عصاة الخدمة الوطنية. و المحكمة العسكرية

[sidibenadda]

انا نقرا ماستر سنة اولا ....رحت لمركز الخدمة الوطنية الناحية 2 بولاية عين تموشنت (ملحقة ta3 oran) قالولي ماراكش روشارشي مافهمت والو كي ندير الله يخليكم

[رفيق اللغة]

السلام عليكم اخوتي..انا اني رايح للمحكمة العسكرية و مدي معايا دوسي مديكال ...فهموني كيفاه يدرسو الدواسا و كيفاه يدزونا للمستشفى العسكري؟و كي تعود مقبول الدوسي و لا مرفوض وين يبعثوك؟الرجاء الاجابة لان الامر ضروري...شكراعلما اني من مواليد 1987

[ghezal sofian]

زلازم الملف الطبي يكون صحيح خاطر كي تدفع الملف الطبي تروح للمستشفى العسكري كونتر فيزيت اذا دارلك غير مؤهل تدي الاعفاء و اذا دارلك مؤهل تجند و اسال اهل الخبرة خويا انا نعاونك واش فهموني جماعة انا راني روشارشي

[akramov]

السلام عليكم ورحمة الله وبركاته خاوتي شكون يقدر يعطيني الرسمي انا في أوت درت 25 سنة و ملي سجلت فالبلدية ف2008 ما زدتش رحت بعثولي تاع الفحص ف2009 و استدعاء مكتوب فيه في اقرب وقت ممكن لتسوية الوضعية طالبين ديبلوم او شهادة دراسية هاذي ف2013 و في اكتوبر لي فات تخرجت ماستر دوك راني عاصي؟لوكان نروح نجيب اوردر دابال باش نروح في جانفي يحسبوني متطوع؟

[عصام720]

اليلام عليكم ورحمة الله وبركاته
اليوم من علي الله بالفرج من عنده بعد صراع دام أكثر من 4 أشهر مع مصالح المحكمة العسكرية
انشالله ربي يوفقكم جميعا وتنالون الإعفاء
سأخصص موضوعا كاملا يتحدث عن تجربتي مع المحكمة العسكرية لتمديد الإستفادة من تجربتي

[ousel2008]

سلام عليكم الحمد الله ان هناك اذان صاغية اخواني من فضلكم
لدي تأجيل في الخدمة الوطنية وأنتهت مدة صلاحيته علما أني عاصي و السبب أني سجلت في بلدية الاقامة ووصلني استدعاء الفخص الطبي في بلدية مكان الازدياد تأخرت حوالي عام ثم اعطوني تأجيل بسبب الدراسة المهم الأن انا اعمل استاذ في ولاية تيارت والاقامة ايضا في الولاية
-1 لدي ملف كفالة الأم مطلفة وأنا الوحيد في المنزل و العائلة ك كل ليس لدي أخوة + الاب متزوج لايملك أولاد + الأم عندها ملف طبي أقيم معها في المنزل فقط أنا وهيا شخصيا
2- لدي مرض مزمن ربو+ خصية معلقة يمنى + فتق في الخصية اليمنى
من فضلكم ما هو الملف الضروري وهل هو كاف لاعفائي عن مزاولة أداء الخدمة الوطنية سواء بسبب المرض أو لقضيتي الانسانية
من فضلكم اعنوني ربي يجازيكم

[عصام720]

يا أخي العزيز كما ذكرت من قبل لقد مررت على المحكمة العسكرية وانت والله أعلم لديك ملف محكم فالوالدة حفضها الله مطلقة وانت ابنها الوحيد , وهي مريضة شفاها الله , كل ما عليك فعله هو تحضير الملف جيدا هذا كل ما في الأمر لأنك حقيقة كفيلها الوحيد.
وفقك الله

[lzminee]

السلام عليكم


انا اعمل في شركة و لدي سورسي في 2013 و ودوكا خرجلي روشارشي مع العلم ان مكملت قرايتي سنة ثانية جامعة حبست اريد ان ادفع كفالة
الاب متوفي الام انتريت 12000 دج صغير و اخي الاكبر لديه اعفاء بسبب طبي ولا يعمل وانه داهب الى فرنسا ليكمل دراسته في سبتمبر ولدي اخ صغير يقري في سيام
اريد السوال هل يمكنني ان ادفع الكفالة ام الكفالة للكبير في الدار برك ام نقدر ندفعها واين ادفععها لاني روشارشي دوكااشرحولي ارجوكم

[ghezal sofian]

خويا عصام 720 راني جبت امر التوجه لبرية غدوة انشاء الله ممكن تحكيلي كيفاش وهل صحيح كاين الي يرفدوهم من تم احكيلنا قصتك نستفادو غدوة نروح للبليدة ربي يحفضك

[عصام720]

يا أخي العزيز ما إذا راح تاخذ معك ملف ما يرفدوك ما والو.
نصائحي لك يا أخي العزيز
أولا الذهاب باكرا إلى المحكمة العسكرية مرفقا بالضرف الذي أعطوك إياه في مركز الخدمة الوطنية.
ثانيا خذ معك ملف كفالة كامل + نسخة عن الملف.
ستدخل الى المحكمة ما تخافش ما يرفدوك ما والو أنا جيت من تما مثلما قلت لك سابقا راك تلقى مئات من خاوتك كيما حالتك.
ثالثا راح يجوزوك على كاتب ظبط يقولك مباشرة وش عندك تقولو ملف كفالة راح يسألك أسئلة متنوعة على أسرتك وحالتك أحكيلو بالتفصيل وراح يطلب منك ملف الكفالة ويبعثك بعد 15 يوم تروح لعند الدرك الوطني الخاص بمكان إقامتك ويعطيك ورقة تثبت أنك مررت على المحكمة وفيها ملاحظة : في إنتضار التحقيق الاجتماعي.
بعدها راح تروح لداركم وبعد أيام دير التحقيق عند الدرك وهوما بدورهم يبعثولهم للمحكمة النتيجة وفي التاريخ المكتوب على الورقة يكون تقريبا بعد 4 أشهر تذهب مبكرا ليعطوك البراءة إنشاء الله.

[ala setif]

تجربتي مع المحكمة العسكرية وملف الكفالة لمن يهمه الامر لا اتردد في تقديم المعلومات

[slarghuidh]

المشاركة الأصلية كتبت بواسطة ala setif

تجربتي مع المحكمة العسكرية وملف الكفالة لمن يهمه الامر لا اتردد في تقديم المعلومات

السلام عليكم
أنا وضعت ملف سند عائلة في مركز التجنيد بتيزي وزو وبعد مدة عدت إليهم فقالو لي أن طلبي مرفوض من البليدة و السبب هو أنه تعطلت في وضعه و أنه خرجلي ordre dapelle ordre d route
فماذا يجب أن أعمل ؟
و شكرا

[ghezal sofian]

لازم تروح للمحكمة العسكرية اخي وتدي معاك ملف كفالة

[slarghuidh]

المشاركة الأصلية كتبت بواسطة ghezal sofian

لازم تروح للمحكمة العسكرية اخي وتدي معاك ملف كفالة

وين كاينة المحكمة العسكرية الخاصة ب تيزي وزو و واش إيلاق يكون عندي باش نروح؟
و شكرا

[عصام720]

المشاركة الأصلية كتبت بواسطة slarghuidh

وين كاينة المحكمة العسكرية الخاصة ب تيزي وزو و واش إيلاق يكون عندي باش نروح؟
و شكرا

يا أخي أعتقد أن تيزي تابعة للبليدة ’ لكن من أجل أن تذهب إلى المحكمة يتوجب عليك المرور على مكتب التجنيد للحصول على رسالة من هناك تذخب بها للمحكمة ولتحصل على الرسالة يجب أن تكون روشارشي لذا أنصحك بالذهاب لمكتب التجنيد لتعرف وضعيتك بعدها لكل حادث حديث