الى ام اسيد1 وكل وحدة حاصلة واش الطيب

[ام الخير 05]

مساء الخير تبانلي كامل عندنا حوايج مشتركة حتى انا راجلي مايخلينيش نخرج غير للمستشفى ومدرسة بنتي وحتى واحد مايشوفني بلاخمار ونزيدكم كي يشوفني ندير كاش حاجة طرز ولا اي حاجة يهبل تبانلو الدار والاولاد ضايعين بديت الايام اللي فاتو نتعلم في السيراميك هبلني حتى حبست بصح انا مقاومة ورح نتعلم الخياطة معاكم باذن الله من هذا المنتدى المدرسة شكرا ليك يا ام حمزة

[أمنية غفران]

مرحبا حبيباتي
فطورنا اليوم سباقيتي مع صوص ثقيلة من فيونداشي و زيتون مقطع شرائح

تحياتي

[ام الخير 05]

[quote=أمنية غفران;3992678923]مرحبا حبيباتي
فطورنا اليوم سباقيتي مع صوص ثقيلة من فيونداشي و زيتون مقطع شرائح

تحياتي
بصحتكم اختي

[منال ومنير]

مساء الخير دروك شوية اروح للطبيب ادعولي انشاء الله مادقوليش بلي البيبي راه كبير لان انا اولاد اجو كبار مشاء الله عليهم بسح الجهد راح مع الخدمة والدار
غدا انشاء الله انقلكم الجديد انتم اسرة الثانية ورب سبحان راه شاهد انحس بلي رنا في دار وحدة رب اخليلنا للبعضنا البعض

[ام الخير 05]

اختي منال ومنير ربي انشاء الله يكون معاك ويفرحك باه تتمناي حتى انا اختي هاد ليمات نستناو فيها وقتاه تزيد طمنينا عليك

[صدفات]

مساء الخير يا لبنات واش حوالكم
ربي يعينكم كل وحدة في شغالاتها و المرضى ربي يشافيهم و يفرحهم
غزالتي أين أنت توحشناك
أمنية غفران بصحتكم السباقيتي طبقي المفضل في المعجنات
أم سوهيل أم الحبايب أم الخير صبروا على أزواجكم ألحرمة زينة للمرأة كل واحد يتصرف على حساب عائلته و بيئته
عجايزكم ثاني ما يخرجوش كل واحد يدير مع زوجته كيما كان يدير باباه مع يماه مش مهم الخرجة المهم الهنا و الحنانة
بنات نضحكم اليوم شريت اللوازم و كنت رايحة نديرقاطو النمرة بعد الفطور جاتني النعسة رقدت و قلت لا نمرة لا سبع
كي نضت درتلهم الفطير قاللوا لي الذراري كي جاو ماما وين راه القاطو قلتلهم كولوا الفطير ها هو قولوا لي مشي خير
تحيا زمان و صوالح زمان

[أم الحبايب 26]

مسالخير عليكم كفاش عاشيتو صادفات يعطيك اصحا على فطير منكثروش حجا الحلوة منينذاك واحد يدير حجا خفيفة
منال و منير واش قالك اطبيب الله يسلكاك على خير امين ام الخير همالي رانا كامل كيفكيف واحد واش يطلب غير اصحا ولهنا انا كنت نخدم فلكغوشي قالي راجلي ارفديه نوكان داحسو عليه اذرالي ولا يقيسو رواحهم بيه نخدم البرودي غرا داور على الماشينة بلمخايد باش اذرالي كيكونو جيزين من قدامي ميقيسوش ارواحهم رفادت كولش كنجي رايحا انخيط قلي حتن كيكونو ذرالي يقراو

[أمنية غفران]

أهلين بالحبايب
عشانا طاجين البسباس خفيف ظريف

[غزالة الصّحراء]

المشاركة الأصلية كتبت بواسطة ام الخير 05

مساء الخير تبانلي كامل عندنا حوايج مشتركة حتى انا راجلي مايخلينيش نخرج غير للمستشفى ومدرسة بنتي وحتى واحد مايشوفني بلاخمار ونزيدكم كي يشوفني ندير كاش حاجة طرز ولا اي حاجة يهبل تبانلو الدار والاولاد ضايعين بديت الايام اللي فاتو نتعلم في السيراميك هبلني حتى حبست بصح انا مقاومة ورح نتعلم الخياطة معاكم باذن الله من هذا المنتدى المدرسة شكرا ليك يا ام حمزة

أهلا وسهلا بك أختي ام الخير. كيما ايقولوا المصرين. في الهوى سَوَا. بالنسبة للخرجات. بصّح بيناتنا والفت. أصبح ماعندي حاجة في الخرجات. المهم أنكمّل أشغالاتي والكلّ ايكون فرحان. لوكان أنصيب مانخرجش كامل من الكوزينة. أنا ثاني راني حبيت نعمل بعجينة السيراميك. بصّح مازال ماشريتش اللّوازم. ربّي ايوفقنا كلّنا.

[غزالة الصّحراء]

المشاركة الأصلية كتبت بواسطة om hadil

اهلا ام الحبايب كي راكي حبيبة والوصفة راهي لفوق
طلعي راسك غير شوية تلقايها ههههههه راني جبتهالكم جربوها وفرحو عايلتكم
سلامي للجميع

أهلا بك أختي ام هديل. ياربذ اتكوني والعائلة بألف خير. واللّه غير أمليحة هاذي أنتاع طلعي راسك ، حتّى أنا طلّعت راسي. حتّى من بعد باش أفهمت يعني أقلب الصّفحة. يعني أرجعي للوراء. ويعطيك الصحّة على الوصفحة ، اللّه لايحرمنا من مساعداتك. اللّه ايفرحك كيما اركي فرحتينا. سلامي لك . ولكلّ البنات وكلّ واحدة باسمها.

[غزالة الصّحراء]

المشاركة الأصلية كتبت بواسطة أمنية غفران

مرحبا حبيباتي
فطورنا اليوم سباقيتي مع صوص ثقيلة من فيونداشي و زيتون مقطع شرائح

تحياتي

أهلا بك أختي أمينة. بصحتكم السباقيتي. راه ايشهي أنا ثاني الأولاد ايموتوا عليه. بصّح مانديرلوش الزيتون. أنا الزيتون الأخضر انديروا برك مع لاصوص أنتاع الروز. يعطيك الصحّة والعافيّة في انتظار الجديد الاخر. من فضلك لمّا تعطينا أيّ طبق زيدي لنا معاه الكيفيّة باش نستفادوا كلّنا من خبرات بعضنا البعض. تحياتي.

[غزالة الصّحراء]

المشاركة الأصلية كتبت بواسطة أم الحبايب 26

مسالخير عليكم كفاش عاشيتو صادفات يعطيك اصحا على فطير منكثروش حجا الحلوة منينذاك واحد يدير حجا خفيفة
منال و منير واش قالك اطبيب الله يسلكاك على خير امين ام الخير همالي رانا كامل كيفكيف واحد واش يطلب غير اصحا ولهنا انا كنت نخدم فلكغوشي قالي راجلي ارفديه نوكان داحسو عليه اذرالي ولا يقيسو رواحهم بيه نخدم البرودي غرا داور على الماشينة بلمخايد باش اذرالي كيكونو جيزين من قدامي ميقيسوش ارواحهم رفادت كولش كنجي رايحا انخيط قلي حتن كيكونو ذرالي يقراو

أهلا ومرحبا وسهلا بأم الحبايب وستّ الحبايب. راجلك عندو الحّق. وخاصّة إذا كنتي تعملي بالكروشي الرقيق. ردّي بالك. استعيني بكيس وضعي فيه أدوات العملّ. بهاذي الطريقة مارايح ايكون أيّ خطر بإذن اللّه على أيّ واحد. أما عن الرشتة. واللّه غير برنامج الأمس أتخلّطلي كامل. درت قاطو النمرة. وقلت ندي منها لدارنا حقهم. من بعد راجلي قال لي راني رايح أنشوف الأولاد كاش ماديرتيلهم نديهلهم ؟ قلت لو أديلهم قاطو النمرة. ومن جديد زدت درت 2 مقادير واحدآخرين. وكملتهم. وعيطت اختي المتزوجة. وقالت لي بما أنّك راكي جايا درتيلي الشراك. أنا أفهمت روحي. ورحت أعجنتلها . وكيّلت بكأس اينوكس. أديتلهم حقّهم وخليت اشويا لولادي بسلامتهم. قوليلي وين راه الوقت ألي أنزيد نعجن فيه الرشتة؟ دورتها للغراتان أنتاع البسباس على خاطر أوليدي الصغير بسلامتو كان في الدّار. وصورلي قاطو النمرة. والشراراك. حبيت نرسلهم والكهرباء انقطع. واليوم هو بسلامتو أرجع للجامعة. زدت درت في الصباح أخبيزات أم أماني اللّه ايطوّل لنا في عمرها. زدت جربت طارت بالتّفاح راني اسبق ووضعت الرابط.، هاذيك الي فيها اللّون الأخضر. مانجحتش معايا بزاف. قالي راجلي لوكان غير درتيلنا لاتارت باللّيمون. تنجح معي 100/100. أكيد رايح أنجرب ارشتة أنتاعك. بالخصوص لما قلتي انها تنجح معاك. ورايح انرد لك بالخبر أنهار الي أنجربها. . بصّح ماشي هاذو الأيامات على خاطر عندي بزاف اشغالات. ربي ايساعدنا ويوفقنا كلّنا.

[غزالة الصّحراء]

المشاركة الأصلية كتبت بواسطة أم الحبايب 26

مسالخير عليكم كفاش عاشيتو صادفات يعطيك اصحا على فطير منكثروش حجا الحلوة منينذاك واحد يدير حجا خفيفة
منال و منير واش قالك اطبيب الله يسلكاك على خير امين ام الخير همالي رانا كامل كيفكيف واحد واش يطلب غير اصحا ولهنا انا كنت نخدم فلكغوشي قالي راجلي ارفديه نوكان داحسو عليه اذرالي ولا يقيسو رواحهم بيه نخدم البرودي غرا داور على الماشينة بلمخايد باش اذرالي كيكونو جيزين من قدامي ميقيسوش ارواحهم رفادت كولش كنجي رايحا انخيط قلي حتن كيكونو ذرالي يقراو

عند الحقّ أختي ام الحبايب. في بعض الأحيان وحدة لازم اتطيّب مرّة على مرّة حاجات أخفيفة وياربّ الأخت منال ومنير اتكون بألف خير.

[غزالة الصّحراء]

المشاركة الأصلية كتبت بواسطة صدفات

مساء الخير يا لبنات واش حوالكم
ربي يعينكم كل وحدة في شغالاتها و المرضى ربي يشافيهم و يفرحهم
غزالتي أين أنت توحشناك
أمنية غفران بصحتكم السباقيتي طبقي المفضل في المعجنات
أم سوهيل أم الحبايب أم الخير صبروا على أزواجكم ألحرمة زينة للمرأة كل واحد يتصرف على حساب عائلته و بيئته
عجايزكم ثاني ما يخرجوش كل واحد يدير مع زوجته كيما كان يدير باباه مع يماه مش مهم الخرجة المهم الهنا و الحنانة
بنات نضحكم اليوم شريت اللوازم و كنت رايحة نديرقاطو النمرة بعد الفطور جاتني النعسة رقدت و قلت لا نمرة لا سبع
كي نضت درتلهم الفطير قاللوا لي الذراري كي جاو ماما وين راه القاطو قلتلهم كولوا الفطير ها هو قولوا لي مشي خير
تحيا زمان و صوالح زمان

أهلا ومرحبا بالغاليّة. أنا هنا عزيزتي . توأمك الخفاشة هنا.ياربّ أنتي ثاني أتكوني بالف خير. وخصوصا الأولاد. نتمنى أنّك توصلتي الى التفاهم معهم.بعد النّصائح التّي سبق وان قدّمتها لك بحكم التّجربة. وياربّ تتحسّن نتائجهم. عندك الحقّ ياعجوزتنا الغاليّة. اتقولي عنك 70 سنة خبرة. يعطيك الصحّة. وصراحة اكتساب الخبرة لاتكون في السّن فقط. . . ولكن دائما نقول الحمد للّه لأنّ اللّه لايضع أجر كلّ من تصبر على كلّ أذى مهما كان وممّن صدر. ربّي ايقوينا ويمنحنا الصحّة والهناء . هاذوا كلّهم هما الصّح.
عجبتني فكرة " لا نمرة ولا سبع" . و اللّه غير أضحكت من قلبي يعطيك الرّبح والهنا. راكي خففتي عليّ التعب. أنتاع السهر. لما عملت النمرة والشاراك. وخبيزات أم أماني. وطارت التفاح باللّون الخضر. راني أنسيت مولاتها. راني ابعثت الرابط في احدى الردود. . ماخرجتليش ناجحة 100/100. وراهي حاكمة بلاصتها في الثلاجة. ناكلها غير وحدي. بسبب الفشل. . بصحتك القيلولة. راكي فكرتيني. بحاجة أنتاع الزمان. وهي حلوة الطابع. كيما قالت وحدة الأخوات. وتبقى حلوة الطّابع سيّدة الحلويات. واللّه غير عندها الحقّ. ماكانش كيما الحاجة البسيطة. حتّى في الأطباق والحلويات. البساطة والتّواضع تكسبان صاحبها المكانة الرّفيعة.

[غزالة الصّحراء]

المشاركة الأصلية كتبت بواسطة منال ومنير

مساء الخير دروك شوية اروح للطبيب ادعولي انشاء الله مادقوليش بلي البيبي راه كبير لان انا اولاد اجو كبار مشاء الله عليهم بسح الجهد راح مع الخدمة والدار
غدا انشاء الله انقلكم الجديد انتم اسرة الثانية ورب سبحان راه شاهد انحس بلي رنا في دار وحدة رب اخليلنا للبعضنا البعض

يا أهلا ومرحبا بك أختي ام منير ومنال. اللّه ايكبّر سعدك وْسَعْدُو. وتفرحي بيه. وربّي ايسهلّ عليك الولادة وييسّر عليك كلّ الأمور. وترجعيلنا بألف خير. بصّح ماتنسايش تبعثيلنا حقّنا أنتاع الطمينة ههههه. باش أوليدك بسلامتو ايولي حبوب . وخاصّة من طرف البنات . أنتاع هاذي الصّفحة. ياربّ انسمعوا منك غير الأخبار السّارة . وشكرا لك على مدى ثقتك بكلّ واحدة منّا.