~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[arwa alaa]

اهلا غزالة واش راكي على سلامتك حبيبتي وعلى سلامت الاولاد واش راهو وليدك رتاح شوية
كل الممتحنات ربي يوفقكم وان شاء الله تفرحونا بالنجاح ركزو ومتخافوش ربي ينجحكم

[arwa alaa]

اختي امنيات انا عندي غير تلفاز واحد حاطاتو في بيت القعاد ونهار كي كانو معنديش الاولاد كان في غرفة النوم وكان يزعجني وجودو هناك
وراجلي محبش يشري واحد اخر قالك حتى لوكان نضطرو نتفرجو معاهم احسن من تركهم وحدهممع التلفازوتان كي يكون التلفاز في كل غرفة كل واحد راهو وحدو في بيتو ولكن كي يكون واحد برك نتلمو عليه ونعسو ولادنا واش يشوفو والله ساعات حتى توم وجيري يجيب لقطات مشي ملاح نضطرو اننا ندورو
وكيما قالت غزالة يتعلمو السهرة وشكون قال كي تروحي ترقدي ميشعلوش التلفاز بصح كي يكون مشي في بيتهم تطفيه وتديهم يرقدو وتان كي يكون في بيتهم يعطلهم على الدراسة
والله اعلم
امنيات ارجوانك الاسبوع القادم اتديريلنا نقاش على الانترنات

[arwa alaa]

اختي جهينة شكرا على تشجيعك وعلى كلامك

[غزالة1]

اهلا اروئ ليكي وحشة
ابني في تحسن و لكن اخته تان مرضت اصبحت لا انام الليل و الفجر فاتني مرتين هذا الاسبوع حتى كرهت نفسي لكن الحمد لله
انت ايضا ربي يقدرك لانو توام صعيب الحال ان وليدي بسلامته يساوي 10 ربي يحفظو
انا في الليل لا استطيع القيام بالاعمال لانو نكون في قمة التعب ماعدا الاواني و هي ايضا ساعات نخليها
ما احوال لولو ربي يحفظها
ربي يقوي كل الامهات على التربية و الرعاية لانو متطلبات الحياة تغيرت

[arwa alaa]

لولو راحي شوية خير من بكري تحرك يدها نص تحريكة الحمد لله بصح راهي مع السخانة اليوم قراجمها هي وخوها ومطولش وتلحقهم اروى انا دايما حكى يمرض باباهم وبعدو وليدي ومنبعد لولو لانها الاقرب لاخوها من اورى وفي الاخير اروى عندي تسلسل في المرض لكان مرض باباهم نحكم كرشي

[arwa alaa]

تقرير اليوم
اليوم نضت صليت الفجر في الوقت وقريت الورد اليومي
رجعت رقدت حتى ل8:00
لانو غير في الويكاند نرجع نرقد باش منديرش الحس على الزوج بصح منبعد نخلصها لاني منقدرش نخدم ولبنات نايضين وزيد الجماعة كامل في البيت المهم من 8:00ل12:00غسلت مواعن القهوة وتهليت في البنات وفرزت الغرف هذا واش درتوكل ويكاند نقول نوض بكري بصح يرجع عليا التعب نتاع السمانة ونصبح راقدة درت الغداء كسكسي ومنبعد غسلت القش في الماشينة ونشرتو وطبقت الي دخلتو ورحت ريحت حتى 3:00ومنبعد درت شوية سفنج يخمر للقهوة ورحت صليت ومنبعد قليتو وتقهوينا غسلت مواعن القهوة ودرت العشاء قراتان مرقاز ورحت صليت المغرب ورجعت حطيت تعشينا وغسلت المواعن ووجدت البنات راني نرقد فيهم راهم غفاو ..........تصبحون على الف خير

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

[غزالة1]

نهضت صليت في الوقت دون اذكار او ورد و اتجهت للمطبخ لانو خليتو في حالة يرثى لها ثم حضرت قهوة الصباح فطر الزوج و الاولاد الصغار
الان راح. نبدأ الاشغال

[غزالة1]

صباح الورد لكل الملتحقات و الغائبات
حظ 🍀 موفق للممتحنات انتو جوزو و حنا رانا ندعولكم

[ام متين]

صباح التوفيقات والنجاحات لكل الفراشات المشاركات في المسابقة يارب وفقهن جميعا واجعل النجاح من نصيبهن يارب
عودة مباركة ميمونة للاخت حبيبة وان شاء الله تكوني حاضرة دائما معنا
على سلامة ولادك غزالة ونورت من جديد
اروى الاء ربي يشفي الاولاد والزوج ويعطيك ربي القوة حتى تقدري تقومي بواجباتك
جهينة اين انت في هذا الصباح البارد
كل الفراشات كل واحدة باسمها التوفيق لكن في كل مجالات الحياة مع هذا الصباح المبارك

[ام متين]

يوم امس نظت على 3.30 كان وليدي الصغير يسعل وما قدرتش نرقد درتلو تيزانة وبقى قاعد من بعد اذن الفجر صليت حتى الزوج ناض طيبت القهوة فطرنا من بعد حضرت الحمام للزوج وانا قعدت في بلاستي مع وليدي حتى رجع رقد على 7 زوجي راح يطل عل الخدمة لان العمل يكون طيلة الاسبوع وهومنين تكون خدمةبزاف يحب يراقب كل شيئ ما يحبش التهاون ابداودائما عند كلمة في العمل .
بعدما راح درت الغدا بربوشة وزدت طيبت مسكوتة وحظرت عصير برتقال للاولاد باه يفطرو وكملت رتبت الغرف وانتهى الامر حسيت باعياء شديد ماقدرتش نوقف على رجلي جيت في البلاسة وقعدت لكن لازم تنوضي حطيت الغدا للاولاد وغسلت الماعن صليت ورجعت رتبت القش نتاع الخزانة ولما عاد الزوج من الصلاة خرجنا ومارجعناش حتى للمساء قليت البيض وكاين الطعام تعشينا وطلبت من وليدي يلم الماعن لاني كنت تعبانة بدرجة كبيرة وحتى لما كنت في السيارة نقولهم وكاني ماشية على رجلية ربي يعطينا القوة من عندو يارب

[arwa alaa]

ربي يوفق كل الممتحنات

[arwa alaa]

واش راكم يا الفراشات معرف واش دايرين فيها الممتحنات
شكرا ام متين على الدعاء
غزالة واش راكي عاملة فيها

[الأمنيات]

السلام عليكم
اختي اروى شكرا لك الانترنت درك نحطه لكم موضوع بصح قبله جبت لكم موضوع اهم
كانت وصاتني ي سمراء نحطه لكم هنا انا درته موضوع في قسم المتزوجات وقالت لي جيبيه هنا
للاخوات باش يستفادوا

[الأمنيات]

السلام عليكم
واش راكم على بالكم راه دخل شهر رجب وباقي غير شعبان ورمضان يهل عينا بهلاله
مانتكلموش على توجاد الاكل والوصفات العام طول رانا معاهم ههههه نزينوا ونوعوا والكرش قد ما تعمريها ما تشبعش
واخرتها عارفين بلاصتها وين تروح
المهم اليوم بغيت نبهكم ونقولكم الاعوام راها تجري وليام ناقصه من عمارنا نبهكم ونبهوا روحي معاكم
واش وحدتوا لرمضان ماشي الاكل اودي تبعوني واش وحدتوا رمضان من ايمان وتقوى وحفظ للقرءان
كيفاش راه تقضوه مع ولادكم وازواجكم هل لصلة الرحم مكان عندكم في رمضان كيفاش تقضوه من غير الامل والتراويح هل فيه حلقات الذكر للحفظ
عن أبي هريرة - رضي الله عنه - عن النبي ﷺ قال : «من صام رمضان إيماناً واحتساباً غفر له ما تقدم من ذنبه »(1).
عن أبي هريرة - رضي الله عنه - قال : قال رسول اللهﷺ : « أتاكم شهر رمضان شهر مبارك ، فرض الله عليكم صيامه تفتح فيه أبواب السماء وتغلق فيه أبواب الجحيم وتغل فيه مردة الشياطين ، لله فيه ليلة خير من ألف شهر ، من حرمها فقد حرم خيرها »(2).
عن أبي هريرة - رضي الله عنه - أن رسول الله ﷺ قال : « إذا جاء رمضان فتحت أبواب الجنة وغلقت أبواب النار وصفدت الشياطين »(3).
شكون الي يفطر معاه شخص وتعرفوا الاحر الي عندكم اذا فطر عندك صايم يا حليله واش من بركه تجيه
عن زيد بن خالد الجهني - رضي الله عنه - قال : قال رسول الله ﷺ : « من فطر صائماً كان له مثل أجره غير أنه لا ينقص من أجر الصائم شيئاً ».
وكي تجوا تخدموا اكثروا الذكر ونووا نيه زينه حتى منين تغسلوا مواعين وما تكثروش التافف والتنقريش وتشغنين
وتخرجوا زعافكن في ولادكم وازواجكم راه الاجر يروح بسرعه
واهم حاجه نوصيكم بيها ونوصي نفسي اولا النميمه والغيبه بعدوا عليهم بعدوا عليهم راها تاكل الحسنات
كيما تكل النار الحطب ماشي تخدمي وتصومي وتحفظي وتسبحي من بعد تنارفيك عجوزتك ولا حماتك ولا سلفتك
وانتي تبدي بالمنشار الكهربائي ياو كل شيء يروح لك وتقولي واش اداني كأنك يا بوزيد ما غزيت الي ديريه في النهار يروح مع حاجه بالنسبه ليك تافهة بصح راها عظيمه عارفه ما تقدروش يقول بعض السلف
النميمه بالنسبه للنساء مرتع تعرفوا واش هو وين ياكلوا الغنم الخرفان ديك الحقول الي تكون معمره حشيش
ايوه راكم فهمتوا احنا نسان النميمه عندنا هاك تحلالنا تماك ربي يعفو عليا وعليكم
والله درت هاد الموضوع من حرصي على نفسي وعليكم اخواتي وبناتي باش نستغلوا الوقت العام الي فات كنا نحسبوا لرمضان تذكروا هاهو جا بسرعه فوق ما تتخيلوا ومانوا معنا ناس ورحلوا ناس وماتوا ناس وزادوا ناس جدد
لكن الي رحلوا يتمنوا يرجعوا للدنيا يديروا حاجه تاع خير راكم في وضع تحسدون عليه
ربي سبحانه فضل رمضان على سائر الشهور لما فيه من مزايا كبيرة فهو شهر انزل فيه القرآن، قال تعالى: {شهر رمضان الذي أنزل فيه القرآن هدىً للناس وبينات من الهدى والفرقان} (البقرة:185)، وعن واثلة بن الأسقع رضي الله عنه أن رسول الله صلى الله عليه وسلم قال: (أنزلت صحف إبراهيم عليه السلام في أول ليلة من رمضان، وأنزلت التوراة لست مضين من رمضان، والإنجيل لثلاث عشرة خلت من رمضان، وأنزل الفرقان لأربع وعشرين خلت من رمضان) رواه أحمد.
فهو شهر توبه
وهو شهر التوبة والمغفرة، وتكفير الذنوب والسيئات، فعن أبي هريرة رضي الله عنه قال: قال رسول الله صلى الله عليه وسلم: (الصلوات الخمس، والجمعة إلى الجمعة، ورمضان إلى رمضان، مكفرات لما بينهن إذا اجتنبت الكبائر)


وهو شهر العتق من النار، ففي حديث أبي هريرة رضي الله عنه: قال صلى الله عليه وسلم: (وينادي مناد: يا باغي الخير أقبل، ويا باغي الشر أقصر، ولله عتقاء من النار، وذلك كل ليلة) رواه الترمذي.

وفيه تفتح أبواب الجنان وتغلق أبواب النيران، وتصفد الشياطين، ففي الحديث المتفق عليه أن النبي صلى الله عليه وسلم قال: (إذا جاء رمضان فتحت أبواب الجنة، وغلقت أبواب النار، وصفدت الشياطين)، وفي لفظ (وسلسلت الشياطين)، أي: أنهم يجعلون في الأصفاد والسلاسل، فلا يصلون في رمضان إلى ما كانوا يصلون إليه في غيره

كما قلنا فيه مزايا كثيرا وهنيئا لمن قامه بها شهر الصبر والدعاء والجود والكرم واكثر من هادا فيه ليلة القدر خير من الف شهر

اللهم بلغنا رمضان واجعلنا ممن يقدره حق قدره ويغتنم اياماه ولياليه ونختم فيه كتابك الكريم

اللهم قد بلغت اللهم فشهد
برنامج لرمضان الكريم
إعداد وجبة السحور من غير اٍسراف واستشعار نية التعبد لله تعالى تأدية السنة
• أداء سنة الفجر ركعتان
• الانشغال بالدعاء قبل الصلاة والتسبيح
•صلاة الصبح
• الجلوس في المصلى وقول أذكار الصباح وقراءة جزء أو أكثر من القرآن الكريم


البرنامج المقترح بعد الشروق
لا ننسى صلاة الضحى
وبالنسبه للمتزوجات ارى ان تنقص عن نفسها اشغال البيت وتحضير
التحليات والسلطات المهم كل سيده ومجهودها مع احتساب الاجر في ذلك
• الذهاب إلى العمل أو الدراسة مع احتساب الأجر فيه
• الانشغال بذكر الله تعالى طول اليوم
• الابتعاد عن ماس اللهو وحفظ اللسان من القيل والقال

البرنامج المقترح عند الظهر
• أداء السنة الراتبة قبل الظهر أربع ركعات كل ركعتين لوحدها
• أداء صلاة الظهر
• أداء السنة الراتبة بعد الظهر ركعتان
• إعداد جزء من الفطور
• القيلولة بوقت لا بأس فيه مع احتساب الأجر فيه

البرنامج المقترح عند العصر
• أداء أربع ركعات كل ركعتين لوحدها قبل صلا العصر وهي سنة
• أداء صلاة العصر
• تلاوة القرآن الكريم قراءة جزء أو أكثر
• قول أذكار المساء
• القيام بتجهيز وجبة الفطور من غير إسراف واحتساب الاجر
• الانشغال بالدعاء قبل الفطور
• الوضوء والاستعداد لصلاة المغرب

البرنامج المقترح عند الغروب
• الإفطار على رطب أو تمر وتراً أو شرب ماء
• الترديد مع أذان صلاة المغرب ثم الدعاء
• أداء صلاة المغرب ومن الاحسن في جماعه مع افراد الاسرة وتعويذ الاطفال عن ذلك
• أداء السنة الراتبة لصلاة المغرب ركعتان
• الاجتماع مع الأهل حول مائدة الإفطار مع شكر الله على نعمة إتمام صيام هذه اليوم
تنظيف المطبخ واحتساب الاجر
• الاستعداء لصلاة العشاء والتراويح في المسجد بتجديد الوضوء
• إذا كانت الصلاة في المسجد فلا تتبرج المرأة وتجتنب الطيب

البرنامج المقترح عند العشاء
• الترديد مع أذان صلاة العشاء ثم الدعاء
• أداء صلاة العشاء في المسجد مع الحرص على التبكير إلى الصلاة
• أداء السنة الراتبة لصلاة العشاء ركعتان
• أداء صلاة التراويح جماعة كاملة في المسجد او البيت
• تلاوة القرآن الكريم قراءة حزب أو أكثر
• بعد الانتهاء من التراويح القيام بأحد الأنشطة التالية ( جلسة عائلية – صلة الرحم – سمر رمضاني هادف – الدعوة عبر الانترنت أو غيره – المذاكرة – حفظ القرآن )
• النوم مبكراً وعدم السهر

البرنامج المقترح في الثلث الأخير من الليل
• الاستيقاظ قبل أذان الفجر بساعة
• أداء صلاة التهجد ولو ركعتان مع إطالة الركوع والسجود وتصلى جماعة في المسجد في العشر الأواخر من رمضان
• تلاوة القرآن الكريم قراءة جزء أو أكثر..وايضا لمن يحاول الحفظزهادا الوقت مناسبه للحفظ ومراجعت السور الي حفظها
ينبغي علينا أن نغتنم جميع أيام رمضان المبارك قال ابن مسعود رضي الله عنه ( ما ندمت على شيء ندمي على يوم غربت شمسه ، نقص فيه أجلي ولم يزدد فيه عملي ) فيا أختي المسلمة إن استطعت أن لا يسبقك أحد إلى الله في شهر رمضان فافعلي قال النبي صلى الله عليه وسلم ( رغم أنف رجل دخل عليه شهر رمضان ثم انسلخ قبل أن يغفر له ) رواه الترمذي

راه موضوع في وقته ونتمنى تتستافدوا منه وربي يعينا ويبلغنا رمضان