[/quote]انتومت قعدو غير تقاتو في بعضكم بعض القليل يقات فالقليل
علاش هادو مشي جزائريين إلا اداو مليون وهوما قاعدين في بيوتهم
اريد ان انبهم بأنى عقود ما قبل التشغيل والادماج ....الخ هي عبارة عن منحة للشباب المتحصلين على شهادات وشكرا لكم[quote]
انا عجبني هذا الرد في هذا الوقت الناش عادت تعطى لروحها المنح بوبلاش
بصح راح نشوفوا قداش راح تدوملك هذه المنحة , الدنيا راهي مقلبة و لاكريز دايرة حالة في الاقنصاد العالمي و نشوفوا بوتفليقة قداش راح يبقى يصدق عليك , هو راح يكمل هذه العهدة -هذا كان قدر يكملها- معاها تكمل الكونطرا نتاعك و اذاحبيت احسب شوف نطلعلك قيس قيس ولا لا؟ و مبعد راح يقولك باي باي والحكومة معملا على سياسة التقشف راعم بداو بالخبز و الحليب و مبعد راح يدوروا على المنحة نتاعك اللي ربي كتبهالك في كتابه يوم خلق السموات و الارض
دولتنا دولة هف, لانه في بلاصة ما دير مشاريع دايمة و مناصب شغل دائمة حتى لنسبة معينة , تقوم بتبذير المال لتسكت الشباب الجـــــــــــــاهل اللي يهفوه بصدقة مؤقتة , و لانه عاجبنا الحال ماكان حتى خدمة و معاها مليون ونص في اخر الشهر, و انا اؤيد صاحب الموضوع على مقاله على عمال و عملات الادماج لانها حقيقة
بالصح راهي مش دايمة و قريب قريب راح تخلاص و راح تشوفوا . في ذاك الوقت راح تتغير ياسر امور, و انا نوصي كل واحد يحاول بما يقدر انه يجد خدمة ولا يدير مشروع خاص بيه, لانه الدنيا راح تصعاب ياسر لانه الاقتصاد راهوا في حالة ,لاكريز من الخارج و التضخم من الداخل و احنا الله غالب شعب مستهلك معملين غير على سعر البترول طلع ولا هبط هذاما كان و الحكومة و الله ما اعلابالها تفسد كيماتحب ومبعد تبدا بسياسة التقشف لا دراسة استراتجية و لا هم يحزنون كل واحد المهم نكمل عهدتي و بعدي فليقم الطوفان