اللي حاكمة مصروف الدار تتفضل معانا

[nouna l maghbouna]

هههههه و الله غير صح نشري القش الغالي و كلش غير الغالي يااو رايحة نهبل مالقيتش كيفاه ندير انصحوني ربي يعيشكم

[موجو جوجو]

السلام عليكم
انا لي حاكمة مصروف الدار بصح قد ما نصرف ما يبان والو
المهم حتى نفرى جميع المشاركات و نعاود نولي بمشاركتي

[بنت الجزاير الغالية]

المشاركة الأصلية كتبت بواسطة ليل و سجون

السلام عليكم
انا لي حاكمة مصروف الدار بصح قد ما نصرف ما يبان والو
المهم حتى نفرى جميع المشاركات و نعاود نولي بمشاركتي

أهلا بيك معانا
أولا أبداي بالحوايج الضرورية الريفيطايمة و اللحم و الدجاج و حوايج النظافة هاذوما الأولين و من بعد اللي يبقى تصرفي على أساسه و بنظام و حاولي دايما تبدي بالأولويات و ما تصرفيش في حاجة ممكن تندمي عليها

[أم ياسين الزهراء]

اختي انا كان زوجي يعطيلي مليون مصروف الدار واللحم والفواتير والخضرة مسؤوليتو كان كلش مليح بصح ملي زيدت بنتي ربي يعيشها حاجة ماتكفي ليكوش كلاولي المصروف والحليب انتاعها ماكاله نحكي بصح الحمد لله

[بنت الجزاير الغالية]

المشاركة الأصلية كتبت بواسطة أم ياسين الزهراء

اختي انا كان زوجي يعطيلي مليون مصروف الدار واللحم والفواتير والخضرة مسؤوليتو كان كلش مليح بصح ملي زيدت بنتي ربي يعيشها حاجة ماتكفي ليكوش كلاولي المصروف والحليب انتاعها ماكاله نحكي بصح الحمد لله

منورة أم ياسين التوبيك و ربي يحفظلك بنتك و يا ترى اشحال عمرها واش تصرفي بالضبط في الدار باش نركزو عليه

[سلمىسلمى]

مساء الخير انا ام سلمى دخلت في هدا المنتدى اللي مسجلة فيه بنتي وعجبني هاد الموضوع يعطيك الصحة ربي يعيشك يعطيني زرجي 2 ملاين فالشهر ويقولي اصرفيهم على الدار مع العلم اني مانخلص والو غير النت وعندي زوج بنات و بيبي ارجوكي قسميلي مصروف الدار كيفاش تكفيني 2ملايين في الشهر
وشكرااااااااااااا

[نور الهنا]

اخواتي حبيت نشارك معاكم ونعطيكم طريقتي عندي عاؤلة 7افراد الصغيرة عندها عامين يعني تستعمل ليكوش ناخد 2مليون ننزع منها 400الف نشري 1كغ قهوة و8كغ سكر و5ل زيت و5صابون و1ازيس بخيل و2شامبو و5صابون مارساي و1اومو اريال 3كغ 1كغ روز و25كغ فرينة و10سميد اما الباقي 1مليون و400نقسمها على 4اصرفة يعني 4اسابيع و200الف نخليها ادا احتشت شيء صروري اه كل اسبوع ياخد الزوج 100الف مصروفو والباقي 300نشري بيها الخضر ةالدجاج والحليب هكدا نكمل الاسبوع وهكدا كل اسبوع حتى نكمل 4اسابيع الشهر واش يلا عجبتكم طربقتي قولولي

[بنت الجزاير الغالية]

المشاركة الأصلية كتبت بواسطة نور الهنا

اخواتي حبيت نشارك معاكم ونعطيكم طريقتي عندي عاؤلة 7افراد الصغيرة عندها عامين يعني تستعمل ليكوش ناخد 2مليون ننزع منها 400الف نشري 1كغ قهوة و8كغ سكر و5ل زيت و5صابون و1ازيس بخيل و2شامبو و5صابون مارساي و1اومو اريال 3كغ 1كغ روز و25كغ فرينة و10سميد اما الباقي 1مليون و400نقسمها على 4اصرفة يعني 4اسابيع و200الف نخليها ادا احتشت شيء صروري اه كل اسبوع ياخد الزوج 100الف مصروفو والباقي 300نشري بيها الخضر ةالدجاج والحليب هكدا نكمل الاسبوع وهكدا كل اسبوع حتى نكمل 4اسابيع الشهر واش يلا عجبتكم طربقتي قولولي

طريقتك جيدة و يا ترى توفري في آخر الشهر
يا ريت تفيدينا دوما

[ilhemaya]

اختي وهل راكي تكملي الشهر يسهولة

[jackin]

[بنت الجزاير الغالية]

المشاركة الأصلية كتبت بواسطة jackin

العفو أخي الكريم

[sana04]

المشاركة الأصلية كتبت بواسطة أم ياسين الزهراء

اختي انا كان زوجي يعطيلي مليون مصروف الدار واللحم والفواتير والخضرة مسؤوليتو كان كلش مليح بصح ملي زيدت بنتي ربي يعيشها حاجة ماتكفي ليكوش كلاولي المصروف والحليب انتاعها ماكاله نحكي بصح الحمد لله

وكانت تكفيك المليون الله يبارك فحلة تعرفي تصرفي

[زينب الهلالي]

موضوع في القمة يستحق التقييم فعلا لأن الظروف الحالية للأسرة توجب على ربة البيت أن تكون حكيمة جدا .
وطريقة مولاة الدار رائعة وأطبقها وهي ناجحة جدا وتنفع حتى أولي الدخل البسيط
شكرا مع أفكار أخرى للحراير ,
على فكرة السيارة وما أدراك ما السيارة إنها الضرة الثانية إذا مرضت يا ويلك يا مولاة المصروف لا يغسلك ماء ولا صابون ومصاريفها تاخذ الأخضر واليابس
الله يرزنا طيب الحلال ويلهمنا صرفه في مصارفه الطيبة .
لا تنسوا الدخول المدرسي من المفروض نخصص له موضوعا لوحده
وشكرا للجميع

[بنت الجزاير الغالية]

مولاة الدار و زينب الهلالي نورتوا الموضوع و مشاركاتكم مميزة
شوفوا أنا نختصر الريفيطايمة من الشهر للشهر و نكتب كل ما نستحق حتى الشومبوان وجال دوش وكل شيء أغلبها تطيحلي مليون أو أزيد شوي
اللحوم و مشتقاتها كل 15 يوم يعني مرتين في الشهر 2 دجاجات + دماغ + 2 كيلو سردين +كيلو لحم + كيلو دوارة و هذي الكمية تكفيك 15 يوم و ساعات تتبقى وفي ال15 يوم الثانية نكمل دجاجة واحدة و كيلو لحم ورطل لحم مرحي
طبعا يتنظفواb1 و كل حاجة واحدها و على المجمد
بالنسبة للخضرة أسبوعيا و كيتطيح أنواع رخيصة نشري بالجملة مع أختي تطلعلي أرخص و تتنضف و على المجمد مثل الجلبانة و لوبيا قرينيا و لوبيا ماشطو و القرنون و البروكلي و الفول و البصل ندير منه شكشوكة المحجوبة كمية مليحة و نطيبها و كي تبرد نقسمها لمجموعات و على المجمد
و الله هذي الفكرة وفرت علي مجهود كبير اليوم اللي نتشاهو المحجوبة نجبدها تطلق الثلج و نكون نوجد في العجين و نطيب تتوجد في أسرع وقت توفرلك المجهود و الوقت

يالله شاركونا أفكاركم يا فحلات المنتدى


طبعا déja عندنا معونة مليحة في الكونجيلاتور و هذي راح تعاوننا
اللي عندها أفكار لإستغلال الدجاج على مدى 15 يوم تقوللنا وتشاركنا أفكارها

[زينب الهلالي]

المشاركة الأصلية كتبت بواسطة بنت الجزاير الغالية

مولاة الدار و زينب الهلالي نورتوا الموضوع و مشاركاتكم مميزة
شوفوا أنا نختصر الريفيطايمة من الشهر للشهر و نكتب كل ما نستحق حتى الشومبوان وجال دوش وكل شيء أغلبها تطيحلي مليون أو أزيد شوي
اللحوم و مشتقاتها كل 15 يوم يعني مرتين في الشهر 2 دجاجات + دماغ + 2 كيلو سردين +كيلو لحم + كيلو دوارة و هذي الكمية تكفيك 15 يوم و ساعات تتبقى وفي ال15 يوم الثانية نكمل دجاجة واحدة و كيلو لحم ورطل لحم مرحي
طبعا يتنظفواb1 و كل حاجة واحدها و على المجمد
بالنسبة للخضرة أسبوعيا و كيتطيح أنواع رخيصة نشري بالجملة مع أختي تطلعلي أرخص و تتنضف و على المجمد مثل الجلبانة و لوبيا قرينيا و لوبيا ماشطو و القرنون و البروكلي و الفول و البصل ندير منه شكشوكة المحجوبة كمية مليحة و نطيبها و كي تبرد نقسمها لمجموعات و على المجمد
و الله هذي الفكرة وفرت علي مجهود كبير اليوم اللي نتشاهو المحجوبة نجبدها تطلق الثلج و نكون نوجد في العجين و نطيب تتوجد في أسرع وقت توفرلك المجهود و الوقت

يالله شاركونا أفكاركم يا فحلات المنتدى


طبعا déja عندنا معونة مليحة في الكونجيلاتور و هذي راح تعاوننا
اللي عندها أفكار لإستغلال الدجاج على مدى 15 يوم تقوللنا وتشاركنا أفكارها

حبيبتي الغالية
اسمحي لي بسؤال تعيشي ،
القضية اللي قضيتيها هذه على قداش الشهرية : أي كم هي الشهرية التي تكفيك لكل هذا .
والله موضوعك جميل جدا
وبالنسبة للمثلج إذا وصعت أشياء في الثلاجة " لا قلاص " كي نجبدهم يطلقوا الماء وم تكونش مليحة لماذا وما هو الحل حتى استطيع استغلال المثلج .
وفكرة المحجوبة رائعة خصوصا أحنا في الصحراء لا نصبر على المطابيق أو المحاجب كما تسموها
وشكرا