الجزء 176 من واش طيبتي اليوم... كوزينة اللمة الجميلة لطيبات القلوب و اليدين - الصفحة 19

ابني نور عيني · 2017-01-24, 20:59

اقتباس:

المشاركة الأصلية كتبت بواسطة أمنية غفران

مرحبا أخواتي الكريمات ماشاء الله عليكم كل وحدة باسمها ربي يحفظكم

عشانا اليوم كان روز في الفرن و لازم ندير له جبن ماشي مبشور لالا مقطع بالطول كي يذوب يخرج شكل غريب درتها خطرة كنت عاجزة باش نبشره عجبهم الشكل ولات عادة لازم الروز و فوقها الجبن بهاديك الطريقة ولا غير قتلوني بالضحك راني نساعف نقول معليش نحط في راسي راهم أطفال و يتمهبلو هههههههه شوفو الصور الارشيف و الجديد

هنايا قبل ما يدخل للفرن

و هنايا كي خرج من الفرن يعجبهم هاد الشكل

صحا عشاكم البنات

امممم شهيتيني والله هاد العفسة مليحة تاع الجبن بالطول كي داب شحال ولى يشهي امممم بصحتكم و الاطايب من تحت اديك هايلين وتهلاي في الكتاكيت

ابني نور عيني · 2017-01-24, 21:01

اقتباس:

المشاركة الأصلية كتبت بواسطة حياة نور الدين

السلام عليكن

ام عبيدة يعطيك الصحة على الرفيس والسفنج باين خفيف يشهي بصحتكم والكيكة هااايلة خخخ

ام هاجر اهلاا بك واش هدي الغيبة لوكان عرفنا تدخلي زمان نقولوا رزيقة تفتح كوزينة ويعطيك الصحة على الباروك والاطايب حبيبتي وتسلملي هاجر واخواتها

رزيقة المبسس المالح خرجلك هااايل الوانه تحفففففة بصحتكم الفيتاميني خخخ والكباب اممم ونزيدك امممم بصحتكم حنونة انت وزيكو وربي يقدرىك على الواجب

امنية بارك الله فيك على نصائحك حنونة وربي يفرحك حبيبتي

فضيلة تطبيق سريع وباين خرجلك روووعة حنونة انا نموت على الميلفاي مالا اكيد نجرب بكاس قازوز باش نبقى رايحة جاية للفريجيدار هههههه

ام اسلام اهلاا حنونة والقهوة تشهي يعطيك الصحة ونعطي لاختي كل العلبة لوكان نعرف نتلاقاك نجيبلك احسن منها حنونة
والبقلاوة تقتل امممم وهدوك ليبولات قالولهم بعدةا وخلوا حياة تاكلني ههه بصحتكم

وهيبة اهلاا اهلااا واش راكي لك وحشة والله كوزينة الغاليات توحشناااااك

ام محمد بصحتك الروبو حنونة والموسكوتشو هااايل وشكراا على الوصسفة حبيبتي وراكي عرفت الفرق بين محمصة وبركوكس هههه انت وام اسلام وكثر خير امنية

اسيا اممم وامممم وامممم ونقولك ربي يفرحك كما فرحتينا بالحلو الغريبية والسفنج راه ينطق حنونة الله يبارك

مريومة يا لهوي عليك قلت نسيتيني حتةى لقيتك كاتبتلي بالاحمر ربي يخليك ويفرحك على كلامك حنونة

ريمة ربي يحفظك حنونة ويحقق امانيك

نوال اهلااا بك وكلامك دائما يطلعلي المورال ربي يسعدك ويشفيك ويخلي مورالك دائما طالع وشكراا على الوصفة

ام ياسين شكراا على الرابط

حيوتة مرحبا اهلين و سهلين مقبيل كنت نسقسي عليك ياخي لاباس

ابني نور عيني · 2017-01-24, 21:05

حبيباتي نروح نرقد كتكتوتي راه داير حالة دادادادا نرضعو ونرقدو ليلة هادئة للجميع وغدوا نتلاقاو كالعادة كونو في الموعد هههههه تصبحو بالف خير يا اميرات

ام هدول · 2017-01-24, 21:08

امينة عنهم حق بالجبن مقطع بالطول جا يشهي بصحتكم ....
ام محمد تصبحي بخير وبوسلي ..محمد بيابر البي ان شالله

ام هدول · 2017-01-24, 21:12

لبنات نخلييلكم ...حلوة اللمبوط باش تشربو قهوة الصباح .... درت طريقة ام وليد ماصلحش بصح البنة بنيين وخفيف لااعرف اين الخلل بلاك كي راني مريضة ولا انا ....؟؟؟؟؟؟؟

حياة نور الدين · 2017-01-24, 21:15

نفضلوا عشايا محاجب الديول وطاجين الشوفلور لام رامي بتحريفاتي ههه

أمنية غفران · 2017-01-24, 21:23

حبيبتي ابني نور عيني ربي يحفظ الكتكوت و يكبرو في طاعته ليلتك سعيدة

أم هدول ربي يشافيك تعيشي شفتي راني ندير ليهم قوصطوهم

حيوتة هاديك المحجوبة راهي تشهي اممممممممممممم
.................................................. ...........................

أخواتي الكريمات حبيت نقدم ليكم هاد الاستيس راني ناقلاته من عند أمي ماعلاباليش ادا علابالكم بيه ولا لالا المهم انا نقول ليكم عليه

شوفي أختي كي تحبي ديري شربة بالفارميسال سواء بيضاء و لا حمراء ننصحك ديري فارميسال تفور بعد ما تكوني حطيتي ليها شوية زيت يعني شربيها بالزيت و فوريها و من بعد ارميها في مرق الشربة هاكة باش كي تبقى ليك مدة ما تشربش ياك علابالكم الشربة كي تبقى مدة كيفاه تولي تثقال و ما تعرفي كيفاه ديري معاها
بهاد الاستيس تبقى لك الشربة هي هي و التجربة خير برهان هادا واش نوصيكم جربوها و ردولي الخبر
تالمو نحب الشربة بيضاء ندير كمية لاباس بيها فيها هاد الاستيس باش نعاود نستهلكها مرة اخرى

راني جبت ليكم هاد الصور تفضلن

في أمان الله

mosta*limoges · 2017-01-24, 21:29

سلام عليكم لبنات كي راكم الله يبارك راكم ناشطات كل وحدة بإسمها و بدون إستثناء أطباقكم أمممممم ثم أمممم أم هدول ربي يشافيك و حلوة اللمبوط شكلها شباب و حياة عشاك يشهي و كامل لبنات صحا عشاكم أبني نور عيني أطباقك راااائعة
أمنية لغفران جربت لعجينة لبرونزية نتاعك راااااااااااائعة و مقرمشة خدمت بيها سوفلي حشيتو بالطون و لفرماج و لميني بيتزا بلاكرام فراش و الطون و نتيجة شجعتني باه نجرب لميفاي ثاني ربي يحفظك أختي لي عودة باه نحط الصور

أمنية غفران · 2017-01-24, 21:37

اقتباس:

المشاركة الأصلية كتبت بواسطة mosta*limoges

سلام عليكم لبنات كي راكم الله يبارك راكم ناشطات كل وحدة بإسمها و بدون إستثناء أطباقكم أمممممم ثم أمممم أم هدول ربي يشافيك و حلوة اللمبوط شكلها شباب و حياة عشاك يشهي و كامل لبنات صحا عشاكم أبني نور عيني أطباقك راااائعة
أمنية لغفران جربت لعجينة لبرونزية نتاعك راااااااااااائعة و مقرمشة خدمت بيها سوفلي حشيتو بالطون و لفرماج و لميني بيتزا بلاكرام فراش و الطون و نتيجة شجعتني باه نجرب لميفاي ثاني ربي يحفظك أختي لي عودة باه نحط الصور

مرحبا أختي موستا تبارك الله عليك فرحتيني كي عجبتك العجينة البرونزية زيدي حبيبتي جربي بيها الميلفاي ان شاء الله رايحة تعجبك

حياة نور الدين · 2017-01-24, 21:38

ام هدول بصحتك البركوكس الحاااار وشهيتوني اليوم والحلوى تبان هاايلة بصحتكم

ام محمد اهلاا حبيبتي ويسقسي عليك الخير قلتلكم التريسيتي راحت والتابلات طفات مالا كي جات العشية حطيتها تتشارجا وجرية للكوزينة درت العشا خفت ادا تعاود تنقطع وعشاك يشهي حنونة بصحتكم وتصبحي بخير

امنية ههه تامني راجلي ثان يحب نحطلوا الفرماج فوق الارز بصح ماشي اجباري خخخ المهم مطرح ما بسري يمري وخوديهم على قد عقلهم

وشكرااا على الاستوس وربي يحفظ ماماك حبيبتي ويخليها تاج فوق راسك

فاطمة اهلاا حنونة عيونك الحلوة وبصحتك واش طيبتي حبيبتي

أم يوسف2 · 2017-01-24, 21:42

سلام بنات توحشتكم خسارة اليوم راني غير مالبعيد نشكر كل وحدة حوست عليا ربي يخليكم
عياتني لاقريپ راني لضوكا مدوخة صدري يوجع كل حاجة فيا مضرورة وزاد وليدي مسكين تان
اليوم ماقدرتش ناكل راني جايبتها مور التشينة وكي لحق الليل تفكرت حياة كي دير طعام بالحليب هداك ماكليت نخليكم نروح نحاول نرقد توحشت الرقاد هاد اليامات راني نعاني من الارق
تصبحون على الف خير خواتتي

أمنية غفران · 2017-01-24, 21:45

اقتباس:

المشاركة الأصلية كتبت بواسطة حياة نور الدين

ام هدول بصحتك البركوكس الحاااار وشهيتوني اليوم والحلوى تبان هاايلة بصحتكم

ام محمد اهلاا حبيبتي ويسقسي عليك الخير قلتلكم التريسيتي راحت والتابلات طفات مالا كي جات العشية حطيتها تتشارجا وجرية للكوزينة درت العشا خفت ادا تعاود تنقطع وعشاك يشهي حنونة بصحتكم وتصبحي بخير

امنية ههه تامني راجلي ثان يحب نحطلوا الفرماج فوق الارز بصح ماشي اجباري خخخ المهم مطرح ما بسري يمري وخوديهم على قد عقلهم

وشكرااا على الاستوس وربي يحفظ ماماك حبيبتي ويخليها تاج فوق راسك

فاطمة اهلاا حنونة عيونك الحلوة وبصحتك واش طيبتي حبيبتي

ربي يحفظك حيوتة لالا انا اجباري ههههههههههههه حيوتة شفتي العفسة الي حطيتها نتاع البوزلوف ضربي طلة هاكة باش ما يكلحهالكش بوزلوف في الطياب

تفضلي الرابط
https://www.djelfa.info/vb/showthread.php?t=2036035

ليلتكم سعيدة أخواتي

أمنية غفران · 2017-01-24, 21:48

اقتباس:

المشاركة الأصلية كتبت بواسطة أم يوسف2

سلام بنات توحشتكم خسارة اليوم راني غير مالبعيد نشكر كل وحدة حوست عليا ربي يخليكم
عياتني لاقريپ راني لضوكا مدوخة صدري يوجع كل حاجة فيا مضرورة وزاد وليدي مسكين تان
اليوم ماقدرتش ناكل راني جايبتها مور التشينة وكي لحق الليل تفكرت حياة كي دير طعام بالحليب هداك ماكليت نخليكم نروح نحاول نرقد توحشت الرقاد هاد اليامات راني نعاني من الارق
تصبحون على الف خير خواتتي

مرحبا أختي ام يوسف و ربي يشافيك و وليدك يا رب كثري من التيزانة وديري فيها القارص و بالشفا

ليلتك سعيدة أختي

أم يوسف2 · 2017-01-24, 21:49

اقتباس:

المشاركة الأصلية كتبت بواسطة آسيا 27

ام اسلام الله يبارك البقلاة راح تنططططططق
ام محمد الكيك و الفلسطينية بزاااااااف4444444444
كوووكا كي قلتي شكون انا فكرتيني في محرز ههههه خاوتشي اشكون احنا خخخخخخخخخخ زعما ماتكونيش ام يوسف عاود دارهابيك المنتدى و خرجك برااا هههه

ضحكتيني اسوس لالاخاطيني راني متفاهمة
مع المنتدى الحمدووووووواللله ربي يبقي الستر انا قلت بالاك بالاك سندوسة بدلت الاسم مانعرف

أم يوسف2 · 2017-01-24, 21:52

ختي أمنية صحيتي والتيزانة نخافهاكي عدت بالحمل دعواتكم