اهلا بكن في الجزء *145* من كوزينتنا¨¨عيد اضحى مبارك¨¨ - الصفحة 19

ام أمينة · 2015-09-21, 14:45

اقتباس:

المشاركة الأصلية كتبت بواسطة دائمة الحمد

ام امينة اخدمي حاجة للعيد يزيك بلا تفنيين
انا نحب العيد ونحب نزهي الحالة فيه بالصح هذي المرة راني متحيرة شوي على المرضى تاعنا

والله حتى انا نحب نفرح بلعيد وخدم بصح هذي المرة صمط منعرف له وزد تمها عليا الفور فسدلي ووووعععععع لوكان جو صحابتي هنا لوكان خدمت توالهم بصح رهم في لبﻻد

بصح راح ندير مقروط وبلك قروش صخفت عليهم

اقتباس:

المشاركة الأصلية كتبت بواسطة ام و ابنة

السلام عليكن هذا وين كملت اشغالي
فطرت بنتي و خملت شويا و قبل ما نروح نجيب وليدي جبتلكم قاطو ما زالو سخون
ميني تارتولات بالنستلي كراميليزي و الكاوكاو

ممممممممممممممممممممم ممممممممممممممممممممم يشهو يشهو بصح نقلك ابعثيلي طبسي ييييييييي

اقتباس:

المشاركة الأصلية كتبت بواسطة omjoujou

هذا غدايا شخشوخة الظفر طلبا من زوجي درتها بزربة والله مني قاعدة ليوم خلاص وهو طلبها مني
بصحتكم وش تغديتو ولي صايم ربي يتقبل منو

أم جوجو بصحتك الشخشوخة تبان بنينة تهبل رني مت بصخفة دبري رأسك لزم تبعثيلي نكل

اقتباس:

المشاركة الأصلية كتبت بواسطة um alaa

سلام حبيباتي
شكرا للي ساعدوني
رنبم ربي يرزقك الذرية الصالحة ان شاء الله
ليزا شكرا على الرسالة
راني درت المقروط و راهو يطيب و درت عسل ام انوس ربي يحفضها
بقاتلي ندير بقلاوة لعروسة ان شاء الله خال زوجي جاي من انجلترا عرسو نهار السبت دار لعروسة عارضينا للعشا

أم alaa ووووووووووووووووو وش هذا مقروط

tamimkougi · 2015-09-21, 14:49

الملتزمـ بإذن الله ـة °أم يـزن° ..السلام عليكم ورحمة الله تعالى وبركاته ..وأسعد الله أوقاتكم بكل خير أخياتي الغااليات ..
°°مــا جــادت الأزمــان مثــل أخــوة؛؛؛ للــه تـصفو دون أي مــقصــد°°
°° ولا تــحلو الإقــامة بيــن قــوم ؛؛؛ قـساة فــي شمــائلـهم شــداد °°
غبنا و ما غاب ذكركم بكل خير يا أهل الخير ..و ناكر للخير والمعروف من ينسى خيركم ..
فيشهد الله لم ننساكم من صالح الدعاء ..فأنتم بالحق له أحق ..فــ شكرا" وألف شكــر لكم على ما تقدموه لنا ..بدون استثناء
أسأل الله تعالى أن تكونوا بخير وأهلكم وأولادكم وأهل بيتكم و كل عزيز عليكم ...حفظكم الله و بلّغ كل منكم مناه و مبتغاه...آمين

ام سراج وملاك · 2015-09-21, 14:51

مساء الخير عليكم كامل وصح غداكم
كنت نراجع وتاثرت بحديث اختي رنيم ربي يرزقها بالذرية الصالحة كيما قلتي انا لنا رب رحيم
لبنات يعطيكم الصحة كامل واش حطيتو ربي يبارك وربي يدومها نعمة للجميع
ام جوجو اهلا ياغالية كتلتني بالشخشوخة وانا صايمة المشكل اني معنديش بزاف ملي درتها بصحتكم وبصحتو راجلك بالنسبة لتحضيرات راني مع القاطو اول عيد نكون متهنية وبالي مرتاح تهنيت من قاطو لي نديوه لعروس كل عيد الحمد الله تزوج خويا وطمنا عليه ويعيد هو ومرتو ماشي كيما كل مرة اكل نحاولو فيه باش يعيد عندنا درت قاطو سربريز سخفت عليه عندي سنين مدرتوش عليها ملقيتش الوصفة نتاعو شكرا كي مديتهالي ولغروبية مزال درت لغروبية لي عجبتني لي راهي في وصفات واش طيبتي رايحة نخليها في المجمد غدوة كشما نطيبها ونزيد كشما نزيد نوع ساهل هذا بالنسبة لدار كملت لغسيل والنفيض

omjoujou · 2015-09-21, 14:52

ام امينة غالي و الطلب رخيس تفضلي حبيبتي صحن شخشوخة حاجة ماتغلى عليك

omjoujou · 2015-09-21, 14:55

بصحتكم حبيبتي ام سراج القاطو تاع سيربريز صدقيني حتى انا درتو في طهور تاع بني هههه
وبصحتك النضافة تاع الدار انا تاني ليوم كملت النفيض و درت قاطو تاع المحقن و قاطو تاع كابريس و عولت مبعد نزيد صابلي تاع القارص و البركة

um alaa · 2015-09-21, 14:55

كوكا هداك مقرووووووووووووط
لراني نسييي نكمل شغالاتي اليوم بلاك نروح عند عجوزتي نعاونها

ام سارة18 · 2015-09-21, 14:56

سلام عليكم بصحتكم واش ديرتو الشخشوخة والمقروط لي ثارثولات هايلين انا اليوم روبو مادرتش الغداء عندي رونديفو نتاع بنتي الصباح وشريت البتزا من برا غير انا وبنتي نتغداو
المعلمة الجديدة ربي يشفيه ان شاء الله
زينب احنا في عاداتنا يجيبو اللحم للعروسة ونرجعولهم الحلويات والبغرير واللي يحب المقرقشات والى جات يماه نشرو كتان ونديرولها هدية وكاين الي بمدو الدراهم للنساء اللي يجو والفاكية تاني الى ماجابوش هوما

باسم وبيسان · 2015-09-21, 14:57

اقتباس:

المشاركة الأصلية كتبت بواسطة ام عبدو و ملاك

لبنات راهم عيطولي و قالولي دار العملية و الحمد لله الطبيب قالهم لاباس ما خلاوهمش يشوفوه راه في الكومة بصح قالولي راهو لاباس الحمد لله كثيرا كثيرا
لبنات دائمة الحمد
ام باسم و بيسان ام جوجو
ام ياسين ام محمد تاج
ام وابنة
ربي يعيشكم و يعطيكم من خيرو و جازاكم الله خيرا على الدعاوي و الله كان مسكين محتاجهم و ربي يحفظلكم عايلاتكم
اااااااااااااااامممممممممممممممييييييييين

الحمد لله على سلامتوووووووو:

باسم وبيسان · 2015-09-21, 15:03

اقتباس:

المشاركة الأصلية كتبت بواسطة omjoujou

ام باسم وبيلسان حبيبتي تسلميلي حتى انا نهار العيد ندير شخشوخة بصح تاع النعمة و هاذيك تاع الظفر لي درتها اليوم تاع ساشي
المعلمة الجديدة الحمد لله كي دار شيخك العملية وراهو بخير صدقيني فرحتلو ربي يشفيه

هيه انا نقصد ثالت عيد ندير الشخشوخة وتانى عيد نديرالنعمة انا سقسيتك على تاع السشيات تبان مليحة انا جامى درتها انا مازلت نشخشخ وندير مكعبرة كما تاع بكرى ههههههه

باسم وبيسان · 2015-09-21, 15:05

اقتباس:

المشاركة الأصلية كتبت بواسطة um alaa

سلام حبيباتي
شكرا للي ساعدوني
رنبم ربي يرزقك الذرية الصالحة ان شاء الله
ليزا شكرا على الرسالة
راني درت المقروط و راهو يطيب و درت عسل ام انوس ربي يحفضها
بقاتلي ندير بقلاوة لعروسة ان شاء الله خال زوجي جاي من انجلترا عرسو نهار السبت دار لعروسة عارضينا للعشا

ام الاء ويا هدااااا روووووعة جا باهى يهبل يعطيك الصحة

باسم وبيسان · 2015-09-21, 15:07

ام ياسووووو والله لالقيتوووو حوست على الصابلى بحلوة الترك تاع لينا وملقيتوش لبنات لى عندها الرابط تحطهولى تعيشوووووووووووووووو

tamimkougi · 2015-09-21, 15:07

الملتزمـ بإذن الله ـة.. جربت وصفة عجبتني بزاااف حبيتت نكتبهالكم للإفادة تمنيت نحط الصور لكن للأسف والله ما نعرف كيما نعمل ما ننجحش في العملية
نحاول نقرب الصورة من خلال الشرح الوافي ..
ـــــــــــ تشاراك النواد كوكو المعسل ـــــــــــــــــ يطيب في مول السيليكون
نفس شكل تشاراك المعسل للطيبة أم أماني رب يحفضها لكن الوصفة تختلف تمااااااااما
°°المقادير °°
500 غ زبدة
8 صفار بيض
كاس سكر ارطب
كاس نواد كوكو
زاست القارص "كمية ملييحة"
2 خميرة حلوى
فرينة ــــــــــــــ عجينة طرية
لما يطيب ..و هو دافي تشربيه بالعسل الثقيل ـــــــ و الديكور : تزيني نصف التشاراك بالبيستاش مرحي
و بالصحة والراحة
صدقوني رائع المذاق و رائحة زست القارص هايييلة ... و تاني يقطع بزاف ,لاخاطر الحبات يجو ضراف
ــــــــــــــــــــــــــــــــــــــــــ
انا في رأي التشاراك المعسل اللي بالوصفة السحرية تقيييلة بزاف عجينته جربتها"مع احترامي لأذواق الآخرين "
أما هاد الوصفة خفيييف
°°اسمحولي على الشرح الممل ـ عقلية أاستاذةـ حتى في القسم نشرح ونعاود بزاف للتلاميذ ـ رب يوفق وليدات المومنين كامل ..

omjoujou · 2015-09-21, 15:07

اقتباس:

المشاركة الأصلية كتبت بواسطة باسم وبيسان

هيه انا نقصد ثالت عيد ندير الشخشوخة وتانى عيد نديرالنعمة انا سقسيتك على تاع السشيات تبان مليحة انا جامى درتها انا مازلت نشخشخ وندير مكعبرة كما تاع بكرى ههههههه

هههههه انا عن نفسي تعجبني تاع الساشي تجي خفيفة و متتعجنش

ام سراج وملاك · 2015-09-21, 15:08

ام جوجو يعطيك الصحة اختي ربي يكون معاك القاطو يتعب
الملتزمة بالله اختي شكرا لكلامك ودعائك الرائع واش نفرح كي نلقاكي دخلتي للكوزينة
كوكا اهلا ياغالية توحشتك
تسنيم اختي حلا المرايا جربتها من قبل وصفة رائعة باين عندك مشكل كشما حبيتي تسقسي رانا هنا نعاونوك اختي
زينب فكرة الشخشوخة مليحة بصح حبيت نقلك اذا يسكنو بعاد متسقيوهاش وديرو المرقة في ككوطة اذا حبيتو ديروها طبعا بصح انا حبيت نقلك اذا درتيهالهم قادرة تزيدي تكلفيهم مساكن كي يرجعولكم لماعن انا من راي لبنات حاولو انكم ديرلهم صينية مليحة نتاع قاطو تكون في صينية لي يتباعو لي ميرجعوهمش كيما مالفة نديرهم لمرت خويا وديرولهم صينية نتاع شكولا لي تتباع برة اشريو كل الانواع لمليحة وانا مرت خويا كي دينالها العيد عطاتلنا قرع نتاع ريحة ديدورو وصابون ومرت خويا لول كي رحنالها في العيد كانت امي ربي يرحمها حية دارتلها خيمار وقرعة ريحة انا مدارتليش ولحم كيما قاتلك ام تاجو فطعوه ودوزنوه ونهار لي يجيو اجبدو منو واقليوه وجدو خبز الدار وديسار وزيدي كشما تختارعي تحليات نعرفك شاطرة ربي يبارك المهم قومو بيهم مليح متكلفوش روحكم بزاف مكانش قد البساطة ربي يهنيها اختك ويتمملها بالف خير متنسايش صور تقرعيج لاشة صوري في الكوزينة علابالي عيب تصوري الطابلة قدامهم

omjoujou · 2015-09-21, 15:09

الملتزمة باذن الله شكرا اختي على الوصفة في ميزان حسناتك