استغلال الخطيبة لخطيبها ماديا

[*سندوسة*]

المشاركة الأصلية كتبت بواسطة لمسة ابداع

والله يااختي طليتيلي على قلبي بالموضوع تاعك
عنبلك انا نحبس من راسي نعرف واحد يمشي مع وحدة شحال من عام ايماجيني كل شهر يعطيها مصروفها و كل عيد 2 ملاين
وبلا ليكادو في لالفلاين تاين كيما يقولو لاني فارسار ووووووو...
وذرك مد كلمة باه يخطبها كل سملتة يخرجو مع بعض
وقاعد يقتل في روحو ودارلها ذهب فوق 50 مليون و براسك كامل الشورة على ظهرو و ماعنبلناش وش رايحة تشرط عليه باه يجيبلها نهار يروحو
وزيد على الشيئ هذا كامل يماها عنبالها و راضية
و هو والديه على قد روحهم ساشي سباقيتي مايدخلهاش و يضل يلوم فيهم علاه ماتعاونونيش
و انا حابسة من راسي و مانيش فاهمة لا بروبلام فيه و لا في المراة تاعو

انا سمعت بزاف وشفت منهم والله وجعني قلبي
راني طليت على قلوبكم
كاين حدود للمخوطبين مالازمش الاهل يتساهلو فيها والمرا ماتتماداش وتطمع فالرجل وماتعطيش حق لنفسها وتقول راه مسؤول عليا من ضرك وهو تاني باش لاقدر الله وماكتبش بيناتهم ماتكونش خسائر كبيرة

الله يجيب لخير كلش راه متداخل في بعضاه الله يسلكنا ويخرجنا من بينهم سالمين

[*سندوسة*]

المشاركة الأصلية كتبت بواسطة chouchou w

السلام دلولة المنتدى انا الحمد لله مبروفتيت ماستغليت
اما هذو ليستغلو فالخطيب تاعهم مهمش اخمو لبعيد وخمو غير علا المضهر.الخطيب او الزوج مهوش عفريت المصباح السحري تعريه قبل الزواج وبعد الزواج تولي تعاير فيه كيمايجيبلها والو ربي يهديهم سلام

وعليكم السلام حبيبتي
اهلا بيك
الحمد لله على خاطرش نتي معدن نتاعك طيب واصيل ومايغويكش لفاني ماشي كيما واحد جيعانات بيناتنا "هوما لي خسرو سوق ههه"

تخافي هو يولي يعاير فيها ويولي يعاملها كيما ........
اللهم امين خيتو

[ام نهوله]

اهلا سندوسة والله اشتقنا لك حبيبتي
انا ضد كلمة استغلال لان هذا الخطيب الذي تتكلمين عليه طويل عريض كيفاش تستغلو امراة
الاستغلال لمن لا حول ولا قوة له لكن هذا الرجل المستغل لوكان يضرب حيط يطيحو اذن هو راضي على المصاريف الكثيرة اللي راه يخرجها على فارسة احلامه
والمشكل ان هذا النوع من البنات تجدن من يصرفن عليهن بفاه ضحك اما بنت الفاميليا فيقولون شرطها غالي بزاف خليها في دارهم خير
دنيا غريبة

[*سندوسة*]

المشاركة الأصلية كتبت بواسطة ام نهوله

اهلا سندوسة والله اشتقنا لك حبيبتي
انا ضد كلمة استغلال لان هذا الخطيب الذي تتكلمين عليه طويل عريض كيفاش تستغلو امراة
الاستغلال لمن لا حول ولا قوة له لكن هذا الرجل المستغل لوكان يضرب حيط يطيحو اذن هو راضي على المصاريف الكثيرة اللي راه يخرجها على فارسة احلامه
والمشكل ان هذا النوع من البنات تجدن من يصرفن عليهن بفاه ضحك اما بنت الفاميليا فيقولون شرطها غالي بزاف خليها في دارهم خير
دنيا غريبة

راني غير هنا يالحبيبة ماعندي وين نروح

والله اختصرتي كل لي بغيت نقوله فالسطر الاخير
راكي فهمتيها وهي طايرة
الله يجيب لخير

شكرا لمرورك خيتو

[موسى عبد الله]

هذا الزوج كيفاش راح يربي جيل يا عباد الله بهذي العقلية نتاعو

[*سندوسة*]

المشاركة الأصلية كتبت بواسطة موسى عبد الله

هذا الزوج كيفاش راح يربي جيل يا عباد الله بهذي العقلية نتاعو

شفت اخي المشكل وين راهي وتاني لمرا كيفاش تربي جيل وهي بهاد العقلية لي كلها طمع وانانية

[" أبو عبود"]

-الرجل الذي يريد التعرف ويدرس عقليته خطيبته يجب ان يحني ظهره و " يبلع فمه" وييجبها الى كل ما تطلبه فهذه ضريبة الحب قبل الزواج كما ان الرومنسية تحسب نقدا وذهبا وجواهرا في بلادنا. اما الورد وزجاجة العطر فما هي إلا طعم في صنارة الصيد.والعبارة " نحوس على الهنا" عبارة من التراث يجب الحفاظ عليها.
- تصوروا لو ان رجلا خطاب امراة واشترط عليها ان لا يكون هناك خبطرو ولا غيره بل عقد وزواج في يوم واحد وطبعا لن يكون هناك دفع على مراحل بل دفعة واحدة وهي المهر وانتهى. هل ستقبل به؟ لا اظن. فأغلب البنات واهاليهن يفرضون على الخاطب المرور بالمراحل: خطبة ينفق فيها مقدار عرس، فترة لا تقل عن 6 اشهر بينها وبني عقد الجماعه او الفاتحةن وهنا نفاقت اخرى، الحنة وبينها وبين العقد فترة وطبعا فيها نفقة ثم العرس. وطوال هذه الفترة النفقات على حساب العريس الفارح بالدمار والخسائر. نحن لا نتكلم عن الهديا والفليكسي والهاتف اخر صيحة والخواتم والنقود. كل ذلك لا يحسب فهو حق مشروع في نظرها.
- بأي حق تطلب فتاة من شخص غريب ان ينفق عليها او حتى يكلمها بحجة انه خطيبها؟ بل كيف تقبل منه نقودا او هدايا وهي ليست زوجته اصلا؟
- اعرف الكثيرين ممن فسخوا الخطبة بسبب ارتفاع الضرائب

[*سندوسة*]

المشاركة الأصلية كتبت بواسطة أبو عبود";3993399126][size=&quot

-الرجل الذي يريد التعرف ويدرس عقليته خطيبته يجب ان يحني ظهره و " يبلع فمه" وييجبها الى كل ما تطلبه فهذه ضريبة الحب قبل الزواج كما ان الرومنسية تحسب نقدا وذهبا وجواهرا في بلادنا. اما الورد وزجاجة العطر فما هي إلا طعم في صنارة الصيد.والعبارة " نحوس على الهنا" عبارة من التراث يجب الحفاظ عليها.
- تصوروا لو ان رجلا خطاب امراة واشترط عليها ان لا يكون هناك خبطرو ولا غيره بل عقد وزواج في يوم واحد وطبعا لن يكون هناك دفع على مراحل بل دفعة واحدة وهي المهر وانتهى. هل ستقبل به؟ لا اظن. فأغلب البنات واهاليهن يفرضون على الخاطب المرور بالمراحل: خطبة ينفق فيها مقدار عرس، فترة لا تقل عن 6 اشهر بينها وبني عقد الجماعه او الفاتحةن وهنا نفاقت اخرى، الحنة وبينها وبين العقد فترة وطبعا فيها نفقة ثم العرس. وطوال هذه الفترة النفقات على حساب العريس الفارح بالدمار والخسائر. نحن لا نتكلم عن الهديا والفليكسي والهاتف اخر صيحة والخواتم والنقود. كل ذلك لا يحسب فهو حق مشروع في نظرها.
- بأي حق تطلب فتاة من شخص غريب ان ينفق عليها او حتى يكلمها بحجة انه خطيبها؟ بل كيف تقبل منه نقودا او هدايا وهي ليست زوجته اصلا؟
- اعرف الكثيرين ممن فسخوا الخطبة بسبب ارتفاع الضرائب[/size]

:1 9:


شكرا لك اخي رياض

[canopus]

سندوسة هاذا راه الطمع و العين الفارغة واش دارو
ربي يهديهم

[وجدان الخواطر~]

السلام عليكم
أنا خواتاتي في زوج متزوجين جديد و جامي وحدة فيهم لا دارت حاجة كيما هادي ، لبورطابل و هاد لحوايج يجيبوهم وحدهم .. مي كاين لبنات لي مايحشموش

و تاني برك حبيت نفكرك في نتاع فليكسيلي كل يومين ، كلينا وحدا نعرفها يفليكسيلها خطيبها كل يومين 500 و هي تاكتيفي و تبدا تعيط للغاشي قاع و هو ماهيش حلباتو من أساسو و هو مسكين غير يحلل ....

[*سندوسة*]

المشاركة الأصلية كتبت بواسطة canopus

سندوسة هاذا راه الطمع و العين الفارغة واش دارو
ربي يهديهم

الطمع يفسد الطبع
اللهم امين
وربي يصلح الاحوال

[*سندوسة*]

المشاركة الأصلية كتبت بواسطة وجدان الخواطر~

السلام عليكم
أنا خواتاتي في زوج متزوجين جديد و جامي وحدة فيهم لا دارت حاجة كيما هادي ، لبورطابل و هاد لحوايج يجيبوهم وحدهم .. مي كاين لبنات لي مايحشموش

و تاني برك حبيت نفكرك في نتاع فليكسيلي كل يومين ، كلينا وحدا نعرفها يفليكسيلها خطيبها كل يومين 500 و هي تاكتيفي و تبدا تعيط للغاشي قاع و هو ماهيش حلباتو من أساسو و هو مسكين غير يحلل ....

وعليكم السلام ورحمة الله وبركاته

الله يبارك هذا كله يرجع للتربية ماشاء الله عليكم اختي
صح الهدية مرة على مرة ويجيبها بخاطره ماشي هي تتشرط عليه

الفليكسي راه كارتة في هاد البلاد اكثر حاجة يستهلكها الجزائري كيما لما هي الفليكسي فقير وغني الله يهدينا اجمعين

كاين من الامثال الشعبية القديمة يقول
يداك اوكتا وفوك نفخ يعني هو لي دارها بيديه يستحمل النتائج والعواقب

شكرا لبصمتك في الموضوع اختي

[mohamed mahi]

كل واحد كيفاش يشوف فيها بصح ليا كانت غي فليكسيلي شريلي وهي مازالت في الخطبة هاذي تتعذب معاها

[لحن الحياة.]

نوغمال اذا حبني نقعد فالدار نطلب كل يوم حاجة على الاقل

[Basketteuse]

هادي يقولولها الدخاصة ، هو اللي خلا روحو هك وهي باخصة ولقات الخيط
انا نشفى على روحي كي كنت مخطوبة مستحيل نقولو جيبلي حاجة، يروح ديما لفرنسا ويقولي واش نحيبلك انا نحشششششششششم نموت تباللي طياحة كون نقولوا ،
وكي تزوجت قعدت عدة اشهر باه قدرت نلمحلوا باش يفليكسيلي خطراكش مافهمش روحو ،!! تخيلوا اول مرة بعد عدة اشهر من الزواج