الجزء 137 من كوزينة واش طيبتي اليوم ((كوزينة النجاح في الدارين ))

[ام و ابنة]

اهلًا اختي أرزاق
نظن رايك صحيح و لو اني للامانة نستعمل الكأس العادي نحسبو 250 غ و عندي ميزان بصح قديم و ماشي دقيق بزاف يعني باختصار غالبا عيني هي ميزاني خخخخخخ

[malek firdaouss]

ارزاق مفهمتش سؤالك وضحي اكثر ههههههه

ولا قصدك تكيلي بالكاس نفسو السكر و النشا في واش ديجا ههههههه

[ارزاق]

زينب طلي علينا طمنينا راني شفتك ههههههه

[ارزاق]

اختي ملاك الكاس تاع المكيال تلقاي فيه مكتوب فرينة نشاء سوائل سكر عادي لكن السكر الناعم وين نكيلو انا جاني يشبه في النشاء

[أم محمد تاج]

سلامي سميناتي الحلوااااااات
مازال ماراجعتش عمبالي حطيتوو الخير والخمير.
نحمل صور العرضة ونجيكم نراجع في عقلي

[ام محمدْ ومريمْ]

سلام لبنات واش احوالكم
اختي ام وبنة حبيت نسقسيك على تارتولات بالكابريس قداش نح تستعملي كابريس وقداش حليب وكيفاه ديكوريها
اسمحلي تعبتك

[أم ملك]

السلام عليكم و رحمة الله تعالى و بركاته
أم نسرين ألف مبرووووووووووووووك النجاح لنسرين و يا ربي تشوفيها في أعلى المراتب و من نجاح ﻷخر و ربي يقر عينك بإخوانها يا رب في القريب العاجل اللهم أرزق كل مسلم ما يتمنى في رضاك و كوزينة مربوحة إن شاء الله و كل شيء حضرتيه للحفلة هايل ربي يباركلك في صحتك حبيبتي
توحشتكم بزاااااااف و ما كنتش نشارك نحشم ندخل بيديا فارغين ما كنتش نصور الفطور و زيدبناتي في زوج ربي يحفظهم مرضانين اللهم لك الحمد و لهيت مع عمرة ماما و بابا الحمد لله جاو بخير و جابو معاهم كل خير ربي يباركلهم البارح درتلهم فطور و اليوم إن شاء الله نبدا القاطو إدا كتب ربي
دائمة ربي يفرج عليك و أم إبراهيم ربي يفرج و يبدل همومكم أفراح أذكروا ربي كثيرا فهو ولي الأمر و القادر على كل شيء و نعم الوكيل
عازفة ربي يعجل الشفا لعائلتك و كل مرضى المسلمين
ليزا مرحبا كل شيء حطيتيه هايل ربي يديم نعمه علينا جميعا
هدا واش تفكرت سامحوني حبيباتي
و كل المتواجدات تسلمو و ربي يكمللكم أمانيكم في مرضاته المريض ربي يشافيه و المهموم ربي يفرج عليه و ليراهي تخدم في القاطو ربي يعاونها أميييييييين
هدا باروك كوزينتك حبيبتي أم نسرين

[أم ملك]

بيانسير مش قتطو العيد هدا لي خدمتو لعمرة والديا
و للعيد إن شاء الله راني نخمم في التشاراك مسكر و ندير حبات بالقلاصاج و نزيد صابلي و قاطو الكابريس و الشيكولا و الملفوف تاع أم أماني

[rahma2014]

ارزاق السكر الناعم كيليه وين مكتوب سكر ماشى نشاء

[عازفة الناي]

مسلخييييييييييييييييييييييييييييير
دخلت لى حلويات ام ملك الغالية الف الحمد لله لى رجوع والديك بالصحة وربي يتقبل منهم ومن الجميع
ليزا اممممممممممممممممممم امممممممممممممممم واممممممممممممممممممممم كون غير عرضتيني معاهم ههههههههههههههههه يعطيك الصحة دار جود وكررررررررررم
فطورنا شربة فارميسال ، بيري ، مرقاز وكوتليط وكسرة رخساس والحمد لله

[malek firdaouss]

ارزاق انا راي من رايك

[أم ملك]

مرحبا عازفة إن شاء يكون والدك تحسن
ربي يرزقك الزوج الصالح قريبا عاجلا غير أجل و جميع بنات المسلمين يا رب
و فطوركم أمممممم يشهي بصحتكم
فطورنا باقي من البارح كل خير عندي المطلوع و البوراك و الدولمة و شطيطحة بلحم العجل و سلطة و ماسيدون و حلو و دوارة نزيد غير حريرة زوجي ما يحبهاش بايتة يعني لازم الجديدة و لي تبقالي راني نكونجليها في ليبوات هدوك توع الرايب إن شاء الله إدا كتب ربي نصوم شوال و نزيد أيامي و نفطر بيها
اللهم أعنا على طاعتك و ذكرك و شكرك و حسن عبادتك
اللهم إنك عفو تحب العفو فاعف عنا

[أم محمد تاج]

حبيباتي والله كنت نراجع وفرحانة حتان وصلت لرد ام برهووومي حبيبة دربي الغالية والله تشطنت عليك روحي الله يفرج عليك ويبدلك دموع الحزن دموع افراح يارب يا كريم حنوونة ادعي ربي راهم ايام مباركة ورانا معاك بدعاوينا والله تشطنت موووت الله يفرج عليك من واسع ابوابو يارب

حبيباتي مشربتش التاااااي توووبة من النووووووبة بصح ماروحتش حتى للساعتين ونص تاع الصباح خفت نمرمر وتجيوني بالبشماق
حبيباتي الله يخليكم للدعاء لابي الغالي الله يحفظو ويحفظلكم كل عزيز وغالي يارب

[زينب 83]

السلام عليكم و رحمة الله


ام نسرين الف الف مبروك نجاح نسرين و الف مبروك افتتاح الكوزينة ربي يكمل عليك الأفراح يا رب و يرزقك بمولود معافى و نفرحو معاك


الف مبروك للجميع لولادهم نجحوا و العاقبة لمترشحي الباكالوريا يا رب

شكرًا لك عازفة الناي و ارزاق و سماح على الرسائل و السؤال شكرًا جزيلا

هذا باروك خفيف حبيبتي ام نسرين

[chahra tiaret]

السلام عليكم اخواتي اسمحولي دخلت بلا اذن منكم بصح علابالي مانديرونجيكمش
راني مودرة نحوس على حباباتي ودرت حسابي لقديم وحليت هاذا جديد
المهم علابالي باللي ام هدول والامنيات وام ماجد يدخلو بزاف لهاذ الغرفة
لبنات انا سليمة14 ياك مانسيتوني