعا العيد

أنآحلُم · 2013-09-30, 19:03

ام انس ماشاء الله خرجلك روعة
طريقة التزيين الاولى بالمقص فهمتها التناية مفهمتهاش

رياحين الجزائر · 2013-09-30, 19:51

والله الزاقات معالكم على المرا اللي تتوحم منو هك اكتبو ممنوع دخول المتوحمات ههههههههه
روعة روعة روعة ربي يعطيك صحتك حبيبتي

رياحين الجزائر · 2013-09-30, 19:56

ام انس يخي يصلح باليد ولالازم البيترا

أم شيماءْ · 2013-09-30, 19:59

و الله يعجز السان عن شكرك كل وصفاتك قمة في الروعة ربي يعطيك ما تتمناي حبيبتي

wafaa22 · 2013-09-30, 20:20

yaaaaaaaa oum anas ya3tic saha w rabi ynejahlec wladec

فايزة1207 · 2013-09-30, 21:41

وصفاتك دائما في القمة

جزاك الله خيرا على شرحك الوافي والدقة في الشرح
مالقيتش كيفاه نتصل بيك حليت موضوع في قسم الفرنسية

https://www.djelfa.info/vb/showthread.php?t=1429722

islam1aya · 2013-09-30, 21:52

رووووعة قليلة ماشاء الله على وصفاتك ام انوس

الصراحة مشهيييييييي وبالمعجون ولا بالكريمة والشوكولا اممممممممممممم

ربي يخليلك والديك ويحفظلك الوليدات ويسخرلك زوجك

تفكريني في اختي ام خديجة عزيزة عليا راه غائبة عن المنتدى

hanane220 · 2013-09-30, 22:21

يعطيك الصحة حبيبة شكرااا على الوصفة تهبل

*عاشقة الجنة* · 2013-09-30, 22:30

أم أنس نفرح كي نشوف موضوع جديد ليك

ونقول اكيد فيه ابداع لانك دون مجاملة فناااااااااااااانة

نموووووووووت على طيابك

لمسة حنية · 2013-09-30, 22:34

مااااااشاء الله راهو يهبل وعبالي يهبل ولو مش يهبل مكنتش طلبته ودرته ربي يخليكي ويعيشلك اولادك تحياتي عزيتي

أم ريمة* · 2013-09-30, 23:31

ما شاء الله ام انس فعلا شاف الله يصلحلك ذريتك ويمتعك بالصحة امييييييين

oum anas 69 · 2013-10-01, 07:41

شكرا لكن عزيزاي سعدت كثيرا بتواجدكن و أفرحتي ردودكن الطيبة دامت صحبتنا و لمتنا وعطائنا
وإن شاء دائما نكون عند حسن ضنكم
عزيزاتي لي ماعندهاش العجانة أو البيترا تعجن بيدها عادي بنفس الخطوات و ربي يرزقكن عجانة باش تتهناو من العجن باليد قولو آآآآمين
أنا حلم الشكل 2 هذوك الشطبات عملتهم بالمقص نشطب و نمشي عادي و إذا مافهمتيش قوليلي
لمسة هذا بريوش آخر غير لي عطيتهولك
أم ريمة حبيبتي وينك توحشناك إن شاءالله تكوني بخير سلميلي على ريمة بزااافو ربي يطلعها على خير
أم إسلام و آية حبيبتي أنت ... و الله أم خديجة 1 كنت من المعجبات بطبخها و كانت هذاك الوقت عندكم لمة رائعة خسارة إفتقدناهم إن شاء الله يكونو بخير ميميشة أم قادة أمل العرب رماضنة و أم ميدو و غيرهن كثيرات

feuilleblanche17 · 2013-10-01, 07:46

روعة.....يعطيك الصحة و تسلم الايادي
لكن علاش حطيتيه في الثلاجة ..ميفسدش التخمير