اقتباس:
المشاركة الأصلية كتبت بواسطة nadiem
الشرشم :
المقادير :
قمح مقشر
ماء
ملح
حليب
سميد خشين
زيت
الطريقة:
نغسل حبوب القمح وازالة ما بها من شوائب
ثم ننقع حبوب القمح في الماء لمدة 24 ساعة مع مراعات تغير الماء كل 6 ساعات
ومن ثم نقوم بتصفية القمح من الماء والتاكد انه خالي من اي شوائب
القمح قبل النقع
القمح بعد النقع
للنجيب برمة واسعة نحط فيها الماء والملح والقمح ونخليه حتى يطيب جيداااااا وينقص الماء
نصنع كرات من السميد والملح والزيت ونبلها بالماء كيما الكسرة الحرشة تجي مبسة او كيما الكرات تاع الكرباب
ونحطهم مع القمح يطيبو بلا مانحركهم
وكي يحكمو الكرات روحهم ويقساو يكون الماء نقص اكثر نضيف الحليب حسب الرغبة ونخليه يغلي ثم نطفي
ممكن نديروه بلا كرات السميد يجي اخف
|
نحن في الشرق وتحديدا في خنشلة نديرو الشرشم كي ينبت الرضيع سنيناتو الاولى ولكن الطريقة تختالف شوي نحن لا نضيف له كويرات الدقيق ولكن بعد ما يطيب القمح مليح نضيفولو حبيبات فقط حمص طايب مليح ايضانصفيوه مليح من الماء ونوجدو في قصعة الغرس منقي والزبدة ونعركوه مليح حتى تتمازج المكونات مع القمح ونشيحو بشوي روينة تاع القمح ونرسلو لكل الجيران والاقارب يجي حلوماشي مالح
وشفت تاع سطيف يعملولو مرق مثل العيش تماما عندنا ويرميو القمح فيه ويجي بنين ايضا ولكن في الغرب ما يديروهش ما عندهمش الاحتفال بسنينات الرضيع اصلا ينفخو شوي حبوب متعددةويطيبوهم مع العيش بمناسبة دخول السنة الامازيغية ويجي بنين ايضا
الف شكر على المجهود الي تقومي بيه وربي ينجحك في امتحاناتك
( تقرير عن مشاركة سيئة )، و الموجودة أسفل كل مشاركة .
2011-08-05, 15:18
العرض العادي
