دورة فراشات تزهو بالألوان بيوتهن قمة في النظافة و التنظيم و التدبير و الاتقان

[حبيييبة]

المشاركة الأصلية كتبت بواسطة om wassim

ربي يبارك فيك اختي حبيبة
الحمد لله راني نحس بوحد الراحة و بدات حياتي تتسقم
اليوم كي نضت بكري طيبت لفطور بكري و خدمت شغلي اليومي و غيرت غلافات لمخايد و
شراشف تاع السرير
و غسلت لوليدي كي ناض و بدلتلو و عطرتو
و فطرنا و صليت الظهر ،،هو راح يرقد و انا راني مع المنتدى منبعد نريح شوية

ماشاء الله لا قوة الا بالله
الله يعطيك الصحة و يسترك مالعنين فراشتي الجميلة
ربي يدوم هاذ النعمة عليك
دمتي في راحة و سرور

المشاركة الأصلية كتبت بواسطة samira1980

مساء الخير
انا راني هذ وين كملت قرائة المشاركات
انا ع نفسي ما نقدرش نفيدكم لاني على طول تعبانة و نعسانة
و اريد المساعدة منكن

مساء الانوار فراشتي سميرة
ان شاء الله رايحة تشاركينا يومياتك
و تفيدينا في اي مجال كان ليس بالضرورة التنظيف
راها ربة البيت ملمة بكل انواع الفنون و الابداعات و الثقافة و المعلومات
الله يبارك و يزيد
و انا متأكدة عنوا عقلك الذهبي هذاك راهوا عندوا مافيه من الكنوز القيمة اللي رايح تفيدينا بيها

بالنسبة للتعب و النعاس انصحك بالتسبيحة اللي وصانا بها سيدنا
محمد صلى الله عليه و سلم
33 سبحان الله/33 الحمد لله/34 الله اكبر
و اقرئي ايضا الادعية التي وصانا بها:
"اللهم إني أعوذ بك من العجز والكسل "

المشاركة الأصلية كتبت بواسطة stayfa

بارك الله فيك اخيتى

و فيك بركة فراشتي ستايفية
اهلا و سهلا بيك معنا

المشاركة الأصلية كتبت بواسطة ombouchra

السلام عليكم يا فراشات
انا هاذو اليومين ما نقدرش نشارك معاكم لاني رايح لبيت اهلي لانو الاب ديالي راهو شوية مريض وغدا باذن الله رايح ايدير عملية جراحية ان شاء الله تنجحلو هدي المرة
ادعولو حبيباتي بالشفاء العاجل
سلام الى الملتقى ان شاء الله

ربي يشفيلك الوالد حبيبتي ام بشرى
و يعافيه و يعطيه الصحة و يحميه من كي شر و من كل أذى
و يخليهلكم تاج فوق راسكم و يطول في عمره ياا رب
و ان شاء الله تنجح العملية و يرجع ليكم سالم معافى
اللهم آآميييين
نحن بانتظار عودتك الينا
دمت في رعاية الله و حفظه

[حبيييبة]

المشاركة الأصلية كتبت بواسطة chez biba

السلام عليكم ورحمة الله وبركاته
اول مشاركة لي معاكم يا فراشات نتمنى تكون مفيدة
بما انو اليوم الأربعاء وحسب جدول الاعمال هو خاص بالأطفال او بالأحرى تربية الأبناء
جبتلكم مجموعة من النصائح ممكن اغلب الأمهات تعرفها ومعتامدتها :
اذا كان ابنك يعاني من تأخر في تعلم الكتابة والقراة، لا داعي للقلق لأن تعليم الأطفال القراءة يبدأ منذ سن الحضانة وينتهي عند وصوله إلى الصف الخامس الأبتدائي
إن أول شيء يجب أن يفعله الوالدين عند تعليمه هو الامتناع عن مقارنة مستوى الطفل بمستوى أقرانه في المدرسة أو بإخوانه مثلا: اخته التي تعلمت الكتابة في سن
أصغر منه. فلكل طفل مستواه وسرعته الخاصة في التعلم

عند تدريسه يجب التدرج خطوة بخطوة فالطفل في البداية لا يعرف سوى اللعب وأي ضغط منك يؤدي الى كره الدراسة وعم تقبلها، وحتى تعليم الحروف يبدأ بطريقة سلسة مثلا قومي بتعليقها في للثلاجة وكل يوم يتعلم حرف والبداية تكون اول حرف في اسمه وأسماء اخوته وهكذا

(اسمحولي بعض الحروف ما لقيتهمش ههههههه)

قبل ان تعطي القلم لابنك قومي بتمارين لاصابعه بحيث يثنيها ويفتحها، أعطه ورقة ليقوم بتجعيدها وقطعها، الضغط على الطاولة بالأصابع بطريقة العزف على البيانو، اللعب بالعجين وتشكيله، طريقة الحساب باليد برفع الأصبع تلوى الاخر وهذا حتى يتمكن من مسك القلم بطريقة صحيحة ولا تتعب عضلاته

تنمية مهاراته الذاتية عن طريق اعتماده على نفسه في غلق الأزرار ، القص حيث يوجد مقصات خاصة بالأطفال، الرسم والتلوين وبالنسبة لابنتي هذا عملها المفضل وعندما تلون لا تخرج على الإطار أبدا وسأضع في الأيام القادمة ان شاء الله بعض رسوماتها حتى وان لم تكن جميلة الا انها معبرة (تدرس في القسم التحضيري)

هذا بالنسبة لليوم ، هناك المزيد في المرات القادمة بإذن الله

المشاركة الأصلية كتبت بواسطة chez biba

فراشات حبيت نتقاسم معاكم هاذ التجربة البسيطة لكن لها اثر كبير في نفسية الطفل انا بنتي عجبتها بزاف وفرحت بيها خاصة كي شافت النتيجة


كل وحدة تجربها اليوم وفي الاسبوع القادم ان شاء الله راح تتحصل على هاذ النبتة الرائعة اللي يكون ابنها او بنتها هي اللي ساعدت في غرسها ويحسو بالمسؤولية وكل صباح يطلو عليها

تحتاجي علبة ياوورت فارغة قطن وحبات من العدس

ضعي حبات العدس وسط القطن في العلبة واسقيها بالماء واتركيها في مكان دافئ وكي يبدوا الأغصان يطوالو نحي القطن من فوق وما تنسايش تبليها شوي بالماء المهم القطن ما يشيحش


كل وحدة تقوم بالتجربة تحط الصور الاسبوع القادم ان شاء الله وتقودنا انطباع ولدها

و عليكم السلام فراشتي النحلة بيبا
الله الله عليك على المبادرة الرائعة حبيبتي
شكرا لك لانك خذيتي هاذ المبادرة و تكلفت بفقرة نصائح تربية الابناء
و بارك الله فيك على المعلومات القيمة و الراائع
و لانك تقاسمتي معنا تجاربك الجميلة المبدعة
نحن في شوق للمزيد من ما في جعبتك فراشتي الزاهية
ربي يخليك لينا حبيبتي و يجازيك خيرا عنا و يجعلها في ميزان حسناتك ياا رب
اللهم آآآمييييييييييين

[chez biba]

الله يسلمك اختي الحبيبة حبييييبة هذا من لطفك
والله أعجبتني كثيراً الفكرة والمبادرة الرائعة وخاصة تسمية الدورة بالفراشات ههههه لآني نحبها بزاف والدليل على ذلك توقيعي
ان شاء الله ربي يقدرني ونكون معاكم اول بأول

[om ahmed]

السلام عليك و رحمة الله تعالى و بركاته أنا أرغب بالمشاركة

[chez biba]

[حبيييبة]

المشاركة الأصلية كتبت بواسطة om ahmed

السلام عليك و رحمة الله تعالى و بركاته أنا أرغب بالمشاركة

و عليكم السلام و رحمة الله و بركاته
اهلا و سهلا بك حبيبتي أم احمد
فراشة بين الفراشات الزاهيات
مرحبا بيك معانا
ابداي في عمل التطبيقات
و ربي يوفقنا و يعينا ان شاء الله

[om wassim]

الله يسلمك اختي حبيبة هذا كله بفضلك ربي يحفظك
ام بشرى ربي يشفي الوالد و يخليه تاج فوق راسكم يا رب

[حبيييبة]

المشاركة الأصلية كتبت بواسطة chez biba

الله يسلمك اختي الحبيبة حبييييبة هذا من لطفك
والله أعجبتني كثيراً الفكرة والمبادرة الرائعة وخاصة تسمية الدورة بالفراشات ههههه لآني نحبها بزاف والدليل على ذلك توقيعي
ان شاء الله ربي يقدرني ونكون معاكم اول بأول

المشاركة الأصلية كتبت بواسطة chez biba

يا ربي آآميييين
ربي يجازيك على التذكرة
يا فراشتي العزيزة
حتى انا نحب الفراشات
لذلك سميتكم فراشاتي لاني نحبكم بزاااف

[om wassim]

بيبا فكرة انباتات هايلة بصح انا وليدي مازال صغير ياريت تفيدينا بافكار للاطفال تحت
سن 3 سنوات انت و الاخوات لاني نحس روحي مقصرة بزاف معاه ماشي عاطيتلو وقت باش ندير معاه كاش حاجة
و عمرو عامين و نص و رجع يحب باباه بزاف و مايحوسش عليا خاصة ملي راني حامل

[راقية بتفكيري]

سلا م فراشاتي العزيزات هذه اول مشاركة ليا كيما قلتلكم في السابق انا مخطوبة مازال ماتزوجتش بصح بغيت نتعلم باش ماتجينيش صاعبة اليوم استيقضت على الخامسو النصف قريت قران وصليت ومن بعد طيبت القهوة ورحت وجدت روحي باش نروح للعمل ومين جيت صليت الظهر مع العصر لاني نخدم بعيد مانقدرش نجي لدار وقت الظهر ريحت لقيت ماما دايرة قهوة شربت ورتبت خزانتي في خمسة عشر دقيقة ورحت درت العشا واش رايكم راني جايبتها ولا نزيد شوية نشاط

[samira1980]

السلام عليكم
انا دائما تعبانة لاني مانيش نرقد مليح عندي بنتين ربي يحفظهم ليا و يطول في عمارهم و ربي يحميهم من كل شر ان شاء الله و لكن متعبيني ياسر ناقصين في النوم مستحيل نرقدو قبل 12 ليل و صباح ينوضو بكري و في القيلولة ما يرقدوش ياسر يا ربي نصف ساعة

[حبيييبة]

المشاركة الأصلية كتبت بواسطة راقية بتفكيري

سلا م فراشاتي العزيزات هذه اول مشاركة ليا كيما قلتلكم في السابق انا مخطوبة مازال ماتزوجتش بصح بغيت نتعلم باش ماتجينيش صاعبة اليوم استيقضت على الخامسو النصف قريت قران وصليت ومن بعد طيبت القهوة ورحت وجدت روحي باش نروح للعمل ومين جيت صليت الظهر مع العصر لاني نخدم بعيد مانقدرش نجي لدار وقت الظهر ريحت لقيت ماما دايرة قهوة شربت ورتبت خزانتي في خمسة عشر دقيقة ورحت درت العشا واش رايكم راني جايبتها ولا نزيد شوية نشاط

الله الله على فراشتي النشيطة
ماشاء الله عليك راكي تفرحي حبيبتي
راكي هاااايلة الله يبارك
و يسعدك ان شاء الله و نفرحوا بيك فالقريب العاجل ان شاء الله يااا رب

[حبيييبة]

المشاركة الأصلية كتبت بواسطة samira1980

السلام عليكم
انا دائما تعبانة لاني مانيش نرقد مليح عندي بنتين ربي يحفظهم ليا و يطول في عمارهم و ربي يحميهم من كل شر ان شاء الله و لكن متعبيني ياسر ناقصين في النوم مستحيل نرقدو قبل 12 ليل و صباح ينوضو بكري و في القيلولة ما يرقدوش ياسر يا ربي نصف ساعة

و عليكم السلام فراشتي النشيطة
كيما النحلة
ماعليش حبيبتي اصبري و احتسبي الاجر تاع التربية عند الله
و انا باذن الله لما يسمحلي المنتدى ببعث رسائل
رايحة نتاصل بيك و نبعثلك روابط ممكن تفيدك باذن الله
و تعالج مشكلتك من جذورها
ابشري يا نحلتي

[حبيييبة]

فراشاتي تطبيق اليوم

اليوم باذن الله رايحين نبداوا تجهيزاتنا ليوم الغد
معنا ذلك
رايح نتعلموا اننا نجهزوا كل ما نحتاجه ليوم الغد و يمكن تجهيزه هته الليلة
مثلا:
لباسك البهي الزاهي يا فراشة اللي راح تلبسيه غدا صباحا و ترفرفي بيه بين اجاء بيتك
اختاريه الليلة و جهزيه

فراشتي التي تعمل خارج البيت
جهزي لباسك الذي سترتدينه للخروج لعملك
جهزيه الليلة
جهزي الحذاء و محفظة اليد
جهزي اوراقك الخاصة بالعمل

ملابس ابنائك للي راح يلبسوهم غدا للذهاب للمدرسة
مآزرهم
محفظاتهم
أحذيتهم
جواربهم
الكتب اللي راح يرجعوها للمكتبة
بحوثهم وواجباتهم

جهزيها معهم الليلة و ضعوها امام الباب عند المدخل
حطي كرسي عند باب المدخل يكون خاص فقط لتعليق اشيائهم ووضعها عليه
لتكون جاهزة غدا صبحا
ابناؤك ماعليهم الا الاغتسال الافطار و كل شيء جاهز عند الباب
و في لحظات يكووا جاهزين للانطلاق
بدون فوضى ولا صريخ ولا بحث عن اشيائهم وووو

جهزي ملابس عمل زوجك ليوم الغد
اشياءه الخاصة
محفظته، ساعته، حذائه، جواربه، أوراقه
نفس الشيء
حددي لها مكان مخصص و ضعيها فيه
و يكون ذلك هو مكانها المخصص ليعلم به و يجد اغراضه بسهولة و بسرعة
ولا يتاخر عن عمله

غذاء الغد
جهزيه من الليلة
جهزي الصلصات مثلا
جهزي المرق
اخرجي اللحم من البراد و ضعيه في الثلاجة
ليذوب منه الثلج بطريقة صحية و يكون جاهز للطبخ غدا ي الصباح الباكر

اذا كانت هناك فواتير او اوراق عليك معالجة امرها
جهزيها الليلة

اذا كان لديك موعد مراجعة مع الطبيب مثلا لاحد اطفالك لا سامح الله
جهزي اوراقه الطبية الليلة

اي شيء عليك قضاؤه غدا جهزي له من الليلة

و هكذا كل ليلة جهزي امورك لليوم الموالي


ارجو ان يكون التطبيق واضح و سهل

و انا كلي ثقة انكن مدبرات منزل راائعات في القمة
و لم تفتكن هته التجهيزات المسائية
لكن ما اوده هو ان تترسخ هته العادة فينا
و في حياتنا لتصبح حياتنا اسهل و امتع باذن الله

[chez biba]

المشاركة الأصلية كتبت بواسطة om wassim

بيبا فكرة انباتات هايلة بصح انا وليدي مازال صغير ياريت تفيدينا بافكار للاطفال تحت
سن 3 سنوات انت و الاخوات لاني نحس روحي مقصرة بزاف معاه ماشي عاطيتلو وقت باش ندير معاه كاش حاجة
و عمرو عامين و نص و رجع يحب باباه بزاف و مايحوسش عليا خاصة ملي راني حامل

ام وسيم اختي تبان لي راكي قريب تولدي ان شاء الله ربي يسهلك اتهلاي في روحك وما عليش اذا ولدك في هاذ الفترة يتعلق بباباه خير sinon ما تقدريش كامل تتحركي وكي يفوتو الأشهر الاولى ان شاء الله تكوني عارفة وقت البيبي وle programme تاعك اليومي ونعطيك اختي نصائح وأفكار لهاذ السن بإذن الله خطراش انا كنت نقرا بزاف في les magazines بالفرنسية على تطور الطفل في السنوات الاولى