مناقشة أمر الغش (التنقال) في الباك

[خولةalgér]

بن بوزيد كاش مخلى فيها جو تع امتحان والله تقول علينا ارهاب ترفد راسك تلقى العسكر كل واحد منين مقبلك حتى المعلومة الي عندك طير
بصح حتى ولو كانت فيه فرصى للغش لازم الشخص يعتمد على روحو وينجح بتعبو وقرايتوا

[djihade]

والله انا صرااحه اذا قدرت انقل يعني الدنيا كامله مغشوش فيها جات غير في التنقيل

[SOUMA 04]

المشاركة الأصلية كتبت بواسطة djihade

والله انا صرااحه اذا قدرت انقل يعني الدنيا كامله مغشوش فيها جات غير في التنقيل

منين جاتك النظرية هادي؟؟؟
علاه ربي قال كي تنتشر المعصية ماعليش مسموح .......

[النقاء]

التعليم في الجزائر .........إنا لله وإناإليه راجعون

زمان تعليم تع الصح

اليوم تعليم من أجل ......راكم عبالكم

والله ماني خايف من واحد

خايف نعصي ربي

[ام ايمان16]

[MOKHTAR MSTAFA]

[]مجياش واحد راقد كسول مايتعبش او يربح يا اساتذة الي ينقل لازم ايخلص زيروا رواحكم[/

[seif2121]

انا الدروس كامل مزوميهم لغير المصظلحات راح نعقب اوراسي فارغ امبصح كاين الزوم افك

[yara.bibi45]

wach ngolak twakal 3la rabi alah yjib lkhir

[amrane30]

انا مانكذبش على خاوتي فالاجتماعيات جبدت زوم فيه الدروس كل وفالفلسفة درت الكيت وفالشريعة جابولي الاسئلة مي الرياضيات والانجليزية والفرنسية مادرت والو

[بنت عمار]

جبدت الزوم و ما فاقوش بيك
نحن و الله االحالة مزيرة النفس ماكانش يشك فيك يقلك اوقف و يفليك وكان زوم ينحيهم و كان كيت ينحيهولك
ربي ينجحنا

[ferasferas]

الغش في البكالوريا او اي امتحان في الجزائر اصبح موضة يفتخر بها
حتى اولياءنا تشجع ذلك بحجة الرداءة في الجزائر
الكثير منا نجح بهذه الطريقة وتقلد مناصب عليا في الدولة وفي جميع قطاعاتها
لكنه عاجز عن اداء مهامه كما ينبغي ولا يستطيع ان يؤديها ولن يؤديها
لانه وبكل بساطه يعلم علم اليقين في داخله ان هذا المنصب ليس له بل هو لغيره
والكارثة ان الجميع يطالب بالاصلاح وهو في الاصل يحتاج الى اصلاح
رحم الله ايام الجزائر عندما كان المعلم يخرج من القسم ولا يتجرؤ تلميذ عن الغش
ليس لانه لا يستطيع وانما يعلم ان هناك رب يراقبه

[hani23]

يا ناس اتقوا الله و اخشوه..إن ما بني على باطل فهو باطل..الذي يغش فهو لا يستحق شهادته و بالتالي فكل ما يتحصل عليه فيما بعد هو باطل و المال الذي يجنيه من عمله إن كان قد تحصل على عمله من خلال الشهادات فهو مال حرام و العياذ بالله لأن شهاداته كانت بالغش و العياذ بالله..هذا ما أعرفه و الله أعلم..اتقوا الله و لا تستعملوا الغش فتندمون..السلام عليكم

[kada1]

الله يعفو عليكم انا نعرف بعض المناطق يكتبوا ليهم الاجابة على السبورة