الطبعة العاشرة لدورة الرقي بمدبرة منزل مثالية - الصفحة 19

~ حراير ~ · 2012-12-31, 16:53

و الآن الأسئلة

أسئلة لوليداتي الأذكياء و الي يجاوبو نعطيه بوسة كبيييييييييرة

ما اسم والد الرسول صلى الله عليه وسلم ؟ وما اسم امه ؟
في أي يوم ولد الرسول صلى الله عليه وسلم ؟
متى مات أبوه ؟
من هي المرأة التي أرضعته ؟
كم كان عمره عندما ماتت امه ؟ وكم كان عمره عندما مات جده ؟
من الذي رعاه بعد موتهما ؟
عندما نذكر اسم الرسول صلى الله عليه وسلم .. فماذا نقول ؟*

و درك السؤال المهم هل تحب الرسول صلى الله عليه و سلم ؟؟؟ لماذا؟؟؟ "هذا السؤال سيتكرر دائما و كل مرة نلاحظو تطورهم في الإجابة

بالتوفيق

سمراء الدنيا · 2013-01-01, 07:42

باسم الله الرحمان الرحيم ... السلام عليكم و رحمة الله و بركاته
الحمد لله الذي جللنا اليوم عافيته. و جاء بالشمس من مطلعها .اللهم اصبحت اشهد لك بما شهدت به لنفسك. و شهدت به ملائكتك و حملة عرشك و جميع خلقك انك انت الله القائم بالقسط . لا اله الا انت العزيز الحكيم . اكتب شهادتي بعد شهادة ملائكتك و اولي العلم . اللهم انت السلام و منك السلام و اليك السلام . اسالك يا ذا الجلال و الاكرام ان تستجيب لنا دعوتنا . و ان تعطينا رغبتنا . و ان تغنينا عمن اغنيته عنا من خلقك . اللهم اصلح لي ديني الذي هو عصمة امري . و اصلح لي دنياي التي فيها معيشتي و اصلح لي آخرتي التي اليها منقلبي .

سمراء الدنيا · 2013-01-01, 08:03

تطبيقي ليوم الاثنين .....
خلصت الصباح الجانب الديني على اكمل و جه (الحمد لله) .... و خلصت الجانب الجمالي.....
لميت الدار كامل و نظفتها على السريع .... لغدا كانت طايبة المرقة نتاع الشوفلور اللي درتها البارح....
رحت نحيت الريدو نتاع الشومبرا و غلافات لمخاد و درتهم في الماشينة و تاني لي سورتيدبان و شوي قش كان بقيلي بلا غسيل....
و ريحت في الماشينة نخيط .... تاني لعشية ريحت في الماشينة و راني كملت البيجامة درك نعمليها الديكور و نوريهالكم .... من بعد العصر حتى للمغرب قريت و لدي 2 تمارين في الفرنسية و 2 في الرياضيات و اليوم الصباح منين ينوض نفهمو الدرس اللي حطاتو الاخت ليلى في التربية اسلامية .... في الليل ما درتش لعشا كنا معروضين بصح خلطت قلب اللوز باه غدوة منه نطيبها .

سمراء الدنيا · 2013-01-01, 08:07

ملاحظة
كنت غير نستنى في الاثنين باه نصومو
لكني نسيتو تماما .... لازمني حد يفكرني ...
و اذا تفكرتو الخميس الله يخليكم فكروني...

سمراء الدنيا · 2013-01-01, 08:09

مريم و نبض الفؤاد و ام ملاك و لينا و وفاء و باتول و مينا و ام امجد
راكم غيبتو ياك لاباس

وفاء سعاد · 2013-01-01, 09:34

اقتباس:

المشاركة الأصلية كتبت بواسطة فاطمة بشار

اسعد الله صباحكم واش راكم صحاباتي راني كنت في دارنا رحت نبدل الجو شوية ونكسر الروتين والحمد لله راني ماعلياش

وفاء سعاد · 2013-01-01, 09:35

اقتباس:

المشاركة الأصلية كتبت بواسطة سمراء الدنيا

مريم و نبض الفؤاد و ام ملاك و لينا و وفاء و باتول و مينا و ام امجد
راكم غيبتو ياك لاباس

صليحة يسقسي عليك الخير والله غير نحمدو ربي الساعة هادي

وفاء سعاد · 2013-01-01, 09:37

اريج بارك الله فيك عل الدروس رائعة وفي القمة اليوم ان شاء الله نبدا معاهم في الليل نديرهالهم حكاية مع الاسئلة ونزيد معلومات من عندي

وفاء سعاد · 2013-01-01, 09:40

اقتباس:

المشاركة الأصلية كتبت بواسطة فاطمة بشار

وفاء ان شاء الله غيابك يكون فالخير

فاطيمة يسقسي عليك الخير حبيبتى راني رحت لدارنا نبدل الجو شوية

وفاء سعاد · 2013-01-01, 10:05

بالنسبة للتطبيقات الجانب الدينى قايمة بيه الجانب الجمالي الفازلين والسيشوار للشعر وقليل من الماكياج الجانب التنضيفي البارح كي جيت درت لشومبر تاعي وبدلت الفراش ومسحت الغبرة كامل وبدلت ليناب تاع الكوافاز ونحيت الزربية اليوم نغسلها وحطيت واحدا اخري وابنتي عاونتني في البيوت الاخرين تمسح الغبرة وانا سيقتهم كامل وعطرت البيوت ودرتلهم العشاء خفيف بيتزا وفريت وشوية طراف تاع الدجاج حمرتهم وسلاطة ودوشت واليوم راني مع الكوزينة بليت الكسرة وخليتها تطلع ودرت لوبيا مع المرقاز وبديت بالدوش والمرحاض حطيت فيهم نضاف وبعد نصف ساعة حكيتهم وشليت مليح ولاو يبرقو وحطيت القش في الماشينة ودرك نكمل الغداء ونبدا في الزربية نغسلها

بتول8 · 2013-01-01, 11:02

صباحكم بالخير كل وحدة فطومة سمرا سعاد سندوسة مينا ام امجد كااااااااااااااااااااااااااااامل كاااااااااااااامل ان شاء الله تكونو بخير
تطبيقاتي
الجانب الجمالي دوشت و عملت مكياج خفيف
الجانب الديني راني نستمع لسورة يوسف بصوت جابر علي
التنظيفي
لميت الدنيا و كنست الزرابا و متمنية نشريو اسبيراتور تعييني البالي خاصة الشعر يلصق
الغدا عملنا محاجب و راني ندير فالمقصوص لوالدي يشرب بيه قهوة
الحمد لله
اللهم ادمها نعمة و عافنا في ابداننا لنقوم على شؤوننا

~ حراير ~ · 2013-01-01, 17:21

السلام عليكم و رحمة الله تعالى و بركاته
حباباتي لعزيزات و لحبيبات
وش احوالكم
تطبيقي لليوم بالنسبة للجانب الديني
صلينا كامل الصلوات جماعة و بعد الصلاة عملنا 6 سبحات
1- سبحان الله - الحمد لله -الله اكبر -لا اله الا الله - استغفر الله - اللهم صل على سيدنا محمد و على آل سيدنا محمد
قريت الورد انتاعي
تذاكرنا معنى الحديث تاع أمس

الجانب الجمالي راني من لكحل مش خارجة خاصة اني نحسو يحبسبي سطرة تاع راسي

الدار راني الحمد لله كملت كل الأشغال العميقة كيما قلتلكم من قبل و الدار كي العادة تبات نظيفة فعلى ما نظت طيبت شخشوخة بسكرية بالكابوية
و العشاء حشيت الكاليماري و درت معاه البطاطا في الأكياس في الفرن

التربوي راني مع اريج باش تحفظ بعض الجمل بالفرنسية و تكمل جدول الضرب بقات حاصلة في جدول 8 راح تهبلني معاه من شهر تقريبا او اكثر
امس حظو اناشيدهم المدرسية في الليل تقريبا اريج هي الي قرات القصة تاع مولد الحبيب عليه الصلاة و السلام يتسمى انا غير تدخلت بعض التدخلات بالدارجة برك

هاد هو يتسمى مادرتش حاجة مميزة
المهم باش نكملو مع بعض و فرات

~ حراير ~ · 2013-01-01, 17:23

بالمناسبة راني استقدت ام مريم بزاف يعني راهي كاينة في المنتدى و الا مش تبان خلاص
ربي يجعلها غيبة خير و يجعلها ي صحة و راحة و هناء هي وكل عايلتها

~ حراير ~ · 2013-01-01, 17:33

[COLOR="Navy"]السلام عليكم حباباتي امبارح وعدتكم بقصة السيدة خديجة لكن سامحوني ما قعدتش باش نلهى و نكتبها لكن اريج انقذتني بهاد الموقع

https://www.kids.jo/main/ViewHtmlStor...CatID=2&Read=1

و هاد ثاني لقيتو و عجبني بزاف
ترجموه للجزائرية راح يكون مفيد جدا جدا
و ما تنساونيش بدعوة زينة

https://forums.fatakat.com/thread2863327-2[/COLOR

ممكن سؤال وش ولادكم مع الرسم
وش رايكم غدوة نعطوهم في القيلولة في مكان الميكرو و التفراج يرسمو و نوحدو الرسم و بعدين نوضعو رسوماتهم و نشجعوهم
راني نستنى ي جوابكم

سمراء الدنيا · 2013-01-01, 19:01

بالنسبة للرسم هاذاك ما يحبو الاولاد
ولادي كل يوم يرسمو و انا تاني معاهم ... اتافقو على موضوع
و نعطوهم يرسموه و غدوة نحطو رسوماتهم .....
يعطيك الصحة ليلى فكرتي في كل الجوانب.