طريقة أكيدة لتصبحي ربة بيت سعيدة

[ام شمسو محمد]

رندا نظن بلي الاخت شهد نور اليقين من الجيل السابق لجيلنا هههههه و لااظن انها حبيبتنا ريحاااااانة
على كل حال صبحك الله بالانوار رندا كيفاش راكي وش راهي جملتك

[رندة.]

المشاركة الأصلية كتبت بواسطة ام شمسو محمد

رندا نظن بلي الاخت شهد نور اليقين من الجيل السابق لجيلنا هههههه و لااظن انها حبيبتنا ريحاااااانة
على كل حال صبحك الله بالانوار رندا كيفاش راكي وش راهي جملتك

صباح الانوار أم شمسو
ههههههههه عجبتني الجيل السابق لجيلنا.........بصح معلش انا قلت وش شكيت ويمكن تكون هي ويمكن لالالالا
المهم الجيل السابق لجيلنا أكيد يعرفوها مليييييييييييح
أنا راني الحمد لله في ألف نعمة......وانتي وش راكي؟؟؟ وش غيبك الباااااااااارح اعترفي.........

[ام شمسو محمد]

حبيبتي ام متين شكرا لك جزيلا على مساهماتك القيمة بالكلمة الهادفة الجميلة اللي انا شخصيا نتفقدها باهتمام .
كما اني اظن اننا من نفس العمر و لكني اشعر انك تمثلين الام بكل تفاصيلها و معانيها في هذا المنتدى كفاحك واضح و جهادك ملموس و همتك و اهدافك و عزيمتك تعدات الحدود .....هذا رايي و انا احييييك .
ام متين كاش افكار نشطو بيها الدورة ؟ وش رايك !

[ام شمسو محمد]

هههههه رندا مرحك سكر هذي الدورة ، البارح كيما كل ويكاند نروح لدارنا و ما نقدرش ندخل من البورتابل ثاني غالبا تكون اللمة و الفوضى و القعدات ...راكي عارفة .
و الفتور اللي في الدورة يخليك ما تلقايش وش تقولي رغم انكم انتي و سالي و ام هاجر و ام متين تدفعو فيها بقوة ....كاش افكار رندا !

[أم البراء 2017]

وينكم يافراشات هيا نصلييييييو الضحى ولو ركعتين

[أم البراء 2017]

اقتراح انو اللي طيب غداء ولا عشاء تقوللنا واش طيبت باش نعاندو
خاطر مرات تتلفلي واش نطيب ماتحضرلي حتى اكلة في بالي تقول عمري ولا طيبت
ياخي قلتوا راح تحطوا لائحة اسبوعية للوجبات
على قول ام تينة باش نتخلصوا من السؤال الاسطوري
وااااش نطيب ليووووووم

[أم البراء 2017]

انا طيبت بركوكس خاطر اليوم البرد
وراني مع الروتينات

[رندة.]

المشاركة الأصلية كتبت بواسطة أم البراء 2017

وينكم يافراشات هيا نصلييييييو الضحى ولو ركعتين

بارك الله فيك على التذكير الاخت ام البراء، شكرااااا

المشاركة الأصلية كتبت بواسطة أم البراء 2017

اقتراح انو اللي طيب غداء ولا عشاء تقوللنا واش طيبت باش نعاندو
خاطر مرات تتلفلي واش نطيب ماتحضرلي حتى اكلة في بالي تقول عمري ولا طيبت
ياخي قلتوا راح تحطوا لائحة اسبوعية للوجبات
على قول ام تينة باش نتخلصوا من السؤال الاسطوري
وااااش نطيب ليووووووم

اقتراح جميل انو كل وحدة تحط وش طيبت باش يدو منها الاخريات افكار.
بالنسبة للجدول الي ذكرتيه، انا من مدة ليست بعيدة رسمت جدول كتبت فيه ايام الاسبوع من جهة ووجبة الغداء في خانة والعشاء في خانة وخليتو فاااااااارغ
وكيما تعرفو احنا رانا نطيبو كل يوم وجبتين، امبعد وليت كل ما نطبخ وجبة نكتبها في الجدول ( غداء ولا عشاء)، أي أني نكتبها بعد ما نطيبها مش قبل،
بعد مدة كيما قلت لقيت الجدول تعمر بأكثر من 4 وجبات.......... الان وليت نروح ديركت ليه ونشوف اليوم والوجبة اذا كانت متوفرة عندي المكونات نديرها واذا مكانش نشوف الاخرى وهكذا..........
انا هاذي الطريقة الي اعتمدتها وساعدتني يااااااااااااااااسر الحمد لله
وكل وحدة وطريقتها بطبيعة الحال، هاذي كانت مجرد فكرة

المشاركة الأصلية كتبت بواسطة أم البراء 2017

انا طيبت بركوكس خاطر اليوم البرد
وراني مع الروتينات

انا اليوم طيبت طعااااااااااام

[haninefadwa]

السلام عليكن ورحمة الله تعالى وبركاته اشكر كل فراشة دعت لي جزاكن الله خيرا
أختي أم شمسو ربما اكون بعيدة عن التحليق العالي و لكن المهم أنني بدأت أحلق و خطاي كالسلحفاة ولكن رغم ذلك أنا سعيدة بإنجازاتي مثلا وضعت جدول للوجبات .*المطبخ نظيف والحمد لله.الصالون مرتب ..................بقي لي ان أسيطر على طي وكي الغسيل .يجب أن أركز على هذه النقطة .

[أم البراء 2017]

صح رندا خيتي حتى انا جربت نكتب برنامج بصح شهري ومالتزمتش بيه
خاطر مرات يسخفوا ولادي على حاجة ولا يجوني ضياف ولا المكونات مكانش كل مرة سبة
رانا مع الطياب مرات نغلبوه ومرات يغلبنا ههههه
بصحتكم الطعام

[haninefadwa]

يحتاج الرجل والمرأة والصغير والكبير للتقدير والإحترام لأنه يضفي السعادةالغامرة على الإنسان حيث يشعر بقيمته في الحياة ويعطيهالإطمئنان أنه يسيرعلى الطريق السليم فالتقدير والإحترام اعتراف صريح من الاخرين بأن هذا الشخص ناجح ومحبوب فينعكس ذلك على الشخص بشعور ايجابي لأنه يشعر بتحقيق الذات وهي أعلى ما يتمناه الانسان وأكثر ما يدخل على الإنسان السعادة
الطفل تتضاعف سعادته حينما يشعر بالتقديرو الإحترام خاصة من أبويه وأساتذته فلا طالما شعر بأنه منبوذ بعد الإنتقاد من طرف الوالدين أو الأستاذ و بالتالي يطمئنه التقدير والإحترام على الإستقرار النفسي والرضا عن الذات
لذا ينبغي عليك أختي الأم أن تشعري طفلك بالتقدير والإحترام و أن تعبري له عن ذلك باستخدام ألفاظ تشعره بقيمته واحترامه مثل-لو سمحت أحضر لي ذلك الكتاب -او من فضلك أحضر لي هذا الكوب .......الخ وبالتالي سيستخدم هذه الألفاظ معك ومع غيرك ويقدر الناس فيقدره الناس فيسعد
تطبيق:
عاملي طفلك كصديق أمام الأخرين
احترمي ابنك أمام أصدقائه
استمعي لما يقوله ابنك بكل اهتمام

[arwa alaa]

السلام عليكم انا اليوم طيبت عدس
بالنسبة لمكونات الطبخة كي تجيو تديرو قائمة المشتريات احكمو الجدول
انا نحط ورقة مقسمة على زوج نقول الاحد عندي الصباح عدس واش لازمو نكتب عدس والطماطم في الرافيطايمة والبصل والثوم في الخضرة اللعشية عندي بوري بالجاج نكتب بطاطة في الخضرة والفورماج في الرافيطايمة هكى حتى نكمل انا نقضي الخضرة كل سمانة الرافيطايمة كل 15يوم ونحدد واش ندير قاطو نقضيه والسخفة مخليتلها يوم الخميس نلقى الوقت نقضيلها

[ام شمسو محمد]

ماوثق احد بالله فخيبه الله

ولا أيقن عبد بالله جل جلاله إلا كان له الله

فكـــم من أًمورا ً نزلت بالإنسان وخطوبا ً أحاطت به ولم يجد غير الله مجيبا ً ولا مفرجا ً لها مستجيبا ً


فاليقين بالله هو حلاوة الإيمان

[ام شمسو محمد]

أنا طيبت جواز خضرة ، و معتمدة فكرة الجدول الاسبوعي و بعدما نكتب الجدول نحدد المصروف الاسبوعي ، المصروف الشهري ثابت الا اذا كانت الحاجة موجودة ما نزيدش نشريها ، العشا ان شاء الله نطيب محاجب

[ام شمسو محمد]

ما رأيت يقينا ً لا شك فيه أشبه بشك لا يقين فيه إلا الموت