متى يتم الاعلان عن نتائج ملازمي الشرطة 2012 2013

[redovane88]

مشكـــــــــــــــــــــــــــــــــــــــــــــــ ــــــــــــــــــــــــــــــــــورين

[mami7]

السلام عليكم ورحمة الله تعالى وبركاته.
إخواني رسميا نتائج ضباط الشرطة في drh و انشاء الله في بحر الاسبوع القادم سترسل الإستدعاءات والله ولي التوفيق.]

[azzou h]

اريد الاجابة ربي يستركم و يفرحكم ماهو الوزن المطلوب مع العلم لديا صديق في وزنه 55 هل هو مقبول و لالا و شكرا

[cruz.yahia]

السلام عليكم خويا الوزن المطلوب سواء في الجيش او الشرطة هو 57 لكن هما دايما ينقصولك باش يخسرو المترشحين الا ذوي المعريفة وهذه اقولها لاخي الكريم عن طريق التجربة اذاغير قول لصديقك يضرب البغرير باش يلحق غلى الاقل 60كيلو لوووووول.و اغتنم الفرصة لاقول لكم اي مترشحي هذا العام غير وجدو روحكم هذ الاسبوع يبداو يعيطو انشاءالله.مع تحياتي الى ادارة المنتدى.

[Nassi21]

أيها الإخوة مشكورين على هده الأخبار و لكن أنا لا أضن الأسبوع القادم لإنه أنا كما علابالبي في سكيكدة لونكات نتاع المترشحين لنجحوا مازال ما جاتش ملا كيفاه راح تكون النتيجة الاسبوع القادم المهم حنى نصبروا برك هدا واش نقدروا نديروا

[cruz.yahia]

خونا لونكات عمرها ما كانت عائق تقدر تستمر حتى التدريب يعني حتى وانت فالتدريب يجو يديرو عليك اونكات تقتصر غلى مراقبة صحيفة السوابق رقم 1 وبعض ا لاسئلة الموجهة لولاد حومتك و فالجامعة اللي قريت فيها هذا ماكان .ok حبيبنا و مشكور على التدخل على كل حال و المعلومات هذي مالdrh.

[NASSIM simou]

Resulta brabi n chalah lathnin wala thlatha
rabi ynajahna nchalah

[djozef_19]

ياابن ادم لاتخف من دي سلطان مادام سلطاني لا يزول ولاتخف من فوات الرزق مادامت خزائني مملوئة لا تنفد خلقت الاشياء كلها من اجلك وخلقتك من اجلي فسر في طاعتي يطعك كل شئ لي عليك فريظة ولك علي رزق فان خالفتني في فريظتي لم اخالفك في رزقك

[cruz.yahia]

خاوتي سمعت اشاعات اليوم ف امن دائرة باب الوادي بلي حتى جانفي باش يعيطولنا وهذا بسبب زيارة الرئيس الفرنسي وهم الآن في وضعية استنفار "اي نوع من الطوارئ" اللي عندو معلومات ياكدلنا هذ المعلومة وهذا من فضلكم في اقرب الآجال و شكرا.

[الشاعر الحزين01]

لسلام عليكم و رحمة الله و بركاته هذا وين جاني خبر بلي النتائج راهي على مستوى أمن سكيكدة و عدد الناجحين من هذه الولاية هو 35 مي حتى غدوة باه نكدرك انشوف انتم هدا وين عيتولي و قالولي بلي راهي سورتي دو ولايا ة الله أعلم العدوة إنشاء الله تبان
بالتوفيق لي و للجميع

[cruz.yahia]

يا لخاوة ما لازمش تهدرو برك النتائج يخرجو ف 48 ولاية على مرة ماكانش منها يخرجو فسكيكدة اومبعد فتبسة ....الخ واللي حاب يتحقق من هذ المعلومة ما عليه غير يروح لمكتب توضيف اي محافظة يعطولو نفس التوجيهات وراني سمعت والله اعلم بلي غدوة نشاء الله يخرجو النتائج فالمحافظات و يبقى هذا مجرد احتمال فقط .

[Ghechame]

في معسكر قالو خرجت والله اعلم

[soufian_sou9]

KHOYA cruz.yahia EL TELEGRAM MAYAWSALCH 3LA KATRA KOLYOUM YABA3TO 8 WALA 9 WILAYAT OU HADI MA3LOMA MAAKADA LAKATACH TLAKIT BWAHAD SAHBI FEL MEDEA GALI RAHOM 3AYTOLI OU RANI NAJAH
OU LA3KOBA LES MAZALO

[cruz.yahia]

اخي في الله soufian_sou9 الخبر الذي اتيت به متاكد منه لاني سالت كل من محافظة بولوغين امن دائرة باب الوادي محافظة اولاد يعيش امن دائرة اولاد يعيش اعطوني نفس التوضيحات بانه يلحق التلغرام على مرة على شكل فاكس لكل الولايات واذا اردت التحقق اشئل امن الدائرة التي تقطن بها و سترى بنفسك.وللاظافة فقط انا عيطولي مترشحين وقالولي فتبسة افيشاو النتائج فالمديرية " ايا بيناتنا ماشي تمسخير هذا وعلاش جامعة يافيشيو لوووووووووول"باش التشوف برك بلي اشاعات غير منطقية لا غير . واخيرا اتمنى لك النجاح و لي و سائر الاخوة وانشاء الله نتلاقاو الكل فالمدرسة قولوا آمين.وشكرا.

[billel tipaza]

المشاركة الأصلية كتبت بواسطة cruz.yahia

اخي في الله soufian_sou9 الخبر الذي اتيت به متاكد منه لاني سالت كل من محافظة بولوغين امن دائرة باب الوادي محافظة اولاد يعيش امن دائرة اولاد يعيش اعطوني نفس التوضيحات بانه يلحق التلغرام على مرة على شكل فاكس لكل الولايات واذا اردت التحقق اشئل امن الدائرة التي تقطن بها و سترى بنفسك.وللاظافة فقط انا عيطولي مترشحين وقالولي فتبسة افيشاو النتائج فالمديرية " ايا بيناتنا ماشي تمسخير هذا وعلاش جامعة يافيشيو لوووووووووول"باش التشوف برك بلي اشاعات غير منطقية لا غير . واخيرا اتمنى لك النجاح و لي و سائر الاخوة وانشاء الله نتلاقاو الكل فالمدرسة قولوا آمين.وشكرا.

يا أخي ي أفيشيو و لاباس
هنا في تيبازة و الله غير راهي أفيشي ف الكولوار تع الكوميسارية و أنا شفتها ماكانش لي قالي