للإجابة عن استفساراتكم حول السنة الأولى '' تخصص الطب '' و كذا '' الطب العسكري ''

[rehahlia]

خويا حنا يبعثونا لعنابة ممكن ندير نقلة للجامعة انتاعكم باين فيها رايعة وكيف يتم ذلك ومتى+بعد ماتكمل 7 سنين واش ممكن تخدم ولا لازم تكمل سبيسياليست

[نسرين سامي]

المشاركة الأصلية كتبت بواسطة romi rosa

ربي يحفظك يا اختيى بارك الله فيك ...لك مني جزيل الشكر والامتنان

سلام العفو اليك موضوع وضعت فيه الدروس https://www.djelfa.info/vb/showthread.php?t=1627393

[nina ho]

خويا من فضلك راني مترددة بزاف بين الصيدلة والطب اعطيني رايك ؟؟
هل نجم نحافظ على الامتياز في الجامعة ؟؟؟

[.زَيْنْ الْدِيِنْ.]

المشاركة الأصلية كتبت بواسطة nina ho

خويا من فضلك راني مترددة بزاف بين الصيدلة والطب اعطيني رايك ؟؟
هل نجم نحافظ على الامتياز في الجامعة ؟؟؟

الامتياز تقدري تحافظي عليه بقليل من الاجتهاد و كثيـــــر من التنظيم ،، ابتداءا من الدروس الى تنظيم الوقت
... والله شخصيا احبذ الطب '' ليس لأني أدرس الطب " و لكن الصيدلة في بلادنا ماتعجبنيش لأنهم يحطموك بعد التخرج ،، باه يعطوك l'agrement ،،، الا اذا كان كملتي التخصص
مجرد رأي فقط

[nina ho]

المشاركة الأصلية كتبت بواسطة .زَيْنْ الْدِيِنْ.

الامتياز تقدري تحافظي عليه بقليل من الاجتهاد و كثيـــــر من التنظيم ،، ابتداءا من الدروس الى تنظيم الوقت
... والله شخصيا احبذ الطب '' ليس لأني أدرس الطب " و لكن الصيدلة في بلادنا ماتعجبنيش لأنهم يحطموك بعد التخرج ،، باه يعطوك l'agrement ،،، الا اذا كان كملتي التخصص
مجرد رأي فقط

يعني فارماسي واش تقدر تدير بعد التخصص ؟؟
هل يقبلوا في قسنطينة التغيير ؟؟؟؟؟؟؟؟

[.زَيْنْ الْدِيِنْ.]

المشاركة الأصلية كتبت بواسطة nina ho

يعني فارماسي واش تقدر تدير بعد التخصص ؟؟
هل يقبلوا في قسنطينة التغيير ؟؟؟؟؟؟؟؟

والله ولا فكرة عن التخصصات الموجودة ،،
بالنسبة للتغيير ،، فلم أفهم سؤالك ؟ تغيير ماذا ؟

[موتي ولا دمعة أمي]

صباح الخير أخ زين الدين
أردت سؤالك عن الدراسة تتم في سداسيين لكن المواد نقراوهم كيف كيف ولانقراو واحد ونكملوه باه نزيدو الثاني ويلا هاك باه نبداو أرجو منك توضيح الفكرة

[وفاء العهد]

المشاركة الأصلية كتبت بواسطة manel.1706

السلام عليكم وصح رمضانكم
أنا طالبة طب سنة ثالثة جامعة وهران مرحبا بكم الى هذه الشعبة وأي تساؤلات أنا في الخدمة
بالتوفيق

و عليكم السلام اختي
كنت حابة نسقسيك كيفاش مرت عليك السنة الثانية هل هي صعبة؟؟
++
كيفاش درتي مع الاناتومي قالولي صعبة

[.زَيْنْ الْدِيِنْ.]

المشاركة الأصلية كتبت بواسطة موتي ولا دمعة أمي

صباح الخير أخ زين الدين
أردت سؤالك عن الدراسة تتم في سداسيين لكن المواد نقراوهم كيف كيف ولانقراو واحد ونكملوه باه نزيدو الثاني ويلا هاك باه نبداو أرجو منك توضيح الفكرة

والله لم أفهم سؤالك جيدا ،،،
بالنسبة لقسنطينة لدينا 3 ثلاثيات ،،، أغلب المواد نقراوهم عام كامل ،،،
بالنسبة للمواد اللي فيها امتحانين فقط ،،
عندك فالثلاثي الاول ،، embrio / stat / deonto
و الثلاثي الثاني ،، embrio / stat / informatique / physio / histo / deonto
و الثلاثي الأخير ،، physio / histo / informatique
يعني الثلاثي الثاني متعب نوعا ما لأنو فيه 12 modules

[ghezal 1995]

السلام الاخ زين الدين ممكن تضع رابط الفايس ديالك للتواص اكثر حول التخصص

[نعمة القدوس]

السسلـام عليكم أخي زين الدين

حابة نسقسيى على اليوم الدراسي
كيف يكون ؟

أحكيلنا على يوم من أيام الدراسة تاعك مثلا ؟

كيف يتم تقسيم التلاميذ ؟ هل ندرس بنفس الطريقة التي كنا عليها في الثانوية ؟
أم تختلف الأمور كثييرا !

تقدر تديرلنا موضوع على المصطلحات الجامعية مثل td ولا أدري ماذا
مانيش حابة نتبهدل قدام الغاشي بسبب جهلي لمثل هذه الأمور

وشكرا

[وَ بشّر الصّابرين]

المشاركة الأصلية كتبت بواسطة موتي ولا دمعة أمي

صباح الخير أخ زين الدين
أردت سؤالك عن الدراسة تتم في سداسيين لكن المواد نقراوهم كيف كيف ولانقراو واحد ونكملوه باه نزيدو الثاني ويلا هاك باه نبداو أرجو منك توضيح الفكرة

المشاركة الأصلية كتبت بواسطة .زَيْنْ الْدِيِنْ.

والله لم أفهم سؤالك جيدا ،،،
بالنسبة لقسنطينة لدينا 3 ثلاثيات ،،، أغلب المواد نقراوهم عام كامل ،،،
بالنسبة للمواد اللي فيها امتحانين فقط ،،
عندك فالثلاثي الاول ،، embrio / stat / deonto
و الثلاثي الثاني ،، embrio / stat / informatique / physio / histo / deonto
و الثلاثي الأخير ،، physio / histo / informatique
يعني الثلاثي الثاني متعب نوعا ما لأنو فيه 12 modules

السّلآم عليكمـ

الأخْــت أنتِ وهرآن ؟؟ ...أصلآ عندنــآ زوج فصُول بركـ ...!

لآلآ...نفْس الموآد اللي تقرآيهم في السومـآستر اللول تعـآودي تقرآيهمـ في الزآوج ...عندكـ " موديل على أخلآق الطب" تقرآوهـ الّآ في السومـآستر الثـآني ...

بالتّـــــوفيق ..
سلآم

[موتي ولا دمعة أمي]

المشاركة الأصلية كتبت بواسطة .زَيْنْ الْدِيِنْ.

والله لم أفهم سؤالك جيدا ،،،
بالنسبة لقسنطينة لدينا 3 ثلاثيات ،،، أغلب المواد نقراوهم عام كامل ،،،
بالنسبة للمواد اللي فيها امتحانين فقط ،،
عندك فالثلاثي الاول ،، embrio / stat / deonto
و الثلاثي الثاني ،، embrio / stat / informatique / physio/ histo / deonto
و الثلاثي الأخير ،، physio / histo / informatique
يعني الثلاثي الثاني متعب نوعا ما لأنو فيه 12 modules

مشكور أخي ... كان قصدي على طبيعة الدراسة يعني لي موديل نقراوهم كامل كيف كيف في ضربة ولا حتى نكملو واحد باه نروحو للثاني
لكنني فهمت انو الدراسة تختلف من كلية الى اخرى

[موتي ولا دمعة أمي]

المشاركة الأصلية كتبت بواسطة .زَيْنْ الْدِيِنْ.

والله لم أفهم سؤالك جيدا ،،،
بالنسبة لقسنطينة لدينا 3 ثلاثيات ،،، أغلب المواد نقراوهم عام كامل ،،،
بالنسبة للمواد اللي فيها امتحانين فقط ،،
عندك فالثلاثي الاول ،، embrio / stat / deonto
و الثلاثي الثاني ،، embrio / stat / informatique / physio / histo / deonto
و الثلاثي الأخير ،، physio / histo / informatique
يعني الثلاثي الثاني متعب نوعا ما لأنو فيه 12 modules

المشاركة الأصلية كتبت بواسطة وَ بشّر الصّابرين

السّلآم عليكمـ

الأخْــت أنتِ وهرآن ؟؟ ...أصلآ عندنــآ زوج فصُول بركـ ...!

لآلآ...نفْس الموآد اللي تقرآيهم في السومـآستر اللول تعـآودي تقرآيهمـ في الزآوج ...عندكـ " موديل على أخلآق الطب" تقرآوهـ الّآ في السومـآستر الثـآني ...

بالتّـــــوفيق ..
سلآم

ايه نعم أنا في وهران ان شاء الله ...........
أختي تعيشي تقدري تفهميني كيفاش نقراو يعني لي موديل نقراوهم كامل في نفس الوقت ووالامتحانات وقتاش نديروهم في التالي تع كل سوماستر تعيشي فهميني ........
موديل تاع déontologie راني طالعتو موديل هايل بزاف جاني سهل ولا راني غالطة
أختي أنت من أي ولاية

[وَ بشّر الصّابرين]

المشاركة الأصلية كتبت بواسطة موتي ولا دمعة أمي

ايه نعم أنا في وهران ان شاء الله ...........
أختي تعيشي تقدري تفهميني كيفاش نقراو يعني لي موديل نقراوهم كامل في نفس الوقت ووالامتحانات وقتاش نديروهم في التالي تع كل سوماستر تعيشي فهميني ........
موديل تاع déontologie راني طالعتو موديل هايل بزاف جاني سهل ولا راني غالطة
أختي أنت من أي ولاية

السّلآمـ عليكمـ ..

منْ نفس ولآيتكـ

ايهـ ...تقْرآي كـآمل لي موديل في نفس الوقت ....عادي تبعوا جدْول زمني ...تماما كيمـآ كنتوا تديروآ في الليسي

تدّخلوا على 8.00 ..وتخرجوا على 13.00 -----------هذو لي كور
لكــن عـآدة نخرجوا قبل الوقت ...مـآيكملونـآش حتّى للـ 13.00

وعندكـ مع لعشية تقرآو لي تيدي ...من 13.30
كـآين أسبوع تقرآي فيهـ تقريبا كلّ الأيّـآم مع لعشية ...دي فوآ تخرجي على .15.30 ...ودي فوآ على 17.30 ...ودي فوآ على 14.30 ..
وكـآين الاسبوع اللي بعدو مـآتقرآوش كل يومـ مع لعشيّة ...مـآيكونش شـآرجي بزّآف ...مي الكور يوميّـآ تقْرآو ...تمشوا على الجدول الزّمني اللي رح هوما يخبروكمـ عليهـ ..

بالنّسبة للامتحـآنآت ،في نهاية كل سومـآستر عندكـ اسبوعـآن تمتحنوا فيهمـ ..
السومـآستر الثـآني ،فيهـ امتحآنآت الدّروس ....والامتحـآنات تع لي تيدي ...على العكس السوماستر اللول فيهـ الّآ امتحانات الدّروس ...هذآ يلا تبّعتوا نفس الرّيتمـ

نوعيّة الامتحـآنات ...كـآنت العـآم المـآضي تختلف من موديل للوديل ....كاين اللي كانوا يديرولنا qcm وكاين اللي دآرولنا qcs ..
الدّفعات اللي قبلْنـآ كانوا يديرولهمـ الآ qcs ...يعني اختيـآر وآحد لكل سؤآل ....ولآ يديرولهمـ بين وبيـن ..
مي حنـآ العـآم المـآضي بزآآآف لي موديل اللي دآروهملنا بقـآنون الكــل أو اللاشيء ..qcm

نعمـ ،ديونتو سـآهْلة بزّآف ..أنا قريتهـآ غيير ليلة الامتحـآن وجبت فيها علآمة جيّدة ..

أي أسئلة سنكون في الخدمة ...
سلآم