مساء الخيييير حبيباتي صح فطوركم كاااامل و ربي يتقبل منا و من المسلمين جميعا 
اليوم فطرنا الحريرة و سلاطة و لي زيسكالوب و سلاطة و عجنت الخبز طبعا و الحمد لله هذاك علاه قدرت راني مشي قادرة خلااااص
و غادي ندير السحور لصحاب ن ع بسياسا انشالله من بعد اذا قدرت نحطلكم الصور بإذن الله
اقتباس:
المشاركة الأصلية كتبت بواسطة malek nour hane
سلااااااااااااااااااااااام...صح فطوركم الحمد لله فطرت قبل لفطور نشفتولي ريقي باطباقكم حرااام عليكم من ليوم و روح ندخل بعد لفطور هههه
ليزابل ربي يخليك فرحتيني برد تاعك...زعما صح ماضحكتيش بيناتنا برك هههه...وراني نستنى فالتحلية
ام محمد تاج ماعندك وين هههه حكمتك راني نسنى يافرحتي..نهد شوي على راجلي
ام ماجد يعطيها الصحة روزا...هههه وجدي روحك نهار نروح ان شاء الله نزورك فالعلمة...صح فطورك
لادي البطبوطة وين رحتي توحشتتتتتتتتتتتتتتتككك
ام اناس صح فطورك اني نسنى في تصاور العرضة هيهيهي ديما قاعدتلك ههه
لبنات كاااامل صح فطوركم ماري عطر اولادي ام انس اماني السلام ام كاميليا عازفة الناي شاوية حرة اولادي فلطمة فريال ام سهااام كاامل كااامل صح لفطور ..تقبل الله صيام الجمييع
|
ايوااااا والله ما ضحكت ههههه و طيابك تاع فحلات الله يبارك ،، قوليلي واش من تحلية راكي عليها باش نقدر نقولك الوصفة
الله يسلمك حبيبتي هذا كله من ذوقك و بصحتك لي مول تستعمليهم بالصحة
اقتباس:
المشاركة الأصلية كتبت بواسطة دائمة الحمد
لبنات نسيت باش نقول ليكم راني جربت خبز نينا فرات غير جربوه راه روعة
تصبحن بالف خير غوالي |
مممم راه يبان هايل يعطيك الصحة
مرحبا يا الغالية انشالله التلقيح فات على خير و ولدك يكون في أحسن حال طمنيني عليه حبيبتي و ربي يحفظكم
اقتباس:
المشاركة الأصلية كتبت بواسطة أم هنيدة
جزاك الله خيرا اختي ماري والله يشفيك عاجلا غير آجل اللهم آمين
نظن الوصفة مختلفة لانه لي في الصفحة الاولى قالت بالكرام فراش
|
صح مشي نفس الوصفة راني جاوبتك حبيبتي
اقتباس:
المشاركة الأصلية كتبت بواسطة om kamilia
lyzabelle ماشاءالله على الجاج المحمر و الطابلة المتقونة
|
الله يسلمك عينيك الشابييييين
اقتباس:
المشاركة الأصلية كتبت بواسطة الأمنيات
السلام عليكم واش راكم
ايزابيل مبروك افتتاح الكوزنه الجديده
|
اقتباس:
المشاركة الأصلية كتبت بواسطة الأمنيات
هدا فلون الطبقات للاخت فاتيمالي نظن
|
اقتباس:
المشاركة الأصلية كتبت بواسطة الأمنيات
هادا القاطو
|
اقتباس:
المشاركة الأصلية كتبت بواسطة الأمنيات
هادا هو الصابلي
|
الله يسلمك امنياتي و اخييييرا طل الغالي كي راكي توحشتك و توحشت نشوف اطباقك الشهية ،، يعطيك الف صحة على واش حطيتي من غراتان و حلويات كلشي فيييييلم
بصحتك الفطور و بصحتك السهرة عند البابا انشالله كل العاءلة راهم ملاح
اقتباس:
المشاركة الأصلية كتبت بواسطة hadjer mascara
اهلين مبروك عليك لبزا الكوزينة ماشاء الله عندي ما نفتخر معسكرياا كيفي ههههه
صاحا رمضانكم قاع شرات صغرات كبارات راكم قاع فحلات هههه كل طبخة
انا ليوم درت شامية بالتفاح من قناة سميرة و ليوم ندير لي جوا لي ولادي يبغوه بزاف
وعملت فلان تاع لايدي ميليون مي ماصورتوش
https://store2.djelfa.info/vb/2014-07/140534080571.jpg
|
اهلًا. اهلًا. و مرحبا بجارتي ههههه ربي يخليك على المجاملة و حتى نتيا اطباقك تشهييي الله يبارك و مرحبا بعودتك انشالله تبقاي معانا دايما
اقتباس:
المشاركة الأصلية كتبت بواسطة ghorba
مبروك الافتتاح ربي يفتح لينا كامل
ليزابال كما قالت اlم ابراهيم فسر وعلل المحمر ممممممممممممممم شهيتيني |
امين يا رب العالمين ،، شكرا حبيبتي
المحمر درت في لا كوكوت شوية مارغرين و شوية زيت و حبة بصل متوسطة مرات نرابيهم و مرات نقطعها شراءح كيما هنايا رابيتها و نضيف اللحم و ملح و فلفل اسود و عود قرفة و بسسسسس و نقلبهم شوية و نمرق غير قد ما يكون مستوى الماء مع نفس مستوى اللحم و نغلق و نطيبه على نار ما بين متوسطة و هادية و مين يطيب اللحم ننحي شوية صلصة منه و نخليه يزيد ينشف في لاكوكوت على نار هاااادية بلا ما نحرقه غادي يتحمر و تجي بنة رهييييبة ممممم ههههه شوقتك و لاكان بغيتي تديري معاه الشمبنيون ارميه يطيب معاه فالأول مين تمرقي و عسيه لا ينحرق مين تكوني تحمري فيه و لازم اللحم يحافظ على الشكل تاعه و مين تبغي تقدميه سخني الصلصة لي نحيتيها و حطي منها غير شوية معاه
اقتباس:
المشاركة الأصلية كتبت بواسطة أم ملك
مساء الخير ليزا الله يشافيك وطهور إن شاء الله
La grippe تاع الصيف واعرة مع الصيام الله يكون في العون
من فضلك أختي قوليلي عجينة التشاراك لي تخدمي بيها و عجينة الصابلي
شكرا حنونة و القلاصاج الي درتيه للتشاراك بالبيض ولالا شكرا أسمحيلي قويت عليك
أنا بغيت ندير صابلي و نزيد نسيي صابلي التاج ﻷم أماني تشاراك مسكر و بالقلصاج و تشاراك الترك
و نزيد قاطو التاج و قاطو نص بنص ﻷم أماني إن شاء الله منكثرش غير كميات قليلة
أحنا في الدار مشي بزاف أنا و زوجي حبيبي و بنوتي برك
ندير غيرقيس ما ندي ﻷخوات زوجي خياتي و دارنا الله يقبل منا و يعيننا عل طاعته و حسن عبادته
|
شكرا حبيبتي ربي يخليك
عجينة التشاراك تاع ام اماني لي هي كاس سمن ذائب انا ندير مارغرين و نفس الكأس زيت و كاس حليب و تلمي بالفرينة انا نضيف لافاني تعطي بنة روعة و العجينة ما تكونش طرية بزاف
و القلاساج تاع التشاراك هو ارررروع قلاساج درته في حياتي للغالية ام محمد تاج فيه بياض بيضة و فنجان حليب فنجان زيت مخلط مع مارغرين ذائبة فنجان مازهر م ك اكستخي تاع اللوز م ص ملون ابيض و نبدأ نضيف السكر قلاسي مغربل ثلاث مرات حتى نتحصل على القوام المطلوب
الصابلي ندير رطل مارغرين طرية 250 غ سكر رطب م ص مملوءة لافاني و ثلاث صفار البيض و زوج حبات بيض كاملين طبعا كلما نضيف مكون نخلط ملييييح بالباتور و نبدأ نلم بالفرينة مغربلة مع كيس خميرة الحلويات بلا ما نعجن و نخليها ترتاح شوية و من بعد نبدأ نخدم بيها
ربي يعاونك و يقدرنا نديرو الحلويات و يتقبل منا اميييين
اقتباس:
المشاركة الأصلية كتبت بواسطة kaouka
|
الله يسلمك حبيبتي ربي يخلييييك والله حشمتيني و ما لقيت ما نقول ،، بارك الله فيك
اقتباس:
المشاركة الأصلية كتبت بواسطة أم محمد تاج
عسلايتي حنونتي ربي يخليك ليا نشالله وربي يشفيك ويعافيك وماتشوفي شر
فطوري عندي شوربة تاع البارح وكسرة غير نديكونجليها وصوتي بقى وزدت قراتان بطاطا ودجاج على طريقتي و الحمد لله
|
امين سكرتي الحلوة و بصحتك الغراتان ،، على فكرة بغيت نقولك بلي الطبق تاع ميمتك الله يرحمها تححححفة يعطيك الصحة مواااااح
اقتباس:
المشاركة الأصلية كتبت بواسطة selma2013
سلام يا لحراير صح رمضانكم حبيباتي حبيتكم تساعدوني بأسهل وصفة لي معتمدينها وما تديش وقت يعني وجبة على السريع ضروري ربي يحفضكم راني عقبت رمضان هدا العام في قلب الصحراء ما قدرت ندير والو النار شاعلة يا حباباتي ما قدرتش على السخانة
|
اهلًا. سلمى صح فطورك ،، انا الحريرة ندير تاع اربع ايام باش ما نطيبهاش كل يوم و نتيا مين وحدك تشدلك كثر مني و زيدي ديري سلاطة خضرا نقيها و اغسليها ملييييح و قطعيها و حطيها في علبة تتغلق و خليها فالثلاجة و كل يوم اجبدي منها على حساب لي تستحقي هاذو هوما لي يساعدوك و الشي لاخر أوبل يجي تطيبي كل يوم خخخخخخ مرة ديري شواء و مرة ديري بوراك و مرة ديري جاج محمر و هي رايحة
اقتباس:
المشاركة الأصلية كتبت بواسطة *سالي*
machaaaaaaaaaaaallah koulchi haaaaayl
|
شكرا حبيبتي نورينا بتواجدك معنا
اقتباس:
المشاركة الأصلية كتبت بواسطة الأمنيات
السلام عليكمرجبت لكم باروك الكوزنه ايزابيل اعتذر عن التاخير المهم
راني رجعت لكربالباروك ههههههه بسيط وساهل زلابية البنان لام رامي
|
و عليك السلام و رحمة الله و بركاته ،، حبيبتي حضورك أغلى من كلشي ،، يعطيك الصحة الزلابية روووووعة
اقتباس:
المشاركة الأصلية كتبت بواسطة أم ملك
السلام عليكم
فطورنا اليوم حريرة و كسرة و بوراك غراتان تاع البطاطا و اللحم مرحي باقية من البارح و حلو تاني باقي
و زدت درت جلبانة بالدجاج و البطاطا و البيض و مشروبات و فواكه و زلابية و لله الحمد على فضله
اللهم أدم علينا نعمك و سترك و عافيتك
|
ممممم فطور يشهي بصحتكم حبيبتي
اقتباس:
المشاركة الأصلية كتبت بواسطة fadoula fcb
لبنات كاين وحد القاطو دارتو ام اماني بي كورنفلاكس شكون تقدر تجبدولي الله يخليكم
|
للأسف بغيت نساعدك مي ما لقيييييتش الوصفة و كنت شفتها غير هاذو ليام
اقتباس:
المشاركة الأصلية كتبت بواسطة أم الفرسان
صح فطوركم الزيناااات
جبتلكم قلب اللوز باللبن تاع ليليا
 |
يعطيك الصحة و الشكر موصول لليليا ربي يحفظها
الحمد لله الذي اطعمنا هذا الطعام و رزقنا إياه من غير حول منا ولا قوة
( تقرير عن مشاركة سيئة )، و الموجودة أسفل كل مشاركة .
2014-07-14, 22:52
الجزء81من مطبخ واش طيبتي اليوم ** مرحبا بالكل **
العرض العادي
