♥ واحــــــــــــ طلاب الثالثة ثانوي علوم تجريبية ــــــــــــة♥ نقاش حوار و استفادة

[بدر الدين الجزائري]

يا رب

احنا نبداو نهار الاحد موحد

[°واحد من الناس °]

الله يعيشك ايناس
بالعكس لما نحكم كتاب فيزيك ولا ماتيماتيك نريح

تقول هوما الدوا

هههه




ايناس كشما اسالة
نتاع اختبارات

[بدر الدين الجزائري]

ان شاء الله لاباس خويا

بالشفاء

[cukier]

المشاركة الأصلية كتبت بواسطة °واحد من الناس °

الله يعيشك ايناس

المشاركة الأصلية كتبت بواسطة °واحد من الناس °

بالعكس لما نحكم كتاب فيزيك ولا ماتيماتيك نريح

تقول هوما الدوا

هههه

ايناس كشما اسالة
نتاع اختبارات

هههههههه ياخي نضال ياخي

لي يريحك خويا هاداك هو

بالنسبة للاسئلة تاع الامتحانات
مثلا في العلوم تطيح بزاااف العفسة تاع الانتقال من ADN الى ARNm او من ARNm الى البروتين و العكس و تكون الاجابة كما يلي
من ADN الى ARNm: دايما تكتبلهم هاد الكتيبة باش يجي الجواب منسق و جميل و كامل
انطلاقا من سلسلة ADN الناسخة المعطاة و بظاهرة الاستنساخ وفق نظام تبادل القواعد الازوتية يمكن الحصول على سلسلة ARNm المطلوبة
ثم ترسملهم سلسلة ADNو تحتها تاع ARNm مع البيانات اللازمة
اما اذا عطاني العكس نكتب :
انطلاقا من سلسلة ARNm المعطاة و بظاهرة النسخ العكسي وفق نظام تقابل القواعد الازوتية يمكن الحصول على سلسلة ADNالتالية
من ARNm الى البروتين:
انطلاقا من سلسلة ARNm المعطاة و بظاهرة الترجمة وفق نظام الشفرة الوراثية و استنادا الى جدول الشفرة الوراثية (يمدوهولكم كمعطيات ما نحفظوهش) يمكن الحصول على سلسة البروتين الاتية
اما العكس:
انطلاقا من سلسة البروتين المعطاة و بظاهرة الترجمة العكسية وفق نظام الشفرة الوراثية و بالاستعانة بجدول الشفرة الوراثية نحصل على سلسلة ARNm التالية
من ARNt الى البروتين: يجب اولا معرفة الترتيب الزمني لتوضع جزيئات ARNt الحاملة للاح.آ المنشطة معناها لازم يرتبوهوملكم
ثم ننتقل من ARNt الى ARNm ثم من ARNm الى البروتين بنفس الخطوات السابقة
و دايما ترسملهم
نشالله نكون افدتك شوية و تكون فهمت لاني حسيت بلي ما عرفتش نشرحلك مليح

[بدر الدين الجزائري]

شكرا جزيلا اختي

و الله تلاميذ قسمي يخلطو فيها بزاااااااااف

[cukier]

ايــــــــــــه تفكرت
عادة في الفصل الاول التلاميد يهتموا بزاااااااااااااف في المات بالدوال الاسية و اللوغاريتمية
علابيها في الامتحانات تاع الفصل الاول غالبا ما الاساتذة يديرو دراسة دالة صماء اي دالة جذر و يديرو فيها هاديك العفسة تاع حلول متراجحة و كي يلقاوها مستحيلة يقولو نقيصها هو الصحيح .... هاديك العفسة باش يدرسو تغيرات الدالة ما عرفتش نوصلك المعلومة
لازم تتمرن مليح في الدوال الجذر

[°واحد من الناس °]

هاذو مفيش مشكل
مرسي

هاذو عادي
البنية الفراغية
؟؟
عندك نموذج اسالة
؟؟نتاع باك زعما

[°واحد من الناس °]

شكرااا حليت تمارين هكا

[cukier]

المشاركة الأصلية كتبت بواسطة بدر الدين الجزائري

شكرا جزيلا اختي

و الله تلاميذ قسمي يخلطو فيها بزاااااااااف

بلا مزية خويا بدر المهم تكون فهمتها
ياك مانيش نخلط فيها انا تاني ؟ههههههههه

[بدر الدين الجزائري]

صح انا قالتلي الاستاذة

ان الامتحانات موحدة في 28

ان الدوال اللوغاريتمية مش داخلة

[بدر الدين الجزائري]

المشاركة الأصلية كتبت بواسطة cukier

بلا مزية خويا بدر المهم تكون فهمتها
ياك مانيش نخلط فيها انا تاني ؟ههههههههه

لا ماتخافيش انا فاهمهم مليح

و جامي نخلط فيهم اومان كيفاه راح نجوز الباكالوريا

[°واحد من الناس °]

اللوغ مش داخل خويا
من الاسية واهبط

والكهرباء في الفيزياء داخلة

[بدر الدين الجزائري]

لا احنا دخلنا الكهرباء جديد

ما ظنيتش يديروها و الله اعلم

انا المهم فاهمها سوى داروها و للا لا

[cukier]

المشاركة الأصلية كتبت بواسطة °واحد من الناس °

هاذو مفيش مشكل
مرسي

هاذو عادي
البنية الفراغية
؟؟
عندك نموذج اسالة
؟؟نتاع باك زعما

كاين في واحد الباك عطاولهم بنية تخطيطية تاع جزيئة بروتينية و بينولهم فيها صيغ بعض الاحماض الامنية الداخلة في تركيب هذا البروتين اضافة الى الروابط الكيميائية لي تربطهم و قالولهم
1/عرف الروابط الكيميائية المبينة في الشكل (بيبتيدية شاردية كبريتية هدروجنية)
2/ ما هي الروابط التي تعتبرغير تكافؤية
3/ قالولهم بين من بين هذه الروابط التي تنكسر:
* تحت تاثير تسخين سريع في وسط مائي 60 درجة الحرارة تاعو
* تحت تاثير الاماهة الحامضية في وسط حامضي مركز في حالة غليا لمدة48 س
4/ ما هي نتائج كسر هذه الروابط في الحالتين؟.

[°واحد من الناس °]

مشككككورة اختي ايناااس


حقا وشحال ديتي في الباك المواد كنقاط
؟؟