السلام عليكم اخواتي العزيزات اولا شكرا على المرور و ثانيا اسمحولي لانني لم اجب على اسئلتكم لان الانترنت عندي كانت مقطوعة و الان نبدا بالاجابة
اقتباس:
المشاركة الأصلية كتبت بواسطة amina.z
قوليلي اختي شحال جات الكمية بهاد المقادير
و يعطيك الصحة
|
حوالي 37 او 38
اقتباس:
المشاركة الأصلية كتبت بواسطة sarah1424
سلام اختي
راني ناوية نطيبو قوليلي تعيشي في الصورة الثانية نتاع الجوزة نستلي ابيض مهوش طايب؟؟؟؟
وزيد حابة نديرو للعيد معليهش نطيبو ونحطو في الفريجو لخاطر سخانة بزاااااف جاوبني الله يسترك
|
لالا اختي النسلي طايب لكن ما خليتوش طاب بزاف
اقتباس:
المشاركة الأصلية كتبت بواسطة om kheiyrour
انا عجبني بزاف حابة نديرو للعيد
قوليلي وقتاش نديرو بالظبط باش ميفسدليش
نهار و لا نهارين قبل العيد يعطيييييييك الصحة
|
الله يسلمك اختي تقدري لحد اسبوع و الاحسن يومين
اقتباس:
المشاركة الأصلية كتبت بواسطة حسيبة2010
ماشاء الله روعة...قوليلي نقدر نخدم القاطو بدون هذا المول يعني نشكلو كويرات و نضغط برك مكان الفراغ
جاوبيني من فضلك حبيت نجربو في العيد
|
لالا اختي العجينة سائلة كيما المسكوتة ما تقدريش تتحكمي فيها لازم ليمول اللي يحكمولها الشكل و شكرا
اقتباس:
المشاركة الأصلية كتبت بواسطة حنان89
قاطو هايل اختي لكن اللي معندهاش هاد لي مول بواش تقدر تستبدلهم يعني هل تقدر تعملهم دي بول بيديها ولا لا و شكراااا على الوصفة الهايلة
|
اذا مكانتش لي مول دريه في بلا و قطعيه كي المسكوتة و زينيه كيما تحبي
اقتباس:
المشاركة الأصلية كتبت بواسطة meriem setif-2-
السلام عليكم ، بعد إذن صاحبة الوصفة رايحة نجاوبك ، النسلي راهو طايب أقراي الوصفة مليح دوك تلقاي بلي قالت نعمر بنسلي طايب ممكن في الصورة فقط جا يبان أبيض .إن شاء الله نكون أفدتك أختي و أرجو العفو من الأخت أم سارة .
|
شكرا اختي مريم على الاهتمام ربي يخليك