الى ام اسيد1 وكل وحدة حاصلة واش الطيب

[غزالة الصّحراء]

المشاركة الأصلية كتبت بواسطة روح مراد

صباح الخير أخواتي الحبيبات يعطيكم الصحة راكو نورتو المنتدى بأفكاركم و شطارتكم غيرتوني
صدفات بصحتك العطلة و الريجيم
غزالة ديري الريجيم باش تصغاري
أم حمزة الكرش أمر مفروغ منو كل شيء ينقص غير الكرش تبطا باش تروح
سلامي لكل الأخوات
أم اسيد ماراهيش تبان كامل

أهلا بيك أختي روح مراد. واللّه غير اتوحشت مواضيعك. أمّا عن الرجيم. واللّه قد ماحاولت أفشلت في هذا الأمر.

[أمنية غفران]

مساء الخيرات لكل السيدات الكريمات


روز مع دجاج في الكوشة و مرق جانبي

[صدفات]

المشاركة الأصلية كتبت بواسطة ام سوهيل

صدفات ولله غير جتني ريحة البيتزا في نيفي بصحتكم

أهلا أم سوهيل حبيبتي مزية دخلتي تونسيني شوية اليوم لبنات
ما علباليش مالهم ربي يعاونهم
تعرفي أم سوهيل في هذه العطلة تفكرتك أنت و أم حمزة كنت نقول في قلبي هما قاعدين في الدار مريحين بصح في الحقيقة مع التوقيت نتاع الذراري لقيت بلي كيف كيف في هذه العطلة ما ريحتش نهار نوضي بكري نوضيهم صديهم نقي طيبي يجوا فطريهم قارعي للي يخرج على الزوج و نص راحت القيلولة ديريلهم باه يشربوا القهوة قريهم عشيهم تصيبي النهار راح
ما كان راحة ما تقدري تخرجي ما نزيدش ندي عطلة و الذراري يقراو نستناهم يدوا العطلة على ألأقل نرقد و نريح هههههههه

[غزالة الصّحراء]

المشاركة الأصلية كتبت بواسطة ام حمزة22

لبنات راني طبقت خبز ام تماني ربي يحفضها
قولولي بصراحة يستهل نحطو في قسم الاطباق المجربة ولا لا
هو جا بنين وطري بصح الشكل شوية ما يشبهش ولا واش قلتو لتهيت بالمسيح وخليتو خمرلي بزاف

أهلا بالحبوبة. راكي أتسقسي؟؟؟؟ يستهلّ ونص. راه تحفة ماشاء اللّه. . انا ثاني لخبز أنتاعي. واللّه غير جاني كيما أنتاعك. أنا ثاني عجبتني الطريقة إِنّو أيّ وحدة أتجرّب ايّ طبق أو أيّة حلوى وتجيها أمليح اتخبرنا وتعطينا الرابط. مازال أنزيد أنجرب لاتارت أنتاع التّفاح ألي طبقتها ثاني الأخت صدفات المحترفة. وتزيد اتقولك راني أندير في الرجيم.:d:d:d ربّي ايخليك لينااختي صدفات راكي غير اتشجعي فينا بطريقتك . أنا في المرة الأولى مانجحش معايا الخبز من شدة البرودة . بصّح شجعتني وعاودت درتو وخرجلي روعة روعة روعة.

[غزالة الصّحراء]

المشاركة الأصلية كتبت بواسطة أمنية غفران

مساء الخيرات لكل السيدات الكريمات


روز مع دجاج في الكوشة و مرق جانبي

أهلا بك اختي أمينة غفران. ومشكورة ألف شكر على الطبق. تسلم اياديك. ودمت وفيّة لنا.

[ام سوهيل]

المشاركة الأصلية كتبت بواسطة صدفات

أهلا أم سوهيل حبيبتي مزية دخلتي تونسيني شوية اليوم لبنات
ما علباليش مالهم ربي يعاونهم
تعرفي أم سوهيل في هذه العطلة تفكرتك أنت و أم حمزة كنت نقول في قلبي هما قاعدين في الدار مريحين بصح في الحقيقة مع التوقيت نتاع الذراري لقيت بلي كيف كيف في هذه العطلة ما ريحتش نهار نوضي بكري نوضيهم صديهم نقي طيبي يجوا فطريهم قارعي للي يخرج على الزوج و نص راحت القيلولة ديريلهم باه يشربوا القهوة قريهم عشيهم تصيبي النهار راح

ما كان راحة ما تقدري تخرجي ما نزيدش ندي عطلة و الذراري يقراو نستناهم يدوا العطلة على ألأقل نرقد و نريح هههههههه

ولله غير عندك الحق حنونة بعض الاوقات تكون ملومة عند كاش حد وميكفيكش الوقت باش اتروحي حتي ايفوت الحال الله غالب الي برا ماريح ولي في الدار ماريح هههههههههههههههههههه

كنت نقول الجوزي دروك غدوة منودش حتى للعشرة تاع الصباح راه كاين الماكلة مانطيبش الفطور كي تنوضو بلعو عليا الباب وخلوني نشبع ارقاد ههههههههههههههههههه

[غزالة الصّحراء]

المشاركة الأصلية كتبت بواسطة صدفات

أهلا أم سوهيل حبيبتي مزية دخلتي تونسيني شوية اليوم لبنات
ما علباليش مالهم ربي يعاونهم
تعرفي أم سوهيل في هذه العطلة تفكرتك أنت و أم حمزة كنت نقول في قلبي هما قاعدين في الدار مريحين بصح في الحقيقة مع التوقيت نتاع الذراري لقيت بلي كيف كيف في هذه العطلة ما ريحتش نهار نوضي بكري نوضيهم صديهم نقي طيبي يجوا فطريهم قارعي للي يخرج على الزوج و نص راحت القيلولة ديريلهم باه يشربوا القهوة قريهم عشيهم تصيبي النهار راح
ما كان راحة ما تقدري تخرجي ما نزيدش ندي عطلة و الذراري يقراو نستناهم يدوا العطلة على ألأقل نرقد و نريح هههههههه

أهلا بك يالغاليّة راني أهنا أنا ثاني. أنا راني أنقول في نفسي الأخت صدفات رايح تشبع الرّاحة. بصّح لالا أعرفتك أمبلي امراة فحلة. شفت هذا الأمر في تطبيقاتك الرائعة. ربّي ايزيدك. تعرفي ويقتاش ترتاحي اشويا. لما يوصلوا أولادك بسلامتهم للجامعة . وتقعدي في الدّار غير وحدك مع راجلك . وتولي تستناي أشكون الي يفتح عليك الباب من أولادك. وتولي اتعيطيلهم في التيليفون وتقوليلهم ويقتاش اتجيوا. واش أتحبوا أنوجد لكم. حتّى ولو اتكوني تعبانة أتنوضي وتوجديلهم كلّ شيء. هذاك النّهار أتفكري أكلامي . وردي عليّ بالخبر.

[ام سوهيل]

غزالة على اسلامتك

[صدفات]

أهلا بالبنات الملتحقات غزالة و أمنية غفران و أم سوهيل اليوم عشايا قرنون حنا نقولو له القرناع بالجاج و الحمص و البطاطا طيبته هند قديم كيما ديره ميمتي ربي يخليها و يحفظها مدوا يديكم بسم الله

[غزالة الصّحراء]

المشاركة الأصلية كتبت بواسطة om hadil

غير سكتي على ذاك النسيان ولله الحاجة نحطها تمتم تروح
حتى راني نقول لبنتي اعقلي وفكريني كي نحط شيء ام حمزة بغيت نسالك
كاين وصفات منكتبهمش راني حابة ننقلهم باش كما تكونش النات عندي نلقاهم في الميكرو
بصح معرفتش الطريقة الا عندك فكرة ؟؟

ذرك رايحة نصلي نخليك من بعد

أهلا بك اختي أم هديل ياربّ اتكوني بخير . وكلّ البنات . كلّ وحدة باسمها. . شوفي حنونتي . النسيان راه من مرض العصر. والنّاس كامل ارهي خايفة منو. بصّح كيما راكي أتقولي لمّا أنحط حاجة في كاش بلاصّة أنقول في نفسي راني أشفيت عليها. بصّح لما نحتاجها مانلقهاش حتّان بالسّيف كيما ايقولوا.
أما عن والوصفات . أنا أنكوبي. الوصفات على الووورد. ثمّ أنصغرها . يعني إذا الطبق فيه 7 صفحات . نعمل المستحيل بعد التعديلات باش أنديروا في 2 صفحات . على خاطر انا ننبريمي ونخبيهم في مجلّد خاص. ولمّا نستحق ايّ وصفة اتكون بين يدياّ.

[غزالة الصّحراء]

المشاركة الأصلية كتبت بواسطة ام سوهيل

غزالة على اسلامتك

[b][i][b][i]
اللّه ايسلمك أختي أم سوهيل. واش راكي. واش راهم الأولاد. واش راهم دايرين في قرايتهم. . واش راكي مع الصحّة. وخصوصا مع هذا البرد ألي راه داير فينا حالة. أنا راه جمدني. جيت رايح نخرج. قلت واللّه غير انرد على بعض البنات على حسب مايسمح لي الوقت. وياربّ الجميع ايكون بخير.

[غزالة الصّحراء]

المشاركة الأصلية كتبت بواسطة صدفات

أهلا بالبنات الملتحقات غزالة و أمنية غفران و أم سوهيل اليوم عشايا قرنون حنا نقولو له القرناع بالجاج و الحمص و البطاطا طيبته هند قديم كيما ديره ميمتي ربي يخليها و يحفظها مدوا يديكم بسم الله

تسلم الأيادي ياالشّاطرة. وربّي ايخليلك لميمة أنتاعك ويطوّل في عمرها. بصّح حنونتي راكي غير أتسخفيني. وتزيدي. انا ثاني أنموت عليه. بصّح صراحة لما مايكونونش الأولاد بسلامتهم يصماط كلّ شيء. جاري التجريب في اقرب وقت ممكن إن شاء اللّه.

[صدفات]

غزالتي بصحتك الخبز حنونة العجينة هي لي صادقة البارح جاتني في راسي و درت بها البيتزا خرجت ما نقولكش روعة راني حطيت الصورة ربي يحفظها أم أماني و عندك الحق كي يكبروا الذراري نريحوا بصح تكون طفرت في صغرنا هههه
أم سوهيل أنا هنا و أنت هنا إذا رقدت خلاص حنونة لي يوالف التبكار ما يرقدش ههههههه

[ام سوهيل]

ان اليوم درتلهم في المساءهد الكيك للقهوة جالوسى اوحماي تقهوة معانا




وللعشاء درتلهم جاجة في الفرن وروز بي لصوص الدجاج مع لبيري بي لصوص ايضا وسلاطة











وبقا الخير والخمير كما تقول امي على هدي قلتلهم منديرش الفطور

[ام سوهيل]

المشاركة الأصلية كتبت بواسطة صدفات

أهلا بالبنات الملتحقات غزالة و أمنية غفران و أم سوهيل اليوم عشايا قرنون حنا نقولو له القرناع بالجاج و الحمص و البطاطا طيبته هند قديم كيما ديره ميمتي ربي يخليها و يحفظها مدوا يديكم بسم الله

بصحتك صدافات يعطيك الصحة راكي انتقلتي من رتبت المشجيعات الى المطبيقات هههههههه بقي روح موراد توريلنا اطبقها