الملازمين أوائل شرطة 2014 أخر أجل لإستلام الملفات 21/08/2014 - الصفحة 19

rimak007 · 2014-08-02, 15:38

السلام عليكم
بغيت نسأل على الفحص المعمق الي يكون في المدرسة في حالة ما اذا قبلوا الواحد اذا كان مصاب كاصابة قطع في الرباط الصليبي و لا الجانبي يقدروا بعرفوا بيه و لا لا و شكرا

farokov40 · 2014-08-02, 17:22

salm 3laykmm
chkon ykdre y9olna 3la les ecoles t3e les offices police cha7l kayn mene cole wet wache houma les ecole li rah y7alomh jdode we bark elho fikm

شمس الدين. · 2014-08-02, 17:59

اقتباس:

المشاركة الأصلية كتبت بواسطة rimak007

السلام عليكم
بغيت نسأل على الفحص المعمق الي يكون في المدرسة في حالة ما اذا قبلوا الواحد اذا كان مصاب كاصابة قطع في الرباط الصليبي و لا الجانبي يقدروا بعرفوا بيه و لا لا و شكرا

لا أخي لست بصدد التعاقد مع ريال مدريد لن يتم التعرف على هكذا إصابات
عندي صديق لدي بقالو 4 أشهر ويكمل التربص كان عندو إصابة مزمنة في الكتف يعني أي حركة بسيطة يخلع كتفه من مكانه وجرت الأمور عاديا جدا وأصيب عدة مرات أثناء التربص ولم يتم فصله بل عالجوه على حسابهم واستفاد من وقت العلاج بالنوم في العيادة هههه على العموم لا تقلق من هذا إلا إن كنت تمشي متعرجا فقد يشك الطبيب في إصابتك أما إن كنت تمشي سويا فلا بأس وبالتوفيق

matador_dz · 2014-08-02, 18:13

السلام عليم
اخواني هل من جديد بخصوص قبول جميع التخصصات

rimak007 · 2014-08-02, 18:35

اقتباس:

المشاركة الأصلية كتبت بواسطة شمس الدين.

لا أخي لست بصدد التعاقد مع ريال مدريد لن يتم التعرف على هكذا إصابات
عندي صديق لدي بقالو 4 أشهر ويكمل التربص كان عندو إصابة مزمنة في الكتف يعني أي حركة بسيطة يخلع كتفه من مكانه وجرت الأمور عاديا جدا وأصيب عدة مرات أثناء التربص ولم يتم فصله بل عالجوه على حسابهم واستفاد من وقت العلاج بالنوم في العيادة هههه على العموم لا تقلق من هذا إلا إن كنت تمشي متعرجا فقد يشك الطبيب في إصابتك أما إن كنت تمشي سويا فلا بأس وبالتوفيق

مشكووور اخيبارك الله فيك
انا عندي قطع في الرباط الصليبي بلا irm مستحيل يفيقوا بلي مبليسي بصح المشكل راه التدريب .......................

اللي يسمعني يحسب بلي راني جوزت و ربحت هههههههههههههههههههههههههههههههههههههههههه

عاطل عن العمل · 2014-08-02, 18:50

اقتباس:

المشاركة الأصلية كتبت بواسطة kamikaz-dz

سلام عليكم خويا حبيت نسسيك كي نجتاز الامتحان البسيكوتقني واذا قدر الله مانجحتش فيه يسمى مايعيطوليش نعقب الامتحان المقبل |؟؟؟

+++

وفيما يخص امتحان الرياضة كيفاه يكون ؟؟ يعني الواحد عندو مخاوف من الفيزيك شوي ناقص هل من نصائح ؟ وشكرا

و عليكم السلام ..
ادا ما ربحتش فالبسيوتقني تقدر تدير طعن في حيدرة , و لكن لازم تكون حذر لان العام لي فات كاين بزاف لي ما سمعوش بالطعن لان المدة بين نتائج البسيكوتنقني و مدة الطعن لي حددوها بثلاث ايام .. كانت مدة قصيرة جدا يعني بزاف ناس ما نجحوش ما عرفوش بالنتيجة و في نفس الوقت ما لحقوش يديرو طعن . و فالطعن مستحيل يرفضوك الا ادا كنت مريض عقلي او شيئ من هذا القبيل ..

الامتحان الرياضي لا يوجد و انما هو فقط خاص لدفعة شرشال .. فيها جري و رمي الجلة ثم جري 100 متر و قياس دقات القلب . يعني فيها تعب و لازم تكون تتمتع بلياقة جيدة..و محضر مليح .. اما اصحاب المدارس فماعندهمش رياضة مباشرة الدخول للتربص

عاطل عن العمل · 2014-08-02, 18:54

اقتباس:

المشاركة الأصلية كتبت بواسطة robertokurtzman

يا أخي ممكن تقولي شحال الوقت لي يعطوهولنا لكل إختبار يعني الأشكال قداه من دقيقة ز الدومين قداه من دقيقة والأسئلة البسيكو قداه من دقيقة بالضبط

الاشكال عشر دقائق و الدومين العام لي فات ماطاحش .. المجموعة الاولى طاحلهم الدومينو و المجموعة ماطاحش .. يعني انت و زهرك ..

الحساب عشر دقائق او ربع ساعة على الاكثر و محال يكفيك الوقت .

الاسئلة البسيكوتقنية ساعة و نص و كاين ساعتين و كاين لي تكملو في 10 دقايق يعني ملي تبدا صباح ما تكملش للعشية .. و يعطوكم وقت للراحة حوالي 20 دقيقة ..

عاطل عن العمل · 2014-08-02, 18:57

اقتباس:

المشاركة الأصلية كتبت بواسطة zaki88

شكرا اخي لك اخي علي التوضيح
ولله طريق طويلة.... مشكل في هاذ الكنكور يطولو بيك االطريق و يرفضوك في اي لحظة وتخسر كلشي راه كيما لقمار .....

العفو ..

الطريق طويل جدا و شاق و لكن العب لعبك ادا عندك كاش معرفة راهي ترجح الكفة بنسبة كبيرة ...

و لعلمك ما تقولش انك ضابط الا بعد التخرج .. حتى اثناء التربص فرجل في المدرسة و رجل خارجها .

عاطل عن العمل · 2014-08-02, 19:02

اقتباس:

المشاركة الأصلية كتبت بواسطة houssam0795

اخي تعيش شحال من فحص طبي يوجد من البداية حتى الالتحاق بالمدرسة نهائيا .علما ان عندي عملية جراحية .كفاه خويا يعني قادر يرجعوني في اخر مرحلة ولا كفاه . هي العملية قديمة""تبان على مستوى البطن"" وعندي اوراق تثبت ذالك !!!!

هناك ثلاث فحوصات طبية ..

و بالنسبة للعملية الجراحية . ادا كانت ظاهرة بزاف و تعيقك في اداء عملك . فنسبة كبيرة يتم رفضك اما ادا كانت ما تبانش بزاف يعني مارة صغيرة فممكن يتغاضاو عليها .. و انت و زهرك و انت و الطبيب لي تطيح معاه العام لي فات كان واحد سمين بزاف معانا ..

كان طبيبة على اليمين و طبيب على اليسار و كان مزير بزاف .. جا دور السمين باش يروح للطبيب على اليسار . ماحبش يروح و قعد يستنى الي قبلو يكمل مع الطبيبة باش يروح ليها .. كي كمل و فحصاتو قالتلو من المفروض نرفضك لانك سمين بزاف و لكن نعطيك فرصة باش تفقد شوية وزن . و من بعد قالتلو لوكان رحت للطبيب كان يرفضك 100/100

عاطل عن العمل · 2014-08-02, 19:06

اقتباس:

المشاركة الأصلية كتبت بواسطة farokov40

salm 3laykmm
chkon ykdre y9olna 3la les ecoles t3e les offices police cha7l kayn mene cole wet wache houma les ecole li rah y7alomh jdode we bark elho fikm

و عليكم السلام ..

من الاحسن الكتابة بالعربية حتى نفهمو مليح ..
المدارس المعنية بالتربص

الصومعة و سيدي بلعباس ، و شاطوناف، عين بنيان ،

و مؤخرا زادلوهم مدرسة عنابة و لي فيها الان حوالي 500 متربص

sparrow 2008 · 2014-08-02, 19:22

السلام عليم
اخواني هل من جديد بخصوص قبول جميع التخصصات

kamikaz-dz · 2014-08-03, 05:52

اقتباس:

المشاركة الأصلية كتبت بواسطة عاطل عن العمل

و عليكم السلام ..
ادا ما ربحتش فالبسيوتقني تقدر تدير طعن في حيدرة , و لكن لازم تكون حذر لان العام لي فات كاين بزاف لي ما سمعوش بالطعن لان المدة بين نتائج البسيكوتنقني و مدة الطعن لي حددوها بثلاث ايام .. كانت مدة قصيرة جدا يعني بزاف ناس ما نجحوش ما عرفوش بالنتيجة و في نفس الوقت ما لحقوش يديرو طعن . و فالطعن مستحيل يرفضوك الا ادا كنت مريض عقلي او شيئ من هذا القبيل ..

الامتحان الرياضي لا يوجد و انما هو فقط خاص لدفعة شرشال .. فيها جري و رمي الجلة ثم جري 100 متر و قياس دقات القلب . يعني فيها تعب و لازم تكون تتمتع بلياقة جيدة..و محضر مليح .. اما اصحاب المدارس فماعندهمش رياضة مباشرة الدخول للتربص

يعطيك الصحة حبيبي معليش نزيد نسقسيك فالتربص ماكانش طياح لقدر ولا يطيحلك بيماك مثلا وماشبهها من التعاملات ؟؟ ؟؟؟

وثاني كيفاه ندير باه مانكونش من دفعة تاع شرشال باه نتجنب الرياضة ؟؟ انا معول ندفع اليوم

androw vita · 2014-08-03, 15:10

السلام عليكم ,

حرق une zone de 3cm sur 7 cm

j'ai une brûlure au niveau de l'avant bras la partie intérieur est ce que ça va me déranger le jour de la contre visite

androw vita · 2014-08-03, 15:24

السلام عليكم،

عند حرق في المنطقة الداخلية للساعد حوال 3سم على 7سم، هل من مشكل في القبول .في الفحص المضاد و شكرا

androw vita · 2014-08-03, 15:32

السلام عليكم ,

حرق une zone de 3cm sur 7 cm

j'ai une brûlure au niveau de l'avant bras la partie intérieur est ce que ça va me déranger le jour de la visite

عند حرق في المنطقة الداخلية للساعد حوال 3سم على 7سم، هل من مشكل في القبول .في الفحص المضاد و شكرا