الجزء 30من واش طيبتي اليوم؟؟للفحلات تاع المنتدى - الصفحة 19

بريق الامل& · 2013-10-02, 13:11

يا حلاوة الجبنة السايحة

حلاوتها لما تصفى لي
أنا وإنتوا واللي في بالي

zahra30 · 2013-10-02, 13:13

مساء الخيير وصح غداكم اليوم درت مقارون بالدجاج وكسرة وفقوس والحمد لله
راني نشوف في حمى بغات تنتشر انتاع البركوكس هههههه هذي صورة من الارشيف انتاعي

وصفة ليبينيي اللي درتهم اختي امنيات وشكرا على التشجييع ههههههه
لي بينيي ( دونات)
50 غ زبدة ، 2 حبات بيض ، ربع كاس سكر ، ربع كاس لحظة ، ¾ كاس ماء دافي
فاني ، 1 مغرف صغيرة خميرة قاطو ، مغرف كبيرة خميرة الخبز ، نص ملعقة صغيرة ملح ، 3ونص كاس فرينة
في الخلاط نخلطو كل المكونات مع بعض عدا الفرينة نديرو كاس فقط
نخلطوهم مليح لمدة لاتقل عن 10 دقائق
نفرغوهم ونخلوهم يطلعو 5 دقائق ونزيدو عليهم 2 كيسان ونص فرينة

تعجني حتى تتحصلي على عجينة طرية ومتماسكة
( وقادرة تزيدة الى غاية نص كاس اوخ حسب نوعية الفرينة )

غطي لعجينة وخليها ترتاح ربع ساعة

حلي لعجينة تاعك على سطح مدهون زيت
اطبعيها دائرية واثقبيها في الوسط
حطيهم في بلا يكون مغطي بورق الشمع
او بمنشفة باش يسهلو تهزيهم وماتخسرش لافورم تاعهم

خليهم يرتاحو حتى يطلعو ويتنفخو مليح

واقليهم في زيت على نار هادية باش مايتحرقوش ويطيبو من الداخل

يتقطرو ويتزينو حسب الرغبة
سكر او شوكولا او مربى

وشكرا لصاحبة الوصفة

nihale89 · 2013-10-02, 13:13

اقتباس:

المشاركة الأصلية كتبت بواسطة omnadjem.10

شوفو بنات نبدالكم بقصه العسل ومن بعد نحط الصور راني ملقيتوش الهاتف ماوكلي منعرف وين حطو
كيما قلت خدمت عسل حبيبتى ام انس وكل مانخدمو رايحا جايا عليه في المطبخ نذوق فيه حتى نكملو ههههههه من غرامي فيه قلت لزوجي غير ذوقو راه يهبل خير من تاع برى راني تعلمتو من المنتدى المهم

بالسيف ولا ذاق ومن بعد قالي ايه ياك قتلك من قبل مليح بصح هادي عسيله ماشي عسل خخخ قتلو علاش قالولك راني نحله نخدم لعسل الحر ومنها وهو فاطس بالضحك خخخخخخخخخ

هههههههههههههههههههههه

nihale89 · 2013-10-02, 13:15

اقتباس:

المشاركة الأصلية كتبت بواسطة بريق الامل&

يا حلاوة الجبنة السايحة

حلاوتها لما تصفى لي
أنا وإنتوا واللي في بالي

مممممممممممم يا حلاوتها بجد يا بروقة

إلهام07 · 2013-10-02, 13:16

اقتباس:

المشاركة الأصلية كتبت بواسطة omnadjem.10

شوفو بنات نبدالكم بقصه العسل ومن بعد نحط الصور راني ملقيتوش الهاتف ماوكلي منعرف وين حطو
كيما قلت خدمت عسل حبيبتى ام انس وكل مانخدمو رايحا جايا عليه في المطبخ نذوق فيه حتى نكملو ههههههه من غرامي فيه قلت لزوجي غير ذوقو راه يهبل خير من تاع برى راني تعلمتو من المنتدى المهم

بالسيف ولا ذاق ومن بعد قالي ايه ياك قتلك من قبل مليح بصح هادي عسيله ماشي عسل خخخ قتلو علاش قالولك راني نحله نخدم لعسل الحر ومنها وهو فاطس بالضحك خخخخخخخخخ

ههههههههههههههههههههه ضحكت بالصوت

touta2010 · 2013-10-02, 13:21

اقتباس:

المشاركة الأصلية كتبت بواسطة omnadjem.10

شوفو بنات نبدالكم بقصه العسل ومن بعد نحط الصور راني ملقيتوش الهاتف ماوكلي منعرف وين حطو
كيما قلت خدمت عسل حبيبتى ام انس وكل مانخدمو رايحا جايا عليه في المطبخ نذوق فيه حتى نكملو ههههههه من غرامي فيه قلت لزوجي غير ذوقو راه يهبل خير من تاع برى راني تعلمتو من المنتدى المهم

بالسيف ولا ذاق ومن بعد قالي ايه ياك قتلك من قبل مليح بصح هادي عسيله ماشي عسل خخخ قتلو علاش قالولك راني نحله نخدم لعسل الحر ومنها وهو فاطس بالضحك خخخخخخخخخ

إلهام07 · 2013-10-02, 13:22

ممممممممممممممم بروقة راهي زاهيتلك وفايقة ورايقة ههههههههههههههههههههه
ارواحي هنا تحسبي تغيبي وجي داخلة لا احم لادستور لا تبيري غياب ماجبتي ولي
هو دخول الحمام زي خرجو ؟

ههههههههههههههه تويتي فكرة خخخخخخخخخخخخ بصح رمضان فات هههههههههههههههه
الصح الصح وليت ساعة على ساعة نقوللها عطاوهملي باطل لاخاطر مالين الحوانت الصراحة عادو يعرفوني كي يشوفوني يموتو بالفرحة هههههههههههههههههههههههههههههههه

ليدي بصحتكم الحمص ، تصوري انا كرشي رايحة تنفجر من اللوبياء ونشوف في الحمص نتاعك يالهوي هذي راهي أسلحة الدمار الشامل هههه

إلهام07 · 2013-10-02, 13:23

حقة بنات قوليلي وكتاش نبداو نصومو وكتاش رايحين تبداو قاطو العيد ؟

أم محمد تاج · 2013-10-02, 13:25

عاااااااااااااااااااااااااااااااااااااااااجل
زوجي حبيبي قتلووو رايحة نديرلكم لعشية بريوووش يهبل شفتو في المنتدى قالي عاوديلي قاطو الطبقات لازم كي نكره منو ديري واش تحبي فغضبت وقتلو ندير قاطو الطبقات والبريوش قالي المهم لعشية كي نروح نلقااااااه واااااااااااااااع واش أداني علاش مشيت خخخخخخخخ

touta2010 · 2013-10-02, 13:26

اقتباس:

المشاركة الأصلية كتبت بواسطة إلهام07

حقة بنات قوليلي وكتاش نبداو نصومو وكتاش رايحين تبداو قاطو العيد ؟

انا صراحتا منديرش لقاطو شكون ياكله عام وهما يستنو في بعبع ونتي تقولي قاطو يخي كل يوم راه لقاطو

ladymillion · 2013-10-02, 13:26

ههههههههههههه صح الهام واش راح نديوا هاذ الايام نفوتوها هكذا الحكومة شادة السَنتورة شوي معليش راهو جاينا الخيييييير والخمير ايام العيد نكباروا وننساو ههههههههه

ladymillion · 2013-10-02, 13:29

ام محمد تاج ديري واش قالك راجلك وغدوة ان شاء الله ديري البريوش باش ما تتعبيش

الهام يبالي نبداو نصوموا في 6 من هاذ الشهر الميلادي يباااااااالي

nihale89 · 2013-10-02, 13:29

[QUOTE=أم محمد تاج;1054501459]عاااااااااااااااااااااااااااااااااااااااااجل
زوجي حبيبي قتلووو رايحة نديرلكم لعشية بريوووش يهبل شفتو في المنتدى قالي عاوديلي قاطو الطبقات لازم كي نكره منو ديري واش تحبي فغضبت وقتلو ندير قاطو الطبقات والبريوش قالي المهم لعشية كي نروح نلقااااااه واااااااااااااااع واش أداني علاش مشيت خخخخخخخخ
ههههههههههههه شفتي يا جارتي والله حتى انا هبلني بيه
الظاهرة فيهم العرق

sidali 2007 · 2013-10-02, 13:31

صحة غدواتكم
شكرا ام كوثر والله لغربية تاعك روووعة هذاك طبسي خلاص ككملت نصور ههههههههه
وآآآاعععععععع علي بركوكس يعطيك الصحة شهيتني انا ميجنيش مليح روح عند اختي سبسيالتي فيه
ام انوس ضحكتي علي قلوب جلجلانية محروق ولا
ليدي بصحتك لحمص راني جربتو رووووعة درتو خطرة لعجوزتي مفهمت والو ضرك تهدر عليه ههههه
الهام خرجتلك روعة فوكشيا بصحتك بنينة بلبذنجال
روحت عند ماما تغديت عدس احمر بلرخساس امممممممممم لحقتهم عدوة تقشف تاع لعيد
حنا ليوم اعطاونا بريم لعيد واواوا كثر خيرهم

touta2010 · 2013-10-02, 13:31

اقتباس:

المشاركة الأصلية كتبت بواسطة أم محمد تاج

عاااااااااااااااااااااااااااااااااااااااااجل
زوجي حبيبي قتلووو رايحة نديرلكم لعشية بريوووش يهبل شفتو في المنتدى قالي عاوديلي قاطو الطبقات لازم كي نكره منو ديري واش تحبي فغضبت وقتلو ندير قاطو الطبقات والبريوش قالي المهم لعشية كي نروح نلقااااااه واااااااااااااااع واش أداني علاش مشيت خخخخخخخخ

تستاهلي وعلاش تقوليله انا منخبرش حتى نوجدها لربما متنجحليش ولا تتحرق وقتها نخبيها ونسكت بصح اذا كان علاباله من قبل بها وووو يجعل مني اضحوكة اليوم