الى ام اسيد1 وكل وحدة حاصلة واش الطيب - الصفحة 195

غزالة الصّحراء · 2015-02-06, 10:08

صباح الأنوار على كلّ الحبوبات الغاليات . قلت ندخل ونضرب طلّة قبل مانكمّل كلّ اشغالاتي. وياربّ كلكم أتكونوا بخير. الأخت أم حمزة مابانتش أكيد عندها الضياف أو راهي أتحضّرنا في كاش طبق اجديد. والغايبات إن شاء اللّه يرجعوا لينا عن قريب. والحاضرات أنقول لهم مزيدا من النشاط. اليوم راني زدت درت أخبيزات أنتاع أم أماني اللّه ايطوّل في عمرها.

غزالة الصّحراء · 2015-02-06, 10:11

اقتباس:

المشاركة الأصلية كتبت بواسطة صدفات

وليتوا تصبحوا بخيرتصبحوا بخير ياك غدوة الجمعة مازال الحال وأنا يا غزالتي لي راني جايبتلك قاطو شباب نتاع قهوة مليح يدوه ولادك معاهم شوفي و إذا عجبك نعطيك الروابط

يعطيك الصحّة حنونتي على هذه العزومة اللّه ايكثر خيرك ويباركلك فيه. اعطيني الطريقة أو الروابط. . راه كلّ شيئ ايبان في قمّة الرّوعة. واللّه غير البارح أعيت أشويا. على بيها أخرجت.

غزالة الصّحراء · 2015-02-06, 10:13

اقتباس:

المشاركة الأصلية كتبت بواسطة أم تيم الله

السلام عليكم
راني من المتتبعات لموضوعك .. ما شاء الله
الله يعطيك الف صحة وعافية
ويجعلها في ميزان حسناتك

أهلا وسهلا ومرحبا بك بيننا . أختي ام تيم. وأكيد رايح تستفيدي وماتندميش على دخولك لهذه الصّفحة الي فيها الكثير من المواضيع الثريّة. ودمت وفيّة لنا

غزالة الصّحراء · 2015-02-06, 10:14

اقتباس:

المشاركة الأصلية كتبت بواسطة ام الخير 05

صباح الخير و جمعة مباركة

صباح الأنوار أختي أم الخير كيف أحوالك. ياربّ اتكوني بألف خير أنت والأسرة. وجمعة مباركة لنا جميعا.

صدفات · 2015-02-06, 11:09

صباح النور و الخيرات لكل مرتادي منتدى الجلفة
بنات لليوم الثاني يصبح الثلج مفرش و اليوم أكثر كل شيءراه أبيض ربي يدوم علينا نعمته
فطوري اليوم طعام بالكوابة و البطاطا مرقة حليب بلحرور و البصل
أم هديل شكرا على الرابط الدال على الخير كفاعله
غزالتي سأرد عليك لاحقا
بنات كل وحدة بإسمها جمعة مباركة

ام سوهيل · 2015-02-06, 11:15

صباح الخير وش راكم راكم كامل امبكرين انا الاخيرة

اختي صدفات كون غي تعطيني طريقة كيفاش خدمتي طبق القرنون والبطاطا من فضلك جابلي راجلي القرناع وتفكرت الطبق انتاعك قلت انسقسك مطوليش عل/ية **-

أمنية غفران · 2015-02-06, 11:58

جمعة مباركة حبيباتي و لكن تحية حارة
أختي أم سهيل ربي يحفظك اعطيني بالتفصيل الممل معليش بدون صور كيفاه عملتي هاد الكيكة
ربي يجعلها في ميزان حسناتك

أمنية غفران · 2015-02-06, 12:04

تفضلن أخواتي مقرونة مع لحم داند في الكوشة

ام الخير 05 · 2015-02-06, 13:44

مساء الخير عليكم كامل بما انو مانيش قادرة نحط الصور في الوقت الحالي حبيت نشارككم عجيتة البيتزا تاعي لما نكون رح نديرها للعشاء مثلا ناخذ كمية من السميد ونشمخها بالماء تولي عجينة متما سكة نحطها في كيس بلاستيكي مشمخ حتى للمساء نزيدلها الماء بالشوية حتى تصبح كيما تاع الفطاير ومن بعد نزيد الخميرة والسكر ونلمها بالفرينة ثم ندير الملح وشوية زيت ونخليها شوية طرية ونقرصها بالفرينة

ام هاديل وياسين · 2015-02-06, 14:13

مساء الخير تقبل الله صلاة الجميع شكرا غزالة العفو اختي الله يعينك
على الردود والاقتبسات شيقدك تتفكري الله يبارك فيك ويعطيك الصحة

صدافات الله يقدرنا وينور طريقنا شكرا امينة غفران بصحتك طبق المقرونة ام الخير شكرا على الوصفة
اكيد راكي ماهرة في الطبخ ان شاء الله تقدري تحطيلنا التصاور ام حمزة مبانتش اليوم ان شاء الله المانع خير

سلامي لكن جميع لبنات شوفو هاذ الصابلي https://www.djelfa.info/vb/showthread.php?t=1697897

أم الحبايب 26 · 2015-02-06, 14:20

صباح الخير عليكم كامل جمعة مبباركا اخت صدفات طريقة ارجيم كانت حطتها اخت ام سهيل من قبل تغيير البسيط هوا انتي قلتي تشربيها كل يوم راني انطبق فيها نشالله جيب ناتيجة ندعيلكم فزوج
تقبلا الله صلاتي وصلاتكم اجمعين سلامي ليكم بلواحدا
عطلة سعيدة في وسط عائلتك ام سهيل

ام الخير 05 · 2015-02-06, 17:03

ام هديل شكرا حبيبتي ام الحبايب اختي ممكن تقوليلي على الريجيم والله عيت نديرة في الشتاء دائما نخرج ب10كغ زيادة نبا الريجيم ومن بعد نفشل ام حمزة اشتقتلك واش راكي اليوم درت لزانيا وخدمتها في الدار ياريت لو تقدرو تقولولي كيفاه نقدر نحتفظ بيها لانه غير متوفرة وين نسكن واولادي يحبوها كل مرة نخدمها لقيت طريقو لكن مدة 5ايام فقط

ام الخير 05 · 2015-02-06, 17:04

ام هديل الصابلييهبل يعطيك الصحة

صدفات · 2015-02-06, 17:19

اقتباس:

المشاركة الأصلية كتبت بواسطة ام سوهيل

صباح الخير وش راكم راكم كامل امبكرين انا الاخيرة

اختي صدفات كون غي تعطيني طريقة كيفاش خدمتي طبق القرنون والبطاطا من فضلك جابلي راجلي القرناع وتفكرت الطبق انتاعك قلت انسقسك مطوليش عل/ية **-

مساء الخير حبيبتي أم سوهيل ماشفتش الطلبنتاعك هذا وين
شوفي حبيبتي في طاجين تقلي اللحم نتاعك لي عندك زيدي عليه بصلة صغيرة مفرومة قلي مليح زيدي نصف حبة طماطم ما تسكرفجيهاش خليها تطلق الماء نتاعها فقط ديري الملح و فلفل أسود و قرفة و زنجبيل مطحون إذا عندك
مرقي بكأس ماء على توابل و خليهم يطلقوا و من بعد زيدي الماء قيس ما تغطي اللحم نتاعك و ما تنسايش الحمص
نقي القرنون و غسليه و حكيه بالليمون باه ما يكحالش منين يغلى المرق ستفيه في الطاجين نتاعك و خليه يطيب وجدي البطاطا نتاعك نقيها و قطعيها فلاق صغار منن يطيب القرنون نتاعك نحيه و ديري البطاطانتاعك خليها حتى طيب خلي المرقة نتاعك تتجمر نحي شوية مرق بجهة خليه يبرد زيدي له ملعقة فرينة خلطيها في الطاجين باه تعقاد المرقة شبحيها
بالمعدنوس و التقديم راكي شفتي كيفاش
بصحتكم المهم ما تكثريش الماء و خليه يطيب غير بالعقل

اقتباس:

المشاركة الأصلية كتبت بواسطة أم الحبايب 26

صباح الخير عليكم كامل جمعة مبباركا اخت صدفات طريقة ارجيم كانت حطتها اخت ام سهيل من قبل تغيير البسيط هوا انتي قلتي تشربيها كل يوم راني انطبق فيها نشالله جيب ناتيجة ندعيلكم فزوج
تقبلا الله صلاتي وصلاتكم اجمعين سلامي ليكم بلواحدا
عطلة سعيدة في وسط عائلتك ام سهيل

سلام حبيبتي أم الحبايب هذه الطريق ناجحة و ساهلة ما تكرهيش المهم العزيمة

***سلمى *** · 2015-02-06, 17:38

لبنات مساء لالنوار ............................... واشكم..........................جمعة مباركة.......................................ادعول ي ياسر راني محتاجة الدعاء...